影片
更多
2024-02-27
24 浏览
之前同朋友都有嚟呢邊食飯，留意到呢座大廈都唔少餐廳，今次呢間係位於2樓，餐廳內部有裝修充滿異國風情，以藍色為主調，窗花同牆飾都充滿中東特色。———————————————🌟Sambousek Spinach呢個係中東菠菜餡餅，食落感覺幾特別，雖然外皮睇落似係炸但咬落原來唔係脆，反而有少少實在感似餅乾。內裡有菠菜同芝士，食落都好香口。🌟Falafel呢款係酥炸蔬菜鷹咀豆餅，擺盤幾有趣，鷹咀豆泥放底，豆餅上面就有芝麻同乳酪醬，乳酪醬食落唔係平時果種酸酸甜甜，反而係帶少少咸味。豆餅咬落口感都好特別，食落充滿豆香同芝麻香。🌟Saniyet Semak 烤盲鱈魚配時菜鱈魚整得幾嫩幾香，份量唔算多但都足夠，個人好鍾意旁邊嘅時菜，有好多唔同款，特別係茄子粒同薯仔粒，味道同口感都同平時食嘅有少少唔一樣，充滿香料味。🌟Mashawy 阿拉伯式烤羊肉串及雞肉串一共有三大肉串，肉串烤得比較乾身，上面已經有好濃嘅香料調味，份量食落都幾多。🌟Mahalabia呢個其實係一種中東牛奶布丁，味道真心好正，牛奶味非常香濃，口感方面做到好綿滑，再加上面頭嘅配料口感就更豐富。🌟Virgin Raspberry Ginge
之前同朋友都有嚟呢邊食飯，留意到呢座大廈都唔少餐廳，今次呢間係位於2樓，餐廳內部有裝修充滿異國風情，以藍色為主調，窗花同牆飾都充滿中東特色。
———————————————
🌟Sambousek Spinach
呢個係中東菠菜餡餅，食落感覺幾特別，雖然外皮睇落似係炸但咬落原來唔係脆，反而有少少實在感似餅乾。內裡有菠菜同芝士，食落都好香口。
🌟Falafel
呢款係酥炸蔬菜鷹咀豆餅，擺盤幾有趣，鷹咀豆泥放底，豆餅上面就有芝麻同乳酪醬，乳酪醬食落唔係平時果種酸酸甜甜，反而係帶少少咸味。豆餅咬落口感都好特別，食落充滿豆香同芝麻香。
🌟Saniyet Semak 烤盲鱈魚配時菜
鱈魚整得幾嫩幾香，份量唔算多但都足夠，個人好鍾意旁邊嘅時菜，有好多唔同款，特別係茄子粒同薯仔粒，味道同口感都同平時食嘅有少少唔一樣，充滿香料味。
🌟Mashawy 阿拉伯式烤羊肉串及雞肉串
一共有三大肉串，肉串烤得比較乾身，上面已經有好濃嘅香料調味，份量食落都幾多。
🌟Mahalabia
呢個其實係一種中東牛奶布丁，味道真心好正，牛奶味非常香濃，口感方面做到好綿滑，再加上面頭嘅配料口感就更豐富。
🌟Virgin Raspberry Ginger Mojiho
以Ginger Ale做底加有紅莓同薄荷，甜度適中，酸酸甜甜。
🌟One Thousand One Nights
上台時有少少驚豔，佢就好似放左朵玫瑰係入面咁，以Seared Rosemary做底，飲落荔枝味重但又帶有玫瑰味，非常適合女性。
张贴
