影片
更多
2021-05-04
491 浏览
其實我一向都鍾意食印度野，以前喺英國讀書間唔中都會買印度外賣，但係返到香港一直都搵唔到好食既🧐 直到前排有朋友同我講佢個印度同事推薦呢間Gaylord，喺openrice book位仲有7折，所以第二日即刻沖去食😆 *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*點餐之後店負先會送上一份印度脆餅（poppadoms)，味道鹹香，配上清爽微辣既薄荷乳酪醬一齊食真係一流 🥭 𝑳𝒂𝒔𝒔𝒊 ($58)以前喺其他印度餐廳飲過哩款飲品覺得超級甜，所以落單時特登request左小甜，甜度對我黎講岩岩好，質地杰身，口感非常順滑，芒果同yogurt味都好濃郁，好好飲😋不過以$58哩個價錢黎講份量得好少，性價比認真唔高 🧀 𝑷𝒂𝒏𝒆𝒆𝒓 𝑻𝒊𝒌𝒌𝒂 印度烤芝士 ($88) Paneer係一種傳統印度芝士，做法通過使用檸檬汁令熱牛奶變成一粒粒固體形狀，再用棉布同器皿將佢壓縮成cube狀。佢同一般芝士唔同，即使加熱之後都唔會融化，口感有啲似食緊煎豆腐咁，味道亦唔似得其他芝士咁濃烈，只有非常淡既奶香味，個人唔太識欣賞呢種口味既芝士😂 不過值得讚既係芝士同三色椒都grill得好香，如
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
點餐之後店負先會送上一份印度脆餅（poppadoms)，味道鹹香，配上清爽微辣既薄荷乳酪醬一齊食真係一流
🥭 𝑳𝒂𝒔𝒔𝒊 ($58)
以前喺其他印度餐廳飲過哩款飲品覺得超級甜，所以落單時特登request左小甜，甜度對我黎講岩岩好，質地杰身，口感非常順滑，芒果同yogurt味都好濃郁，好好飲😋不過以$58哩個價錢黎講份量得好少，性價比認真唔高
🧀 𝑷𝒂𝒏𝒆𝒆𝒓 𝑻𝒊𝒌𝒌𝒂 印度烤芝士 ($88)
Paneer係一種傳統印度芝士，做法通過使用檸檬汁令熱牛奶變成一粒粒固體形狀，再用棉布同器皿將佢壓縮成cube狀。佢同一般芝士唔同，即使加熱之後都唔會融化，口感有啲似食緊煎豆腐咁，味道亦唔似得其他芝士咁濃烈，只有非常淡既奶香味，個人唔太識欣賞呢種口味既芝士😂 不過值得讚既係芝士同三色椒都grill得好香，如果大家都有興趣想試下印度芝士係咩一回事都不妨可以點呢道小菜試下！😉
🥘 𝑪𝒉𝒊𝒄𝒌𝒆𝒏 𝑻𝒊𝒌𝒌𝒂 𝑴𝒂𝒔𝒂𝒍𝒂 洋蔥紅茄香汁燴雞球 ($148)
(errr 點解個中文譯名搞到好似酒樓啲餸菜名咁🙈🤦🏻♀️...)
蕃茄味鮮甜而且好香濃！帶有孜然粉、紅椒粉等等香料及調味料既味道，入口覺得甜中帶啲微辣，惹味得黎仲好開胃😋 哩款菜式香料味唔算好強烈而且味道容易入口，適合第一次食印度菜/唔太食得辣既朋友。最有驚喜既係入面既雞肉充滿好香既燒烤味之餘肉質仲嫩滑多汁👍 以前食過既印度餐廳都會將啲雞整到好乾好鞋口，而哩碟masala就完全冇咁既情況
🥘 𝑩𝒂𝒍𝒕𝒊 𝑩𝒉𝒖𝒏𝒂 𝑮𝒐𝒔𝒉𝒕 香草烤羊柳 ($158)
呢款咖喱同樣好有驚喜🤩 羊肉煮到好淋好入味，同上面嗰款咖喱唔同既係呢款咖喱辣度十足，但辣得黎又充滿各種香料既強烈味道同香氣，入口非常豐富惹味，鍾意辣同重口味既朋友可以一試！
🍚 𝑺𝒂𝒇𝒇𝒓𝒐𝒏 𝑷𝒖𝒍𝒍𝒂𝒐 紅花香味飯 ($68)
點左呢個飯用黎送咖喱，呢款印度香米(basmati rice)外形會比較窄長，而且有別與我地平時食既中式米飯，質地乾爽，飯粒唔會痴埋一齊，口感比較硬身。飯加入左番紅花、香葉等等既香料一齊煮，除左食到有米香，入口仲有陣陣清新既香料氣味，配搭味道濃郁既咖喱一齊食非常適合😌
🫓 𝑷𝒖𝒅𝒊𝒏𝒂 𝑷𝒂𝒓𝒂𝒕𝒉𝒂 薄荷千層麥餅 ($38)
相信好多人食印度咖喱都會叫naan，但其實相比起naan我個人偏好paratha多少少😋 因為paratha有一種酥皮既效果(有少少類似台灣既蔥油餅)，所以除左會食到煙韌既口感仲會有啲酥脆，而且煎起上黎既香味同食落口既油香更明顯。可惜呢份paratha有啲失望，口感偏硬，酥皮既冇乜層次感，而且味道唔夠香😔
✍️ 𝓞𝓿𝓮𝓻𝓪𝓵𝓵 𝓻𝓪𝓽𝓲𝓷𝓰𝓼 ✍️
ᴛᴀsᴛᴇ ⇢ 𝟾.𝟹/𝟷𝟶
ᴅᴇ́ᴄᴏʀ ⇢ 𝟽.𝟻/𝟷𝟶
sᴇʀᴠɪᴄᴇ ⇢ 𝟽/𝟷𝟶
ʜʏɢɪᴇɴᴇ ⇢ 𝟼.𝟻/𝟷𝟶
ᴠᴀʟᴜᴇ ғᴏʀ $$ ⇢ 𝟽.𝟻/𝟷𝟶
*,.▤‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥▤,.*
📍 尖沙咀北京道12A號太子集團中心5樓
#非專業食評
#食評只反映當日食物質素
张贴
