影片
更多
2022-01-01
189 浏览
首先喺度祝大家新嘅一年都可以繼續食好西～德美壽司喺香港都有六間分店，其實我知道我住嗰區都有，但係因為我同區有其他價錢比較平嘅日料店，所以一路都冇試過呢間。不過聽講風評不俗，所以我哋喺平安夜晚到尖沙咀食咗呢間～💟 溫泉蛋天婦羅 $50 (8.5/10)首先係呢個溫泉蛋天婦羅，因為好似冇喺其他地方見過所以覺得幾特別💕食落口感又真係唔錯喎，而且天婦羅皮同蛋結合嘅口感真係好正🤗日本蛋味喺口入邊散發香味～沾上天婦羅醬汁會顯得調味好好～💟 牛油果軟殼蟹卷 $83 (7/10)呢個係OpenRice見到好多人推薦，但係自己反而就唔係太鍾意呢個（相比之下），本身我係一個好鍾意食軟殼蟹嘅人，但係反而就好少軟殼蟹係卷入邊，價錢配上呢個份量既軟殼蟹真係有d失準😵💫💟 野菜牛肉鍋 $78 + 白飯 $17 (9.5/10)冇諗到最令我驚喜嘅係呢個野菜牛肉鍋！首先有幾個原因啦，第一係牛肉真係好足料，我數過起碼都有七八塊，我同我個friend夾到底都仲有牛肉～第二手係佢啲牛肉都好新鮮，感覺唔係cheap既牛肉，湯底都好好味，係壽喜燒既感覺🤤🤤🤤加埋白飯完全就係白飯殺手🤤🤤🤤🤙🏻呢個價錢呢個份量正爆！💟 和牛壽司
德美壽司喺香港都有六間分店，其實我知道我住嗰區都有，但係因為我同區有其他價錢比較平嘅日料店，所以一路都冇試過呢間。不過聽講風評不俗，所以我哋喺平安夜晚到尖沙咀食咗呢間～
💟 溫泉蛋天婦羅 $50 (8.5/10)
首先係呢個溫泉蛋天婦羅，因為好似冇喺其他地方見過所以覺得幾特別💕食落口感又真係唔錯喎，而且天婦羅皮同蛋結合嘅口感真係好正🤗日本蛋味喺口入邊散發香味～沾上天婦羅醬汁會顯得調味好好～
💟 牛油果軟殼蟹卷 $83 (7/10)
呢個係OpenRice見到好多人推薦，但係自己反而就唔係太鍾意呢個（相比之下），本身我係一個好鍾意食軟殼蟹嘅人，但係反而就好少軟殼蟹係卷入邊，價錢配上呢個份量既軟殼蟹真係有d失準😵💫
💟 野菜牛肉鍋 $78 + 白飯 $17 (9.5/10)
冇諗到最令我驚喜嘅係呢個野菜牛肉鍋！首先有幾個原因啦，第一係牛肉真係好足料，我數過起碼都有七八塊，我同我個friend夾到底都仲有牛肉～第二手係佢啲牛肉都好新鮮，感覺唔係cheap既牛肉，湯底都好好味，係壽喜燒既感覺🤤🤤🤤加埋白飯完全就係白飯殺手🤤🤤🤤🤙🏻呢個價錢呢個份量正爆！
💟 和牛壽司 $39 (8/10)
諗住平安夜就食好啲啦，和牛壽司的確都有入口即溶嘅感覺，唔會好腥都有牛味，但係我覺得價錢唔算好值～
💟 腐皮餃子 $50 (8.5/10)
呢個都係令我幾surprise嘅樣嘢，因為佢個腐皮餃子份量都好多，而且腐皮餃子都係出邊比較少食到，用腐皮整嘅餃子脆卜卜，內餡都好味～
總結，德美壽司真係名不虛傳地好味😋下次會返返去嗰個區試吓～
张贴
