影片
更多
2008-10-29
44 浏览
哩間老店又真係想嚟食好耐，加上見咁多食評讚，以前又睇過雜誌介紹，話幾做到地道風味，齊人一於訂枱開飯喇！D人成日話佢格局地踎，咁講又刻薄D，算係老式酒家，一路都無乜裝修，變得殘殘舊舊咁，其實仲有老店懷舊味道啦。講番個北京填鴨餐，有3個價錢，10-12人餐就$1,368，6-8人餐就$928，4-5人餐就＄448。臨時一個老友甩底，得番4個人，所以都係決定叫個4-5人餐，查實6個人都夠食，因為佢D份量好似D大排檔咁大碟！究竟個餐有咩食：1. 三絲伴粉皮，先嚟個冷盤前菜，雖然只係一道前菜，一樣大大碟，食到你夠。三絲有雞絲、火鴨絲同火腿絲，仲有圍碟私人醒嘅青瓜絲，所以都唔只係三絲，不過無理由叫「四絲」，個諧音唔多好聽。每隻絲都切得好幼細，粉皮墊底，配芝麻醬汁，雖無大驚喜，但麻香醒神！2. 北京填鴨，主角上場，大大隻滾熱辣，燒得甘香亮澤，單點散叫要成$260，所以叫套餐真係抵好多。全隻填鴨擺晌你面前片皮起肉， 依度嘅切法係皮連大大舊鴨肉，再加D京蔥，搵塊薄餅皮夾住嚟食，一啖啃落去，爆晒汁，鴨油豐腴，正！不過佢D鴨偏肥，皮與肉之間大大舊肥膏，當心膽固醇侵襲。3. 賽螃蟹，做得出色，蛋白炒得嫩滑清甜
講番個北京填鴨餐，有3個價錢，10-12人餐就$1,368，6-8人餐就$928，4-5人餐就＄448。臨時一個老友甩底，得番4個人，所以都係決定叫個4-5人餐，查實6個人都夠食，因為佢D份量好似D大排檔咁大碟！究竟個餐有咩食：
1. 三絲伴粉皮，先嚟個冷盤前菜，雖然只係一道前菜，一樣大大碟，食到你夠。三絲有雞絲、火鴨絲同火腿絲，仲有圍碟私人醒嘅青瓜絲，所以都唔只係三絲，不過無理由叫「四絲」，個諧音唔多好聽。每隻絲都切得好幼細，粉皮墊底，配芝麻醬汁，雖無大驚喜，但麻香醒神！
2. 北京填鴨，主角上場，大大隻滾熱辣，燒得甘香亮澤，單點散叫要成$260，所以叫套餐真係抵好多。全隻填鴨擺晌你面前片皮起肉， 依度嘅切法係皮連大大舊鴨肉，再加D京蔥，搵塊薄餅皮夾住嚟食，一啖啃落去，爆晒汁，鴨油豐腴，正！不過佢D鴨偏肥，皮與肉之間大大舊肥膏，當心膽固醇侵襲。
3. 賽螃蟹，做得出色，蛋白炒得嫩滑清甜，醋香陳厚，唔會有嗆喉或者過酸嘅感覺。
4. 京燒排骨，有D似酥炸排骨之類，表面平平無奇，但肉質好鬆軟，話佢好食係因為重點晌個伴食嘅醬度，將件排骨醮一醮個醬，味道唔同晒，文筆所限，唔識形容個味道，只係覺得點咗個濃醬件排骨變得好有個性！
5. 鴨架冬瓜湯，鹹鹹香香，覺得唔錯。同枱老友好欣賞，飲完添飲再添飲！唔使驚，一大湯碗，至少可能每人飲兩碗。
6. 菜肉水餃，全部做到大大隻，不過就始終北方做法，比較皮厚，食味都OK，勝在好頂肚。
7. 最後甜品作戰，高力豆沙，唔同出面D高檔酒樓咁縮骨，套餐份量真係跟足人頭數，4-5人餐就可能俾番5粒你，計住計住。散叫我就唔知俾幾多粒，但依家佢就哩一大碟，個個差唔多拳頭咁大，一碟放滿晒足8粒，而且炸得包身鬆軟，有蛋味，豆沙又足又香甜，所以貪心D食番兩個先！
好老實講，份量真係好十足！至於服務，一樣有驚喜，唔好見佢係老店，D伙計又上晒年紀，以為會好招積好大支嘢咁，錯晒！佢哋D服務態度做足一百分，唔比時下D高檔食肆差，又幾好傾，問親嘢又好客客氣氣，點菜時個阿姐知我哋會叫填鴨，就建設叫套餐，因為鴨嘅大細套餐同散叫都一樣，只係加多二百就多咗5個餸同個甜品，超晒值！咁睇番個套餐，D嘢又啱食，又確實好抵。
最後，大家都好努力咁食，但份量太多，4個人真係食唔晒，咁打包剩番嘅填鴨，有成盒咁多可以拎走，重點係個阿姐主動話另外載番盒醬俾我哋，你話咁嘅服務態度幾得丫！仲有，佢哋又大大方方唔收茶芥添，不過要加一，至於加一服務費，吃得D客開心，又何止加一呀！
张贴
