鼎泰豐

营业中

休息中

新年流流處處人山人海，逛完成個新城市廣場腳都軟埋，突然好想食肉骨茶小籠包之類嘅野，於是去咗鼎泰豐。噢！原來佢係米芝蓮一星餐廳，真係失敬失敬。等咗一陣就有位，都算幾好彩。餐廳環境乾淨，個餐牌簡單得黎幾靚，睇咗兩睇就決定嗌《小籠包》，《紹興酒醉雞》，《台式酸辣湯》，《菜肉紅油抄手》和《迷你芝麻包》。小籠包同細細個嗰時食嘅都係一樣咁好味；醉雞唔係幾夠醉；酸辣湯用料足；芝麻包非常芝麻唔太甜；意料之外係佢嘅紅油抄手，皮薄餡靚唔太辣，非常抵讚，自從同類型餐廳嘅紅油抄手改版後，真係好耐冇食過口感咁正嘅抄手喇。最後，要讚一讚喱間鼎泰豐嘅侍應，除咗細心不時為我們加茶之外，佢地真心顧客至上，一句「嗌外賣去收銀處分開嗌唔駛加一噃」非常大體令人敬佩，服務態度絕對襯得起「米芝蓮餐廳」喱個名。