影片
更多
2022-11-24
97 浏览
身邊有幾個朋友都有介紹過呢間印度菜，評價都係性價比高，今次我就專燈約埋朋友一齊去食。餐廳環境比我想像中再高級少少，裝修充滿特色，仲安排咗現場歌手獻唱印度歌，成個氣氛都營造得好好。一坐低未叫食物嘅時候侍應就已經上咗小食，小食係印度脆餅連乳酪醬，我個人幾鐘意綠色果個醬，食落有少少薄荷香加埋辣味，點餐都未開始就已經刺激緊我味蕾。———————————————🌟Avocado Mango Dahi Poori 牛油果伴芒果脆面餅 (4pc) $58呢個面餅作為前菜真係非常開胃，脆皮入面夾住牛油果同芒果，淋埋芒果汁，味道酸酸甜甜。另外，佢仲加左一粒粒石榴粒係上面做點綴，成個菜望落都好色彩繽紛。.🌟Truffle Butter Chicken 松露奶油咖哩雞柳 $218呢個真係必須要推介，上菜果刻就已經聞到好香嘅黑松露味，咖哩味好濃郁，帶有好香嘅牛油同松露味，食落少少甜一啲都唔辣，口感好滑又creamy。入面嘅雞柳肉質都好滑，味道非常好。.🌟Cheese Truffle Naan 松露芝士烤餅 $55烤餅本身就咁食都已經好香，但我叫嘅主要原因就係為左點咖哩，所以最後其實有少少蓋過咗佢本身嘅味道，後
———————————————
🌟Avocado Mango Dahi Poori 牛油果伴芒果脆面餅 (4pc) $58
呢個面餅作為前菜真係非常開胃，脆皮入面夾住牛油果同芒果，淋埋芒果汁，味道酸酸甜甜。另外，佢仲加左一粒粒石榴粒係上面做點綴，成個菜望落都好色彩繽紛。
.
🌟Truffle Butter Chicken 松露奶油咖哩雞柳 $218
呢個真係必須要推介，上菜果刻就已經聞到好香嘅黑松露味，咖哩味好濃郁，帶有好香嘅牛油同松露味，食落少少甜一啲都唔辣，口感好滑又creamy。入面嘅雞柳肉質都好滑，味道非常好。
.
🌟Cheese Truffle Naan 松露芝士烤餅 $55
烤餅本身就咁食都已經好香，但我叫嘅主要原因就係為左點咖哩，所以最後其實有少少蓋過咗佢本身嘅味道，後來我哋再叫多個烤餅送咖哩都係叫返最普通果隻。不過我都會推薦大家叫呢個烤餅，因為呢個烤餅本身個松露好濃，如果好似小編咁本身就係個面包控，呢個烤餅一定啱曬您！
.
🌟Mughlai Dum Biryani 羊肉香料炒飯 $168
炒飯上嘅時候係有一塊面皮，侍應仲專燈提醒我地果塊而皮唔可以進食。香料落得好足，炒飯都炒得乾身，您仲可以選擇加乳酪醬食，不過我個人覺得個醬酸酸地唔係好夾個飯，就咁食個飯會好食啲。另外入面都有唔少羊肉，羊肉好多都煮得夠腍，食落又唔會好酥，呢個主菜都叫得好好。
.
🌟Lassi (Mango, Rose, Sweet & Salt) $48
其實呢杯就係芒果乳酪，飲落甜度啱啱好，芒果味都好濃，面頭仲有少少類似果仁、瓜子類嘅配料，令口感更豐富之餘睇落又更靚。
.
🔶整體評價🔶
成個用餐體驗都好滿意﹐侍應基本上都係印度人，加埋環境氣氛，真係好有食緊印度菜嘅儀式感。價錢方面其實都唔貴，都係叫唔同菜大家share食，人均應該都係~$200-$300。不過身邊鍾意食印度菜嘅朋友唔多所以可以食嘅機會唔多，但我相信呢間餐廳我一定會回訪！
.
🔸味道：8/10
🔸環境：8/10
🔸服務：8/10
🔸打卡指數：8/10
———————————————
🍽️Gaylord 爵樂印度餐廳
📍尖沙咀北京道12A號太子集團中心5樓
5/F, Prince Tower, 12A Peking Road, Tsim Sha Tsui
———————————————
👉🏻#hkchiller美食地圖_尖沙咀
👉🏻#hkchiller晚餐推介
👉🏻#hkchiller印度菜
张贴
