我哋點左【尊貴海鮮套餐】，每位HK$419，睇落好似唔平，但食完你會覺得絕對係物超所值。
野生膏仔蟹既蟹膏香濃，韓國釜山鰻魚油脂豐富，澳洲青年龍蝦爽口彈牙，加拿大海虎蝦就更加鮮甜，南非乾鮑蒸完仲有啲煙韌口感，大西洋野生青口和韓國釜山蠔都好肥美，啖啖海洋味，蟹皇大元貝和黃金翡翠螺都係驚喜之作，唔止賣相吸引，味道都好出色，配埋有機蔬菜籃，清新解膩，最後加埋個吸晒海鮮精華既粥底，真係好味到停唔到口。
總結，餐廳食材新鮮，每款海鮮都由店員幫我哋調較時間，同埋店員會提示我哋邊款蘸wasabi好味，邊款不用蘸醬油，整體感覺好舒服，係一間值得再訪既海鮮蒸氣鍋餐廳！
3
