楊記麻辣魚館 (長樂街)

营业中

休息中

我不嬲對內臟「敬而遠之」，朋友就唔理我叫咗個干鍋肥腸，「咩都試丫嘛」。 肥腸用鐵鍋上，配料有辣椒、蒜粒同芫茜，上枱已經聞到勁香，見朋友二話不說一啖紅椒一啖肥腸，我都認唔住試一舊。 紅椒入晒味，有少少麻痺感，仲有蒜粒嘅咸香，加埋彈牙肥腸，真係勁惹味兼易「上癮」，我都忍唔住開始勁食，仲有衝動想叫多鍋。😜西湖牛肉羹不嬲係我至愛，牛肉軟腍兼肉味豐富，食得出係鮮牛肉；另一樣不可或缺嘅係芫茜，呢度就毫不吝嗇咁落咗好多，飲落淡淡香味，正！