The Pearl

-之前已經介紹過尖沙咀呢間復古、有格調嘅酒店西餐廳，因為氣氛同食物都相當唔錯，所以今次再同🐷隊友黎試其他菜式🥰🥓無花果帕馬火腿沙律店員話無花果呢段時間質素無咁高，所以轉左哈密瓜。哈密瓜爽脆清甜，正好中和帕馬火腿嘅鹹味，帶出火腿鹹香味。灑上大片巴馬臣芝士、松子仁，豐富口感。沙律淋上黑醋橄欖油汁，相當開胃。🐟吞拿魚牛油果泡沫他他配自製羅勒油吞拿魚他他口感嫩滑，再點上黑松露醬同日式醬油，完美提升魚鮮味。中間嘅牛油果泡沫質感豐盈綿密，帶微酸味，同吞拿魚嘅味道非常夾，推薦👍🏻🦐和風醬油大蝦煙肉扁意粉大蝦新鮮爽口，和風醬油味道偏甜，融合煙肉煙燻香味，味道相當特別，甜味當中不失惹味。扁意粉掛汁且非常彈牙😍🥩香煎牛封門柳封門柳係位於牛橫膈膜嘅肌肉，肉質鬆軟嫩滑。由於同內臟接近，所以脂肪唔多但肉味濃😋配菜分別有薯蓉、烤大葱、抱子甘藍，食封門柳時建議蘸上阿根廷青醬，帶香草同清新酸味，非常解膩😋🍐Pearadise冰糖燉雪梨變奏版，採用Lillet Blanc同Italicus調製，前者帶蜂蜜甜味，後者略帶柑橘香氣，兩者都係帶花香味嘅酒。雖然加入苦艾酒，但味道唔算突出。主調水果係香梨，整體味道香甜柔和。🍍F