影片
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
以上资料只供参考，请与餐厅确认详情
有关餐厅
有关奖赏计划
今晚来到中环一间靓景天台西餐厅食晚饭，餐厅有分室内室外，今次拣左室外全露天，对面望到大馆，十分chill今次我们叫左four course，一个价钱包左前菜，pizza/pasta，牛排/海鲜，甜品，份量已经够晒2人食。Piovra意式薄切八爪鱼冷盘头盘上拣左八爪鱼，以往都系食烧八爪鱼为主，今次第一次食冷盘，八爪鱼好弹牙，配上火箭、芝士加上橘子汁和柠檬，十分开胃。Angus Polpettoni 安格斯肉丸pizza呢间餐厅招牌菜莫过于pizza莫属，pizza好多款式，今次拣左呢个肉丸+玛格丽特芝士version，pizza份量好大，然后超级正宗，入面仲加埋车厘茄，薄饼边烤得很脆，十分推荐。Fresh grilled tiger prawns另外海鲜部分拣选烤大虾，厨师选用迷迭香、橄榄油、大蒜烤，令大虾更提鲜。Tiramisu甜品方面拣左tiramisu，奶味很浓，作为今餐的ending很满意。Strawberry Fizz望住美景当然想小酌一杯，最后点了一杯mocktail，草莓加上柠檬梳打，十分清新。总结，下次来中环一定要试下呢间份量大又好食嘅西餐。
继续阅读
生日第二弹，银包要二次出血啦！不过今次性价比真系高好多，我哋两个人晚餐只系食咗七百几蚊，仲要超级好味！上次偶然发现呢间餐厅，试过佢嘅lunch set觉得好正，今次特登带朋友嚟庆祝生日，顺便影吓相。记得上次lunch time食咗细size嘅pizza已经觉得好正，今次晚餐试咗大pizza，发现口感仲要好啲！叫咗个Nduja pizza，辣味够晒过瘾，饼皮又软熟又香口，真系食到停唔到口。另外仲叫咗个Pesto Gen Pasta，开头仲担心会唔会太单调，点知蒜头味好突出，成个味道好有层次，食完真系有惊喜。最正系个Tiramisu，餐厅仲好贴心咁用靓靓字体喺碟上面写「HBD」，啲字真系靓到呢～朋友见到开心到不得了，我哋即刻拎部手机出嚟狂影相。
继续阅读
🇮🇹中环Chill爆靓景意大利菜露台餐厅大馆附近Abbraccio，露天环境超chill，食物质素有惊喜🍴必食前菜：Piovra八爪鱼沙律厚切好弹牙，有啲松子粒粒同芝士片，加埋酸酸哋嘅柠檬油醋汁，好开胃！🍕芝士拉丝：Gamberi水牛芝士披萨饼底松软超fluffy，铺满爆浆水牛芝士同弹牙虾虾，仲要加多球Burrata Cheese，芝士劲拉丝！🥩粉嫩主菜：Medium嫩煎牛排简单撒啲盐已经好好食
继续阅读
最近同老公去咗中环云咸街嘅Abbraccio食Lunch，地理位置真系好正，正对大馆，食完饭仲可以行吓大馆，感觉非常悠闲。餐厅有个大露台，可以望到180度冇遮挡嘅美丽景色，尤其系对面𠮶啲英式风格建筑，令人心情愉悦。每人选择咗个Lunch Set，套餐包咗一碗蔬菜汤，味道清新，正好开胃，仲有一份生菜沙律，搭配酱汁，爽口又健康。我哋叫咗个Pizza，为咗升级口感，特别加咗$48，将Tonno Pizza由七吋升级做10吋，Pizza底薄脆，配料丰富，鲔鱼味道鲜香，真系唔容错过！另外，我哋再加咗$28升级，选择咗Polpettoni Pasta，意粉煮得刚好，肉丸软嫩入味，令人回味无穷。甜品方面，我哋叫咗Panna Cotta，滑顺嘅口感同淡淡嘅香草味，令人心满意足；仲额外加咗$20，选择咗Mini Tiramisu，层次分明，咖啡香味扑鼻，绝对系完美收尾。饮品方面，套餐包咗汽水，所以我哋叫咗两个无糖可乐，清爽又健康。整体而言，Abbraccio嘅食物质素高，环境舒适，真系一个适合约会同朋友聚餐嘅地方，值得再次光顾！
继续阅读
今日同朋友去咗中环大馆附近嘅Abbraccio餐厅，一边chill住望住靓景，一边细味佢地嘅意大利菜，每道菜都充满诚意。前菜：吞拿鱼酱牛仔肉 (Vitello Tonnato)牛仔肉切片薄而均匀，配搭creamy的吞拿鱼酱，浓郁嘅鱼香同柔嫩嘅牛肉形成一个绝佳嘅平衡，再加上水瓜柳嘅微酸提升咗层次，最后洒上帕马臣芝士片，啖啖都系惊喜。主菜：牛臀尖 (Punta d’Anca)300g份量够晒饱，外层烤至微焦，内里保持嫩滑多汁。搭配鼠尾草、迷迭香同烤大蒜，香气十足，简单调味之下更突显牛肉鲜甜原味，每一啖都食得满足。Pasta：自家制安格斯牛肉丸意大利面 (Polpettoni Pasta)主角系安格斯牛肉丸，肉质鲜嫩多汁，带有香草同黑椒嘅香味，配上煮得啱啱好嘅Spaghetti同意大利番茄酱，酸甜适中，仲洒上香浓巴马臣芝士，每一啖都系纯正意大利风味嘅享受。甜品：经典提拉米苏 (Tiramisu Classico)以马斯卡彭芝士打底，入口滑溜而带有芝士香味。手指饼干浸满浓缩咖啡，松软而浓郁嘅咖啡香唔会盖过芝士味，再加上表面嘅可可粉，层层分明，甜度刚好，为呢个靓餐画上一个完美句号。由前菜到甜品，每一道菜都充满层次感，配上outdoor嘅Chill气氛，真系一个令人难忘嘅用餐体验！🍴🍷
继续阅读