影片
更多
2022-07-19
517 浏览
如果要shortlist人生中食過一頓最差嘅晚飯，今晚呢餐絕對榜上有名。本身對呢間米芝蓮推介食肆期望甚殷，無奈有期望就必失望，呢個人生定律，似乎一世走唔甩。睇過菜單，唔，似乎樣樣美味，加上每次經過食肆門口都見佢其門如市，斷估差極有個泡，點知😫食肆招呼2輪食客，我地守尾門，早到諗住入去坐住等，但職員堅持8點先可入座。不過目測起碼有2張空枱ready，佢就係唔比你坐，依家又唔係食buffet，有冇咁必要？咁你唔封咗門口佢唔比入？我同友人企埋一邊等，侍應們一副不滿嘴臉，出出入入當我地透明，門口阿姐仲離譜，一嘢大力敲擊我地身邊玻璃門。未坐低食你已覺得受緊氣，就算間嘢好食到曉飛，我都唔會比多次機會佢，更何況碟碟餸都差差差！1. 勾魂叉燒：整色整水又火槍又現場蘸汁又米通捲住食，其實只係普通厚切叉燒一舊，零驚喜。$188得5件，又唔係選用矜貴西班牙黑毛豬。過份吹噓，食得唏噓。2. 辣豆豉尖椒炒松阪肉：食咗都唔知係咩肉咁矜貴，只知尖椒辣到甩肺，成碟嘢既油且鹹，肉又細細舊，賣相又差。3. 甜梅菜竹笙蒸茄子：梅菜唔甜，有朕𤓓味，咬落一舊舊。茄子似白烚，但鋪喺上面嘅竹笙味道又鬼咁濃，成碟嘢，我完全唔識
本身對呢間米芝蓮推介食肆期望甚殷，無奈有期望就必失望，呢個人生定律，似乎一世走唔甩。睇過菜單，唔，似乎樣樣美味，加上每次經過食肆門口都見佢其門如市，斷估差極有個泡，點知😫
食肆招呼2輪食客，我地守尾門，早到諗住入去坐住等，但職員堅持8點先可入座。不過目測起碼有2張空枱ready，佢就係唔比你坐，依家又唔係食buffet，有冇咁必要？咁你唔封咗門口佢唔比入？我同友人企埋一邊等，侍應們一副不滿嘴臉，出出入入當我地透明，門口阿姐仲離譜，一嘢大力敲擊我地身邊玻璃門。
未坐低食你已覺得受緊氣，就算間嘢好食到曉飛，我都唔會比多次機會佢，更何況碟碟餸都差差差！
1. 勾魂叉燒：整色整水又火槍又現場蘸汁又米通捲住食，其實只係普通厚切叉燒一舊，零驚喜。$188得5件，又唔係選用矜貴西班牙黑毛豬。過份吹噓，食得唏噓。
2. 辣豆豉尖椒炒松阪肉：食咗都唔知係咩肉咁矜貴，只知尖椒辣到甩肺，成碟嘢既油且鹹，肉又細細舊，賣相又差。
3. 甜梅菜竹笙蒸茄子：梅菜唔甜，有朕𤓓味，咬落一舊舊。茄子似白烚，但鋪喺上面嘅竹笙味道又鬼咁濃，成碟嘢，我完全唔識形容。
4. 金沙日本南瓜：呢個餸名令我諗起食神嗰碗生死戀車仔麵，咪即係炸南瓜囉！但外皮炸到好似油炸鬼咁，賣相都差。
5. 豉油王鮮鵝腸：條腸咬落勁韌，墊底芽菜仲帶草青，十足食草咁
6. 豆豉雞煲：一個好大嘅雞煲，但雞冇雞味，又冇豆豉味
7. 意大利黑醋肉排：標榜唔用鎮江醋，冇咁嗆鼻，比較正常嘅一味餸
8. 桂花一樓香：呢碟嘢鹹到暈低，放入口，只食到雞蛋同芽菜，雞蛋好鞋，中間嗰疑堆疑似蟹肉完全冇味，仲要細碟到得人驚。售價好似係$258，下？唔係掛？
9. 蜑家鴛鴦魷：細碟，舊魷好硬
10. 鹿茸菌炒日本帶子：帶子唔彈，帶燶邊但唔香口
11. 薑米蒜香籠仔蒸蟹飯：蟹是鮮甜的，飯是無味的。所有食材明明放喺同一蒸籠，此效果究竟如何做到？
12. 黑松露雜菌兩面黃：碟嘢發哂脹，麵餅不帶金黃色，咬落又冇蛋香，總之就係一舊好脆嘅嘢塞入口啦！黑松露就得啖笑，似求其用豆粉水加味開芡。
13. 淮山蓮子芡實紅棗瘦肉鵪鶉湯：湯好難好差，不過阿姐好有殺氣，放低碗湯嗰陣，一句：咪郁！其實可唔可以有禮貌少少？？
14. 馬荳糕：略甜但好正常，冇伏
平時橫掃千軍嘅友人坐低，絕對食到碟底照鏡，但今結果係食唔哂，可想而知呢餐有幾好食。大家何止唔駛爭，直頭邊望住D餸邊發呆。眾人全部動作怠慢，生怕每試一碟就伏多一鑊。全場賣相最佳嘅蒸蟹飯，等候多時亦冇人有勇氣舉筷......
位位$4XX一餐有咁多嘢食，本來就唔貴，但挾住米芝蓮個朵比D咁嘅貨色，is this a joke？
张贴
