The Pearl

今次已經係我第二次幫襯呢間餐廳，上次食完已經念念不忘，今次專登試吓其他嘢，果然冇令我失望！ 頭盤：Parma Ham配蜜瓜餐廳真係落足本，Parma Ham用咗高質食材，食落去鹹香得嚟又唔會過騷，肉質柔軟,仲要好大份！ 吞拿魚他他配牛油果吞拿魚好新鮮，牛油好creamy，同吞拿魚一齊食，口感層次豐富，真係享受！ 主菜：封門柳牛扒封門柳肉味超濃，切開仲係粉嫩嘅medium rare，咬落去越趙越香。 主食：大蝦意粉意粉煮得啱啱好，煙煙韌韌，每條都沾滿濃郁嘅醬汁。大蝦新鮮彈牙，成碟意粉食到最後一啖都唔會膩。 最欣賞係佢哋嘅調酒，絕對唔係求其溝出嚟！我試咗兩款，杯杯都層次分明，味道平衡得好好，仲有心思裝飾，飲得出調酒師嘅功力。 總結食後感，餐廳裝修簡約得嚟有格調，坐得舒服。服務亦好殷勤。 兩次嚟食都保持到高水準，食材新鮮、烹調用心，連cocktail都咁出色，真係難得，值得再encore！