十下火鍋

呢間火鍋店裝修係新穎嘅懷舊風格，坐得舒服又乾淨，唔似傳統火鍋店咁油煙味重，服務仲好好😌✨ 湯底雙拼 $148可以一次過試兩種口味，個豆乳湯幾香滑，菌菇湯就清清地帶微酸✨✨ 手切牛頸脊(小) $228牛肉切得夠薄身，肥瘦適中，淥8秒就食得！肉質好嫩，牛味都算濃😋✨ 黑豚五花腩 $108豬肉片切得厚度適中，肥瘦均勻，同個豆乳湯幾夾，食落幾香口👍🏻✨ 老少平安 $82魚肉混豆腐，口感好滑，魚肉都幾鮮味。老人家同細路仔應該會鍾意食😋✨ 竹蔗茅根 $48味道唔會太甜，飲落幾清潤😋打邊爐飲就啱晒，可以解膩👍 醬料夠多選擇，最特別係有薑蔥頭同沙茶醬。可以自己調配喜歡嘅口味，我個人最鍾意沙茶醬加少少辣椒，夠晒惹味。整體來講，食物質素唔錯，環境同服務都比一般火鍋店好，價錢都算合理。如果想食新派啲嘅港式火鍋，呢間值得一試🤘🏻