芽莊越式料理

营业中

休息中

平日時間6點半左右到，唔需要等位，跟住入去嘅時候有講個半鐘頭要交枱，但係其實都唔需要。D野食上得好快，超推薦蝦頭膏炒椰菜（個menu好似唔係寫椰菜，類似係捲心菜定係咩），蝦頭膏味超香，辣辣地，夾埋D彩椒同腰果好甘香。我地都試咗另外一D餸，軟殼蟹卷就一般般，同平時粉卷個味差唔多，蒸粉卷個friend話好食，我個人覺得冇咩味。越南野例牌會食撈蒙同生牛肉河，個生牛肉河我地揀咗有牛腩部分嘅，河粉都好爽滑。環境幾好，唔會太嘈，另外我地入去坐低冇耐，出面就企超級多人，所以建議大家早D去，唔駛等。