影片
更多
2023-10-28
21 浏览
Halloween 前夕，黎開諾士佛臺飲嘢，dinner揀咗呢條街嘅居酒屋食埋嘢先，之後落樓下飲杯嘢狂歡一下。二訪呢間居酒屋，最鍾意呢度嘅氣氛同廚師處理料理嘅心思一絲不苟👍南瓜沙津幼滑嘅南瓜泥配炸蓮藕片。南瓜軟腍清甜做成沙津，清新而健康。炸芝士海膽紫菜卷外層炸得香脆金黃，芝士包裹在內襯上鮮甜嘅海膽嘅質感好creamy。越食越有芝士嘅濃香味同海膽嘅鮮味，層次豐富得黎，呢種配搭創意度頗高🤤東洋卷軟滑嘅蛋卷包住鰻魚、牛油果同大量嘅蟹籽😍每一啖嘅口感層次突出。呢個卷物食落感覺好得意，亦十分創新😀海膽油甘魚卷海膽點綴在經火灸過嘅油甘魚上，油甘魚鮮味十足同海膽嘅配搭口感竟然意料之外嘅夾👍😛串燒6款黎居酒屋一定必點串燒，今次點咗燒牛舌、雞肉京葱串、豚肉蘆筍串、豚肉車厘茄串、香葱金山寺雞肉同燒雞皮蝦。各款串燒嘅口感同味道都十分出色。烤牛舌調味不會過重，仍保持到原味；雞肉京葱串清新，雞肉肉質嫩滑；豚肉蘆筍串配搭處理得剛剛好，豚肉香而不膩，蘆筍亦清甜多汁；豚肉車厘茄真係好好嘅配搭，燒得焦脆嘅豚肉襯上爆汁車厘茄完全可以解膩；香葱金山寺雞肉十分特別，有少少南乳味似係日式味噌調味，雞肉質感細滑啖啖肉大滿足；雞皮
二訪呢間居酒屋，最鍾意呢度嘅氣氛同廚師處理料理嘅心思一絲不苟👍
南瓜沙津
幼滑嘅南瓜泥配炸蓮藕片。南瓜軟腍清甜做成沙津，清新而健康。
炸芝士海膽紫菜卷
外層炸得香脆金黃，芝士包裹在內襯上鮮甜嘅海膽嘅質感好creamy。越食越有芝士嘅濃香味同海膽嘅鮮味，層次豐富得黎，呢種配搭創意度頗高🤤
東洋卷
軟滑嘅蛋卷包住鰻魚、牛油果同大量嘅蟹籽😍每一啖嘅口感層次突出。呢個卷物食落感覺好得意，亦十分創新😀
海膽油甘魚卷
海膽點綴在經火灸過嘅油甘魚上，油甘魚鮮味十足同海膽嘅配搭口感竟然意料之外嘅夾👍😛
串燒6款
黎居酒屋一定必點串燒，今次點咗燒牛舌、雞肉京葱串、豚肉蘆筍串、豚肉車厘茄串、香葱金山寺雞肉同燒雞皮蝦。
各款串燒嘅口感同味道都十分出色。
烤牛舌調味不會過重，仍保持到原味；
雞肉京葱串清新，雞肉肉質嫩滑；
豚肉蘆筍串配搭處理得剛剛好，豚肉香而不膩，蘆筍亦清甜多汁；
豚肉車厘茄真係好好嘅配搭，燒得焦脆嘅豚肉襯上爆汁車厘茄完全可以解膩；
香葱金山寺雞肉十分特別，有少少南乳味似係日式味噌調味，雞肉質感細滑啖啖肉大滿足；
雞皮蝦雞皮烤得香脆，包住紫蘇葉清新，蝦肉彈牙十分新鮮，口感幾特別，係我最鍾意嘅串燒款，想encore多一隻🤤🤤
金鴨湯蕎麥麵
餐廳選用了鴨胸肉做配料，鴨胸肉經煎香，襯上濃郁湯底，而且蕎麥麵頗有咬口，份量剛剛好，真係呢餐嘅完美ending👍👍👍
张贴
