CHUTNEY

週末突然好想食印度嘢，尤其想食butter chicken咖喱，所以搵咗呢間butter chicken特別出名嘅印度餐廳- Desi Soda印式梳打水，入口酸酸地，帶少少香料味，好清新。飲落有啲似咸檸七，但帶多一層香料氣息，幾特別，但未必啱每個人口味。 - Mango Lassi味道濃但唔膩，酸甜開胃，乳酪嘅質感好滑，仲可以解辣，必叫。- Biryani Lamb香料飯配上羊肉，飯粒夠乾身，唔會過油，羊肉煮得啱啱好，唔會太乾或者膻，畫龍點睛所在係焗飯表面嘅麵皮層，脆卜卜，就咁食or點咖喱都正。 - Butter Makhani Chicken佢哋嘅招牌咖喱雞，咖喱汁夠滑，味道係偏甜路線，唔會太膩，雞肉嫩滑，而且分量都幾足，撈飯或者Naan食都好夾。 - Amritsari Chana鷹嘴豆咖喱，鷹嘴豆煮到好腍，咖喱汁偏重口味，整體味道頗辣，食得辣的話會中意。 單據參考：