影片
更多
2024-03-11
37 浏览
好耐之前都食過一次呢間位於重慶大廈嘅餐廳。估唔到而家平日都咁多人食，而且仲好多都係香港人。👩🏻覺得佢哋嘅菜式口味比較溫和，特別啱香港人口味。✨Vegetable samosa素咖喱角 $55平時喺其他地方食嘅都係比較硬同埋乾，呢度嘅咖喱角真係有脆卜卜嘅感覺。餡料主要係薯仔、青豆之類嘅蔬菜，味道係溫和嘅咖喱口味。配啡紅色嘅羅望子醬酸酸地好清新。✨Lamb bhuna咖喱羊肉 $128呢款係比較乾身嘅咖喱，味道溫和唔辣，主要係蔬菜（尤其係洋蔥）同香料嘅味道。羊肉質地結實，有好香嘅羶味。✨Palak paneer菠菜芝士 $98平時最溫和嘅菠菜芝士竟然有一絲辣味！？輕微到分唔到係薑/辣椒/胡椒。啖啖菜蓉配印度芝士清淡好味，質地特別方便配naan食。✨Bread basket雜錦薄餅 $70一大盤naan比起散叫抵食。除咗有比較經常食嘅plain naan, garlic naan, 仲有甜味嘅peshawari naan。陣陣椰絲味道好特別。✨Mango lassi芒果奶昔 $42Salted lassi鹹味奶昔 $42雖然mango lassi比較啱香港人口味，不過👩🏻今次叫咗唯一唔甜嘅s
好耐之前都食過一次呢間位於重慶大廈嘅餐廳。估唔到而家平日都咁多人食，而且仲好多都係香港人。👩🏻覺得佢哋嘅菜式口味比較溫和，特別啱香港人口味。
✨Vegetable samosa素咖喱角 $55
平時喺其他地方食嘅都係比較硬同埋乾，呢度嘅咖喱角真係有脆卜卜嘅感覺。餡料主要係薯仔、青豆之類嘅蔬菜，味道係溫和嘅咖喱口味。配啡紅色嘅羅望子醬酸酸地好清新。
✨Lamb bhuna咖喱羊肉 $128
呢款係比較乾身嘅咖喱，味道溫和唔辣，主要係蔬菜（尤其係洋蔥）同香料嘅味道。羊肉質地結實，有好香嘅羶味。
✨Palak paneer菠菜芝士 $98
平時最溫和嘅菠菜芝士竟然有一絲辣味！？輕微到分唔到係薑/辣椒/胡椒。啖啖菜蓉配印度芝士清淡好味，質地特別方便配naan食。
✨Bread basket雜錦薄餅 $70
一大盤naan比起散叫抵食。除咗有比較經常食嘅plain naan, garlic naan, 仲有甜味嘅peshawari naan。陣陣椰絲味道好特別。
✨Mango lassi芒果奶昔 $42
Salted lassi鹹味奶昔 $42
雖然mango lassi比較啱香港人口味，不過👩🏻今次叫咗唯一唔甜嘅salted lassi。估唔到有啲奶羶味，都係mango lassi好飲啲。
张贴
