大圍小館

营业中

休息中

每次經過積福街都會望見門口這一排排紅色大燈籠，認真吸睛，一直都想搵機會試吓。之前舅母生日，就搵機會試吓呢間中菜館。勾魂叉燒，聽到個名已經覺得厲害，職員先用秘製15年的陳皮醬汁塗抹於叉燒表面，再用火炙燒表面，讓外層焦脆之餘，亦好讓醬汁滲入叉燒裏面，食嘅時候可以將脆米撒於叉燒表面，口感脆卜卜，入口軟腍多汁，而且豐富嘅蜜糖香，確是令人回味。薑米蒜香籠仔蒸蟹飯，用上原隻膏蟹，加入薑米蒜蓉，用蒸籠去蒸，米飯吸收了蟹的鮮味，以及薑米蒜香，飯粒分明，忍唔住一口接一口，而且蟹肉都好新鮮，超多膏。辣豆豉尖椒炒松阪肉，用豆豉、尖辣椒去炒松阪肉，好香豆豉醬汁味，又帶些辣椒香辣，越食越起勁，且松阪肉口感亦十分軟滑。香濃腐乳炒蝦球伴西蘭花，用腐乳去炒蝦球都係第一次食，味道幾特別，香濃的腐乳味，蝦球大隻兼彈牙。紅豆椰汁糕，紅豆和椰汁糕層次分明，紅豆軟腍，椰汁香濃，口感爽滑亦不會太甜。桃膠紅棗蓮子糖水，用了桃膠、紅棗、蓮子去煲，呢個糖水最啱呢種乾燥天氣食，夠晒滋潤又養顏啊。