Abbraccio

中環出名西餐多樣款同搵chill嘅地方，每次嚟到中環都會揀一間可以同朋友傾吓偈，又可以半打卡去享受吓weekend。見到雲咸街都有好多唔同嘅西餐廳，咁啱喺樓下見到呢間餐廳出名食薄餅，朋友又話想食吓薄餅，所以就揀咗呢間。入到餐廳，見到有室內同室外嘅位置，但係可惜當日落雨坐出邊可能會整濕，所以揀咗室內地方。室內地方掛咗唔同嘅畫，裝修好靚。一入到餐廳坐低，店員耐心解釋今日嘅餐牌，最後揀咗海鮮蒜蓉炒意粉同水牛芝士牛肉薄餅：海鮮蒜蓉炒意粉 （Frutti di Mare）佢嘅海鮮有蝦帶子青口同埋蜆，佢哋全部都係預先調味處理，好入味，意粉煮得剛剛好唔會好腍，除咗蒜蓉味之外佢仲加咗少少芝士喺面，昇華咗意粉嘅味道水牛芝士牛肉薄餅（Nduja）薄餅真係唔係浪得虛明，每日小塊都有一嚿水牛芝士仲有滿滿嘅牛肉，薄餅面仲搽上咗香香嘅蕃茄醬，成個配搭好夾，油而不膩