CHUTNEY

平時想食印度菜好難搵到一間坐得舒服嘅餐廳呢間環境幾靚，少少宮廷風格，食物出品高質，有傳統印度菜得嚟，亦加咗唔少modern元素配搭菜式，相對特別，決定再訪😌入座被安排坐靠玻璃窗旁，非常舒適，服務細心周到。一坐低就即刻上了印度脆餅做餐前小食。Paneer Saagwala 芝士菠菜苗菠菜texture似creamy spinach，有淡淡嘅菠菜香，微甜，芝士味道唔會好重，主要取芝士粒嘅煙韌幾正。Tandoori Roti 印度薄餅鬆軟度一流，麵粉香存在感非常之高，高質。Buccer Makhani Sauce Prawns 招牌奶油咖喱大蝦咖喱base帶啲啲果仁香，同大蝦口味好夾。Tandoori Cauliflower 炭火烤椰菜花大大隻椰菜花原隻上枱好型，烤得香口惹味，簡單一個椰菜花瞬間變美食。Hyderabadi Chicken Dum Biryani 印度煲仔香飯雞可以揀配雞/羊/蔬菜。用麵團封實飯鍋鎖住香氣，員工即席切開餅皮，飯吸滿香料同雞肉味，真係唔錯，朋友大讚好味。Mango Lassi芒果味好香甜，打得好杰身