Abbraccio

餐廳位於中環半山位置鄰近大館，建議可到中環街市經天橋乘搭扶手電梯去到大館，再經過條馬路就到咗餐廳啦。餐廳有室內和室外用餐空間，露天空間放置了五光十色嘅燈飾，可觀望到大館和大廈既景觀，而且有音樂徐徐播放，感覺令人放鬆。侍有外籍人士，同時亦有本地人。佢哋非常細心，而且非常重視客人的意見。我地一行二人叫了一個4-Course Dinner Set。意式博薄切八爪魚冷盤八爪魚非常有咬口，而且用咗帕爾馬芝士及火箭菜等配搭，不但精美，而且有悠長嘅餘味。自家製安格斯牛肉丸意大利粉意大利粉嘅密度好高，份量雖小，但非常飽肚。安格斯牛肉丸用了各種香料調味，真材實料，每一粒牛肉丸都有雞蛋咁大隻。原條香草烤鱸魚鱸魚係一個烤盤上面，檸檬不但放喺鱸魚上，而且有幾片檸檬放喺鱸魚嘅肚入邊。蕃茄同埋迷迭香等香料，令到一條鱸魚香氣撲鼻。鱸魚非常新鮮，口感結實。西西里煎餅卷一個餅卷夾住ricotta芝士，味道甜美。而佢嘅橙子蜜餞同埋黑朱古力，更加係錦上添花，令到餅卷嘅層次更加豐富。