羲和雅苑

点的8人金牌套餐，质素差到不如茶餐厅，茶餐厅至少是现炒的，10分钟内上完所有的菜，显然都是提前做好的，预制菜，吃起来也没有锅气、不会再去帮衬，很失望，服务也很差，点了烤鸭，甜面酱不够，等了20分钟都没有拿给我，催了两次才上，我不确定是不是我点的open rice上套餐的原因，我也是最后买单付了KD1600+，也没有很便宜，所以这家生意不好是有它的原因的，根本不会有回头客，以上的是我很客观真实的感受。…查看更多

90分鐘烤鴨放題🙏🏾 請唔好有呢個選擇俾人please🙏🏾一 上菜速度好慢+經堂漏單二 烤鴨既皮厚到乜咁，又油到癲，又淋 (厚+油+淋=淋身豬油渣)三 烤鴨皮厚肉少，買鴨皮送肉？四 包鴨既餅皮又係厚身咗啲，唔軟熟五 有優點的，但缺點足以蓋過所有優點，所以唔洗提🙏🏾六 唔該可以show俾人睇烤鴨放題俾既係呢啲鴨😅 知既話我會用番正價食皮薄肉多既正常片皮鴨以下係嗌兩碟鴨既圖，上面我去皮後得番既肉:有圖有真相👏🏼👏🏼👏🏼 都犀利，好意思俾呢啲人👏🏼👏🏼 …查看更多

今次同朋友去試咗羲和雅苑2人套餐，整體感覺係中上水平，出品穩陣、環境都幾靜好坐～不過最出色一定係佢哋個馳名烤鴨，真係無愧主打！其他配菜就有高有低，我揀幾樣重點講講👇🦆 羲和馳名烤鴨（半隻） 真心唔錯～鴨皮脆卜卜，帶少少油香但唔會膩，咬落仲有「咔」一聲🤤鴨肉保持到嫩滑，唔乾柴，連埋醬汁、京蔥、青瓜同薄餅一齊包住食，真係幾滿足！醬汁偏甜但唔會搶晒味，整體平衡得好好～🥩 牛仔粒乾煸口磨 呢個我自己幾鍾意～牛仔粒炒到香口，外脆內嫩，仲有肉汁💥口磨煸得好乾身，有啲煙韌口感🍍 咕嚕肉 味道OK，屬於穩陣發揮～豬肉炸得香脆，唔會太厚粉，酸酸甜甜幾開胃～不過唔算特別突出，係一款唔會錯但又唔會記住既菜式🤣🥬 上湯浸時令蔬 蔬菜爽甜，但湯底清香，係個好穩陣既清口位，食到中段轉下味幾舒服～🍚 黃金蛋炒飯 炒飯炒得幾乾身，唔油，粒粒分明～味道有層次，唔會太鹹，食落有少少黏口感，幾香口但唔會太重味，做配角做得唔錯👍🍨 手工奶皮子酸奶（甜品） 呢個有少少驚喜～質地似奶酪，但再滑啲，有淡淡奶香，唔會太甜，入口清爽又少少酸香，食完成餐有種被「軟綿綿」收尾既感覺～係少見既中式甜品選擇，幾加分！…查看更多

今個星期又係假期啦！我哋shopping 完之後大家好累💤，所以拿拿聲入左去食個套餐，見到好正！😇😇講返先，醉菜魚、海蜇頭好好味  ，不過最正大家都O嘴既係，佢個牛肋條連骨非常岀色，好似慢煮感淋，入口即溶，估唔到牛都可以做到呢個口感！片皮鴨呢就係食例牌，都幾食 不過如果再卜卜脆d會再好食啲！…查看更多

非常唔抵，千祈唔好去，上菜又慢片皮鴨竟然係凍，咁嘅價錢根本唔使去呢度，星期日仲要我等位門口個知客非常態度唔好，三個人竟然要我搭張10人枱，其實計埋酒水加一三個人都要成千蚊，點解仲要受啲咁嘅氣，一定冇下次，門口個姐姐，服務態度簡直係垃圾，而家你唔係受氣如果冇咁嘅能力去提供放題呢種服務，做到爛咗根本就自己趕客，其實你本身就唔ready做呢樣嘢，不如做返本來嘅嘢做好佢，唔係話轉個餐牌就可以轉到型，真係自己攞嚟衰張枱布仲要穿咗兩個窿，直程係黐線…查看更多

90分鐘片皮鴨點心放題 片皮鴨配菜先上 ，片皮鴨要等30分鐘才到。點心質素普通 ，但鴨胸小米粥很好味。餐廳環境舒服寧靜，適合三五知己短聚。 前線（個別）員工服務有待改善，要多培訓 。 …查看更多

上次光顧午市12時放題質素很好. 今次一行三人再次光顧午市第二場烤鴨點心放題. 早到了半小時, 只有數台食客.職員亦都樂意讓我們提前進入用膳. 今次烤鴨質素和上次相差很大, 第一場的烤鴨是新鮮烤好的 所以很脆很熱. 今次的烤鴨超級油, 亦不脆. 應該是片好後一直保溫.所以碟底很多很多油.今次很少食客, 但是有幾樣點心漏單. 炸點好像沒有沥油, 乾炒牛河, 像是油浸出來的. 今次和上次的質素相差很大！店家應該加強控制廚房質素！雖然大家心照是預製點心, 但是烹飪技巧是直接影響成品質素. 侍應服務ok, 總算很樂意去催單. 在K平台購買餐券三人茶介加一合共HK$482. 但是今次食物質素太差, 短期內不會再光顧！…查看更多

平日午市90分鐘點心及烤鴨放題，物超所值！二人於網上買券連茶芥及原價加一，總數合共HK$300 。較預期好，cp值高。即蒸任食點心，每次可以叫十款。上枱時熱辣辣，沒有漏單。乾隆白菜很好，追加了幾回。叫了兩輪點心，非常滿足。不過點心調味略甜，尤其是鳳爪及牛柏葉超級甜。紅豆沙非常甜及稀。藤椒牛肉包有驚喜。炸物ok，不油膩。烤鴨上枱很漂亮。八寶盒裝有青瓜，大蔥，山楂條，洋蔥，蜂蜜芥末，酸梅醬及甜麵醬。烤鴨每次會上三碟分別為脆皮，鴨脾肉及鴨胸肉。烤鴨很脆，質素很好。可以不停追加烤鴨及八寶盒。今次叫了太多點心，二人吃了六碟烤鴨便放棄。職員服務很好，未到中午12時，便讓我們入去先坐。這次任食的烤鴨比較某些名店更好。今次在K平台購買，價錢更優惠。…查看更多

之前見KKday見到有優惠本身係想試買一送一點心放題但冇晒位就買左兩人晚餐試下都算多嘢食～🦆 羲和馳名烤鴨 + 八寶盒烤鴨外皮烤到幾脆通常食淨烤皮係會點糖食佢依個係爆炸糖好特別🤣食落都香口仲有啲新奇～不過唔似港式嘅烤鴨表皮咁有油亮感就係偏乾身少少肉質唔會硬 八寶盒入面有多種配料比你配搭烤鴨有大蔥、山楂條、青瓜、洋蔥等醬料有酸梅醬同黑松露鴨醬等普通平時食就配大蔥、黑松露鴨醬我個人想食fresh d冇咁溜就會加山楂條、大蔥、酸梅醬味道就正常發揮～🐟 冰鎮磯煮鮑魚鮑魚好貼心咁切片上食落完全唔韌同唔腥（好怕腥🤣）仲要好入味好清新爽口好岩夏天食🥚 三色黃金皮蛋結合了皮蛋的鹹香同上面配埋辣油、薑絲食落脆爽又小小辣口感層次豐富個賣相仲要好cute😍🐟 黃扒魚肚羹湯底用南瓜湯做base味道濃郁好好飲好滑順有大塊魚肚好滑唔會腥果然係招牌菜之一大家要試！🐂 和牛粒乾煸口蘑和牛粒肉質唔韌易咬想講炒得好入味～啲蘑吸晒肉汁同蒜香好好食必叫之選！🦁張氏獅子頭獅子頭肉質口感鬆軟湯汁好濃郁甜甜地有啲酒味配埋一口隻飯細細碗好得意撈埋個汁送飯食岩岩好🥦上湯瑤柱浸菜遠雖然睇落普通但瑤柱同個湯好有鮮味令個菜好入味好鮮甜好好食🤣🥭 香芒布甸 就係酒樓嗰種芒果布甸味唔會過甜上面Oreo粉成個賣相就好特別係一個盆栽食得又開心啲🤣有少少估唔到小菜都幾好食覺得仲驚喜過片皮鴨🤣仲要賣相都好精緻好靚好岩家庭聚餐一齊食～…查看更多

之前嚟過呢間食我記得都幾貴㗎，而家竟然二百幾蚊可以食到點心同片皮鴨嘅放題。雖然地點好遠喺東涌，但係都不阻我想吃好西嘅心。見今日去開迪士尼，順路就去試吓啦。可能係平日嘅下午人唔多，好清靜坐得好舒服，環境非常好。枱面上面有點心紙俾我哋自己落點心。而片皮鴨佢會主動上一轉俾我哋，其後就搵店員落單。🪿片皮鴨雖然係放題任食形式，但係格局同正價嘅時候冇分別。呢間餐廳嘅片皮鴨比較有特色。除咗有基本嘅大葱同埋青瓜之外佢仲有爆炸糖同埋山楂條你夾落個片皮鴨度。可以令個口感再豐富啲同埋解膩，幾創新幾有特色，不過我自己個人都係比較鍾意傳統嘅青瓜同埋大蔥多啲😂😂鴨方面我就覺得佢切得細塊咗少少，size大概只係平時嘅一半，變咗口感上同平時就爭啲啲。不過呢個價錢嚟講性價比已經算係好高。🥟點心方面我哋唔係叫咗好多款，但係全部質素都幾好。燒賣夠爽口，識落唔會成口豬油嘅感覺；蝦餃同菜苗餃外皮雖然比較厚，但係內餡做得幾好；麻辣燒賣出邊食唔到，辣得好過癮；牛肉球入邊冇乜芫荽，啱晒我呢啲討厭臭味嘅人。總括而言其實呢間都幾高質，味道唔錯，環境又舒適。有時間都可以約下三五知己坐低傾吓偈食吓嘢🤗…查看更多

買左kkday 90分鐘任食片皮鴨點心放題，諗住咁抵不如嚟試下～揀左2PM，坐左30分鐘先有嘢食等得耐都算…個片皮鴨完全唔得，個鴨偏鞋同鹹，全部都係皮 + 肉，個餅皮又厚又硬叫第二輪淨係嚟左啲肉，啲皮叫極都唔嚟，咁仲係唔係片皮鴨？唯一好嘅係點心熱辣辣，即叫即蒸，不過味道都只係普通最好笑係服務態度。侍應瘋狂上錯單，同佢地講，一句「張單話寫你地張檯」就冇再理過我地。結果要我地班食客自己解決上錯單嘅問題。😂 咁嘅服務態度生存唔到真係唔好賴 😌食左五百幾，但係食到成肚氣，仲要咁遠嚟到東涌 🤦🏻‍♂️…查看更多

今天買了三餸飯首先去到現場，唔知係咪落場時間（但佢係中門大開的！）無論是門口接待處還是收銀處都無樓面，推住架bb車企係門口嗌左幾分鐘都無人出黎招呼，要行入去餐廳好入面先有人見到我地。落單三餸飯，分別是梅菜扣肉，涼瓜鴨件和粟米魚塊，附送鴨湯一碗。收到的外賣抱歉打開實物沒有記得拍照，因為太震撼扣肉只有薄薄3片，約1-2mm厚度，大概一隻雞蛋切面的大細（就如佢餐牌圖片一樣嘅厚度，但1/3的大細，3塊！）其餘的都是梅菜，梅菜是夠味的，但是只有這3塊扣肉，是否合理？涼瓜鴨件，涼瓜是對味的，奈何鴨件是鴨外殼，只有骨沒有肉，而且很多碎骨，那又是合理嗎？三餸中只有粟米魚塊是正常的！另外送的一個鴨湯，那個是什麼地方的鴨湯？如清水一樣透徹的清湯，零湯渣，鴨味係飲唔到嘅，味精味是足夠的，都幾想知道係咩食材及食譜。如果貴公司想有回頭客，就想一想如何改善，如果連自己的員工都不會光顧，就不如收起它，不要丟人現眼。…查看更多

中午想去吃烤鴨吃到飽，問了員工網上買的券可以用嗎？帶位員工說不清楚，要找資深一點的員工問。來了另一位員工，我們拿手機給他看klook 的券可以用在烤鴨吃到飽嗎？她看了之後一直說「可以用啊，但你要買對喔，我們是東涌，不要買成尖沙嘴」，說了3次，態度還很差，於是我們就買了券！之後有個不知道是不是店長的女人來掃我們的券，看了之後說我們的券不能用在吃到飽，要正價餐牌⋯我們和她說已經問過你們員工了，你們員工說可以，掃券的女人就說「那可能是我們員工不懂」（你們員工不懂就找一個懂的回答，怎麼亂回答呢？這不是應該你們的責任嗎？）然後和我們說可以用的那位態度很差員工經過我們枱時還補一句「你們自己沒看清楚…」（你不是看了我們的手機說可以用嗎？你沒責任？）火真的上來，不吃走人😡…查看更多

已經知香港飲食業好難做，除非真係好差，否則都唔會寫食評，當做下善事，可惜呢間真係差到離譜，要寫差評等其他人避雷！點心放題，星期六連埋加一，$200位真係算平，但唔代表你可以俾垃圾啲客食，除咗炸雲吞係ok之外，其他一律係極差，所有有肉嘅點心，啲肉係霉嘅，啲點心皮勁厚勁粉，連紅豆沙都係水咁。唔使諗住同經理投訴，因為由帶位，傳菜，收銀，每一位啲態度係好差，傳菜阿姐每放低一樣嘢，我哋都有講唔該，反而個阿姐係西面放低，就走人，由到尾，唔該/多謝一句都唔會講。食呢餐真係一肚氣，一路食一路x, 所以冇乜影枣，未食過咁難食嘅點心，同埋啲training可以咁好，每個人啲態度都咁差😂…查看更多

餐廳環境清靜，點心種類雖然不算多，但品質出色，上菜够快，點心熱辣辣，很美味，份量亦十分充足。抵食凉拌前菜很美味，乾隆白菜，麻醬秋葵，凉拌窩笋，凉拌雲耳，樣樣都好食。鴨湯小米粥够鮮甜，炒河粉同乾燒伊麵都絶不馬虎。下次會試下晚餐，聽講招牌菜片皮鴨，下次試下…查看更多