影片
更多
2006-07-04
10 浏览
每年生日, 都習慣左去櫻田食鐵板燒, 今年都唔例外... 的而且確, 櫻田價錢係好貴, 不過咁多年黎, 水準都keep到...鐵板燒之前, 首先叫左麵豉伴青瓜, 立魚薄切, 三文魚腩刺身, 經理推薦既石螺刺身, 重有我最愛既納豆卷... 麵豉伴青瓜既麵豉同一般出面食到既唔同, 粒狀, 偏紅色, 而且咸甜度適中, 同清清既青瓜一齊食非常之Match, 細問之下, 原來係特別由日本挑選返黎... 立魚同三文魚都非常新鮮肥美, 連對三文魚要求好高既女友都讚好, 更驚喜既係石螺, 一般貝類刺身都係得爽口感, 但係呢個石螺除左爽之外, 咬咬下重會慢慢有一種甜味走出黎, after taste非常好... 呢到既納豆卷好好味, 豆味好香, 可以話係香港做納豆卷其中一間最好的(對於的黎講, 要評定一間日本料理好唔好, 食下佢地既茶碗蒸同納豆卷就一清二楚)...食完前菜, 主角鐵板燒都正式開始... 食鐵板燒, 師傅既手勢非常重要, 呢到你就唔使擔心, 佢對於每樣食物既調味掌握得好好, 而且佢重會煎香D方包當碟用, 唔好睇少呢塊方包, 因為每樣煎完既食物佢都會放上呢塊方包上面, 食到最後食埋塊包, 嘩
鐵板燒之前, 首先叫左麵豉伴青瓜, 立魚薄切, 三文魚腩刺身, 經理推薦既石螺刺身, 重有我最愛既納豆卷... 麵豉伴青瓜既麵豉同一般出面食到既唔同, 粒狀, 偏紅色, 而且咸甜度適中, 同清清既青瓜一齊食非常之Match, 細問之下, 原來係特別由日本挑選返黎... 立魚同三文魚都非常新鮮肥美, 連對三文魚要求好高既女友都讚好, 更驚喜既係石螺, 一般貝類刺身都係得爽口感, 但係呢個石螺除左爽之外, 咬咬下重會慢慢有一種甜味走出黎, after taste非常好... 呢到既納豆卷好好味, 豆味好香, 可以話係香港做納豆卷其中一間最好的(對於的黎講, 要評定一間日本料理好唔好, 食下佢地既茶碗蒸同納豆卷就一清二楚)...
食完前菜, 主角鐵板燒都正式開始... 食鐵板燒, 師傅既手勢非常重要, 呢到你就唔使擔心, 佢對於每樣食物既調味掌握得好好, 而且佢重會煎香D方包當碟用, 唔好睇少呢塊方包, 因為每樣煎完既食物佢都會放上呢塊方包上面, 食到最後食埋塊包, 嘩!! 食物方面, 大蝦新鮮, 爽夾甜... 扇貝亦非常好, 師傅重會用蓋加清酒去煮D內臟, 食落口, 飲埋D酒汁, 正到無法形容... 鮑魚水準都好高, 又係果句, 爽甜... 三成熟既薄燒牛肉包住炸蒜片同蔥花, 食落口三種味道一齊爆發, 正!! 全晚高潮就係個炒飯, 粒粒分明, 乾身, 唔油膩, 有微微既海膽香味, 連我兩個生命中最重要但係唔食飯既女人(呀媽同女友)都各自食左半碗...
而服務都非常細心, sake杯可以自己選擇款式, 亦都會自動黎倒酒, 發覺麵豉唔夠又會自動去廚房攞多D出黎...
呢到成日都有好多日本人幫襯, 要知道日本人最重視口碑, 呢份食評或者比較主觀, 但係如果可以keep到班日本人經常幫襯, 水準一定OK...
张贴