盈館

营业中

休息中

沉寂咗兩星期，今個禮拜又出動去食好西。今日就去咗旺角創興廣場7樓“盈館“食中菜。 先拔頭籌就係一個“哈哈生炒骨“$118。 上碟打食件波羅 開開位胃先， 點知原來係哈密瓜。 呢個時候先至恍然大悟原來“哈哈生炒骨“所指嘅係哈密瓜， 但原來呢個配搭都幾新鮮。 排骨嘅酸甜度剛剛好而且份量十足， 好似食極都有咁。 第二度菜就係本人非常喜歡嘅 “欖菜肉鬆炒四季豆“$88。攞嚟送飯食，簡直一流 。四季豆炒得 好爽口， 出街食到嘅好容易會太鹹。但係呢個嘅咸道就啱啱好， 拿捏得準確 。 之後最後一道亦都係重點嘅就係“北京片皮鴨“$138。 等咗大概20分鐘 ， 服務員原隻燒鴨攞出嚟， 喺正你面前片肉 ，保證新鮮 。片皮鴨皮肉比例分佈均勻 ，充滿曬油香 ，包裹住啲皮可以中和返油膩感， 138蚊嚟講質素真係十分不錯。