影片
更多
2023-12-15
632 浏览
「安娣瑪萊 Auntie MALAY」於尖沙咀海港城隆重開業啦！愛吃馬來西亞菜既我即刻拉埋好友一齊試試新餐廳，品嚐由馬籍華僑總廚主理既正宗馬來西亞菜式，體驗娘惹風味！一入門口就見到巨型鳥籠沙發座，配以亞熱帶植物，令用餐環境變得愜意舒適～入內仲有一幅大型壁畫，描繪馬來西亞太太溫婉面貌，餐室色彩絢麗，融入南洋風格之花磚、五彩玻璃及布藝，散發溫馨別緻之異國情調！🥢迷你魚醬蝦米春卷餐前小食先試試呢個咁可愛既迷你春卷，小巧又精緻既外型好似蝴蝶結，入口香脆帶點微辣，內餡有經過炒香既魚鬆同魚仔辣椒醬，微微辣勁，刺激之餘又開胃，令人忍唔住食完又食！🥢焦糖脆魚皮 好邪惡既炸魚皮配以乾辣椒、焦糖翻炒，再加入檸檬葉、青檸葉和開心果碎，味道香甜微辣，夠哂惹味，令人食唔停口！🥢蟹肉雜菜薄餅卷薄餅皮烤至香脆，包著爽口蔬菜絲、彈牙蟹肉，面頭再放上可愛小蝦，入口層次豐富，飽肚之選。🥢亞參酸辣沙巴仔配黃金油條 主廚特別於調味及用料上改良，選用原條新鮮魚，減腥同時加入鮮味～經改良既湯底以蝦湯為基礎，再加入羅望子、薑花、喇沙葉、南薑及馬拉盞蝦醬等香料，味道酸香微辣，配薄荷葉更可增添清新香氣，令魚肉滑嫩無腥味，食得更滋味！伴
一入門口就見到巨型鳥籠沙發座，配以亞熱帶植物，令用餐環境變得愜意舒適～入內仲有一幅大型壁畫，描繪馬來西亞太太溫婉面貌，餐室色彩絢麗，融入南洋風格之花磚、五彩玻璃及布藝，散發溫馨別緻之異國情調！
🥢迷你魚醬蝦米春卷
餐前小食先試試呢個咁可愛既迷你春卷，小巧又精緻既外型好似蝴蝶結，入口香脆帶點微辣，內餡有經過炒香既魚鬆同魚仔辣椒醬，微微辣勁，刺激之餘又開胃，令人忍唔住食完又食！
🥢焦糖脆魚皮
好邪惡既炸魚皮配以乾辣椒、焦糖翻炒，再加入檸檬葉、青檸葉和開心果碎，味道香甜微辣，夠哂惹味，令人食唔停口！
🥢蟹肉雜菜薄餅卷
薄餅皮烤至香脆，包著爽口蔬菜絲、彈牙蟹肉，面頭再放上可愛小蝦，入口層次豐富，飽肚之選。
🥢亞參酸辣沙巴仔配黃金油條
主廚特別於調味及用料上改良，選用原條新鮮魚，減腥同時加入鮮味～經改良既湯底以蝦湯為基礎，再加入羅望子、薑花、喇沙葉、南薑及馬拉盞蝦醬等香料，味道酸香微辣，配薄荷葉更可增添清新香氣，令魚肉滑嫩無腥味，食得更滋味！伴碟有一小碟黃金油條，沾醬食用，酥脆又香口～
🥢仁當牛面頰肉 配 燒肉鬆糯米飯卷
將仁當牛肉升級至和牛面頰，炆煮至口感超級軟稔，加入自家咖哩醬慢煮，味道甜美細膩，散發新鮮黃薑葉香～伴以上經蕉葉焗過之肉鬆椰香糯米飯，煙韌糯米帶點椰香，加上面頭粒粒肉鬆，好快就比我清哂！
🥢蠔仔塔塔蛋餅
金黃色酥脆蠔餅油而不膩，蠔仔味道鮮美，外脆內軟，配辣醬同食，提升味道層次～
🥢芥蘭 . 二食
芥蘭都可以有二食? 原來係蒜蓉炒芥蘭搭配脆炸芥蘭，蒜蓉炒芥蘭新鮮翠綠，而脆炸芥蘭好似食緊紫菜咁，相當特別，大家一定要試吓！
🥢海南雞鑊仔飯
將馬來西亞唐人街瓦煲雞飯及傳統海南雞飯兩者融合而成，鮮香惹味！
雞油飯底有牡丹蝦乾、芋頭及臘味粒，面頭放上香茅、班蘭、南薑、薑 及蒜，蒸出濃香雞油飯，飯底更有金黃香脆飯焦！可以再自行混入蔥油及皮薄爽嫩既無骨海南雞，好似食緊港式煲仔飯咁，味道一流！
🍴班蘭咖椰多士
將多士焗製至金黃鬆脆，搭配奶香輕甜既班蘭咖椰醬，散發淡淡班蘭味，絕配之選！
🍴薑汁焦糖布丁
布丁綿密細膩夠哂Q彈，加入微辣薑汁、焦香椰糖，創新又具馬拉風味，伴碟仲有開心果碎、酥脆炸麵包粒等，層次感十足。
🍴娘惹七彩香蘭糕
最後一款甜品揀咗呢個色彩繽紛既娘惹七彩香蘭糕，以天然香蘭汁製成，口感同味道都好特別，煙韌又彈牙！
🥤菠蘿熱情果沙冰
食咗咁多野，一定要叫返杯特色飲品爽一爽～呢杯菠蘿熱情果沙冰酸酸甜甜好綿滑，飲落清涼暢快，清爽又解渴！
安娣瑪萊 Auntie MALAY
📍尖沙咀廣東道3-27號海港城海運大廈地下G16號舖
张贴
