豆公館

营业中

休息中

我不嬲都勁鍾意食豆製品，最近就有朋友介紹話旺角呢間豆公館係香港荳品廠，採用優質加拿大大豆每日新鮮製造，於是週末就決定嚟呢度食brunch！由油麻地站落嚟，行4分鐘就到，真係勁方便！一坐低見到佢哋有賣招牌麻婆豆腐花，感覺好特別，以前食過嘅鹹豆腐花都係豉油，今次有麻婆豆腐味，感覺真係超特別，食落其實都好襯！後來睇餐牌都覺得勁多嘢想食，首先叫咗個芝士肉鬆蛋餅，真係同台灣嘅早餐店差不多，感覺如果你做宵夜其實都真係唔錯！魚肉煎豆腐同埋滷水豆腐豆卜都唔錯，上咗枱之後好快秒清～鐵板蛋煎腸粉真係超正，煎得好香，腸粉口感亦都好q。雞絲蔥油撈麵計時都唔少，主要就係個蔥油真係好香，撈埋一齊食都唔會覺得太油膩。原味豆漿同無糖豆漿再加一個薑汁豆漿，豆味真係超級濃郁，超好飲。薑汁豆漿仲加埋愛玉，味道比較新潮，比起買廢水健康好多，薑汁味有，但係唔會太搶味。