FireBird (東薈城名店倉)

营业中

休息中

今日同朋友去東涌行街，突然好想食日本嘢，搵到呢間隱世日式餐廳，一於去試一試。首先前菜的溫泉蛋慢煮日本雞肉沙律！雞肉嫩滑，慢煮到啱啱好，配上流心溫泉蛋，撈埋新鮮沙律菜，清爽又夠味，開胃之選！ 跟住係大海老天婦羅，真係「大海老」啊！蝦肉彈牙到爆炸，外皮酥脆唔油膩，蘸埋蘿蔔蓉醬汁，邪惡但停唔到口～ 主菜試咗特上牛肉串燒定食（套餐需加$50），有多款串燒試，例如京蔥牛肉卷，牛肉燒得香嫩多汁。壓軸係我最愛嘅火山熔岩鲑魚卷，上枱真係有驟眼看真係「熔岩」效果，打卡一流，味道的話，三文魚新鮮，醬汁微辣帶甜，仲有蟹籽爆脆口感，視覺同味覺雙重享受～ 呢間東涌日式小店價錢合理，份量足，味道仲有驚喜，可以一試。