山本屋 (圍方)

营业中

休息中

新商場開幕，諗住避開人潮，閒日3點到門口排隊，都要排40分鐘先入到🥶入席後order咗 味噌親子烏冬&另加蝦天婦羅2件。幾分鐘後，蝦天婦羅已上枱。作為廚師推介嘅蝦天婦羅，炸漿係無可挑剔，薄而脆；蝦身新鮮爽口，不過略嫌纖瘦；味道都還好，但熱度有點不足，感覺唔似即炸起。入座後20分鐘，烏冬麵終於嚟到⋯先講容器，係一個瓦鍋，完美地保持住烏冬麵嘅熱度。舖面坐位唔算多，上菜時間唔短，再加上熱辣辣嘅烏冬麵，開始明白到點解要排咁耐隊⋯講返個烏冬，我揀咗店舖推介嘅傳統味噌湯底，味噌湯底唔鹹唔淡，平衡感唔錯，都飲咗唔少落肚。店舖主打嘅手打烏冬，口感偏硬，有啲韌性，可以掛湯。不過過後諗諗下，根本係刀削麵嘅口感😂最後，親子煮烏冬入面嘅雞肉係一大驚喜，肉質嫩滑，真係做到雞有雞味，完全無雞嘅腥味，意外驚喜，值得推介。