雪下覓炙

营业中

休息中

一向都好鍾意煙燻既香氣，聽到呢度有煙燻五花肉韓燒，即刻要黎試下夏之煙燻盛饌2人餐（$1088）先黎有泡菜、薯蓉等等7款既前菜🦐醬油盛合紅蝦、帆立貝同鮑魚呢個組合真係絕配！醬油嘅鹹鮮味將海鮮嘅鮮甜提升咗一個層次。每啖都好鮮甜🐮牛小排、和牛外裙肉、和牛肋肉同牛舌，每一款都嫩滑多汁。個人覺得韓牛肉咪比較重，和牛就油香味十足，2種牛都好出色🐽煙燻蘋果木豬五花店員會係你面前即席煙燻，煙燻嘅香味好濃郁，豬五花嘅肥瘦比例啱啱好，入口除左油脂香之外，仲有淡淡既蘋果木香味🍜雪梨水冷麵食完咁多肉，嚟碗雪梨水冷麵真係好解膩。雪梨嘅清甜加上冷麵嘅爽口，真係好舒服🍰甜品Tiramisu，咖啡同芝士嘅味道好夾，口感軟綿綿，重點係唔會太甜，食完好滿足。