影片
更多
2022-12-06
481 浏览
📍大圍大圍美食多到數不盡，點可以唔試下呢間咁出名的「大圍小館」，門口掛住幾排紅色燈籠，非常吸睛。距離大圍站只係3－5分鐘步程，地鐵站一出，過條馬路再轉右就到，真係非常方便。今次已經係第二次到訪，有幸試埋點心，價錢一般，但質素同味道都好有驚喜。大圍小館，向來係區內都已經好出名，今年仲拎埋米芝蓮⭐，就更加難排。不論晚市茶市都高朋滿座，平日晚市book位，都要2星期，週末茶市仲誇張，今次訂座早1個月book！今次就帶屋企人一齊飲早茶啦，10：30am到，門口已經排滿wall in 客人，聽講10am 就排晒長龍，遲少少都未必入到座，非常巴閉。鋪面唔算大，不過座位非常舒適。✨茶位$18位，比起一般茶樓係貴，不過一飲就知老細係講究之人，上網睇過，原來佢特地找了一間本地老字號茶莊，入手唔同的靚茶🔺第一叉 （半份）$158 最後仲 encore 一次！招牌菜果然名不虛傳，肥瘦適中，肉質淋滑爽口。第一叉用上「第一刀」，其實係脢頭肉較前端的部份，一隻豬中佔的比例非常少，為較矜貴的位置，未試過高度建議要試吓！🔥🔥🔺一口金磚第二個推介，鹹蛋黃蘿蔔糕，外層香脆，一試難忘。🔺鮮肉燒賣新鮮豬肉造的燒賣，非常爽彈好
大圍美食多到數不盡，點可以唔試下呢間咁出名的「大圍小館」，門口掛住幾排紅色燈籠，非常吸睛。
距離大圍站只係3－5分鐘步程，地鐵站一出，過條馬路再轉右就到，真係非常方便。今次已經係第二次到訪，有幸試埋點心，價錢一般，但質素同味道都好有驚喜。
大圍小館，向來係區內都已經好出名，今年仲拎埋米芝蓮⭐，就更加難排。不論晚市茶市都高朋滿座，平日晚市book位，都要2星期，週末茶市仲誇張，今次訂座早1個月book！
今次就帶屋企人一齊飲早茶啦，10：30am到，門口已經排滿wall in 客人，聽講10am 就排晒長龍，遲少少都未必入到座，非常巴閉。鋪面唔算大，不過座位非常舒適。
✨茶位$18位，比起一般茶樓係貴，不過一飲就知老細係講究之人，上網睇過，原來佢特地找了一間本地老字號茶莊，入手唔同的靚茶
🔺第一叉 （半份）$158
最後仲 encore 一次！招牌菜果然名不虛傳，肥瘦適中，肉質淋滑爽口。第一叉用上「第一刀」，其實係脢頭肉較前端的部份，一隻豬中佔的比例非常少，為較矜貴的位置，未試過高度建議要試吓！🔥🔥
🔺一口金磚
第二個推介，鹹蛋黃蘿蔔糕，外層香脆，一試難忘。
🔺鮮肉燒賣
新鮮豬肉造的燒賣，非常爽彈好食，頂部加上冬菇，味道不錯。
🔺冰花蛋球
即沙翁，職員放上台前，細心問食客需不需要影相「打卡」，及後幫忙剪開數份。蛋味香口，外層又很鬆脆，值得一試。份量超大，一家人或一班朋友分享更好。
🔺懷舊煎糯米雞
糯米雞就經常食到，煎糯米雞就唔係成日見。煎糯米雞煎糯米雞煎得非常香口，外脆內軟，口道很好好，鹹蛋黃非常吸引，必點推介。
🔺古早味牛骨髓
基本上無係茶樓食過牛骨髓，沙嗲味好濃，牛骨髓滑溜
🔺嘴炮包
超爆漿流心，鍾意流心奶黃不能錯過！包身軟熟，但整體味道偏淡。
🔺煎韭菜粿
煎的點心，非常出色，啖啖韭菜非常滿足，但是相對偏咸！
🔺擂沙湯圓
芝麻餡好流心，不過外皮偏厚，再薄身一定好好味
💬整體價錢不算平，不過有一星米芝蓮水準就非常值得。「第一叉」必食，點心為水準之上，煎炸類點心比較出色。服務不錯，侍應殷勤又細心，晚市小菜月尾再encore！！！
2 浏览
1 赞好
0 留言
张贴
