黑門水產すいさん (Fashion Walk)

專程去到銅鑼灣，想試下呢間日本餐廳門面都已經幾吸引👍🏻🐠叫左個店員推介既北海道飛魚💲338擺盤好吸引，成條魚連頭上，每個刺身部位分開，非常鮮味，食唔停口。原來個魚頭連骨仲可以再加工，+💲60可以煲兩碗湯（但個人覺得即煲即飲都唔方太入味），就選擇左+💲38拎去炸。係幾香既！做飯後小食就唔錯。🍱極上壽司盛合💲498件件都係靚海鮮，物有所值😊🦀海膽蟹味噌甲羅燒🐚極上大魚貝燒呢兩味都會上左檯，再係你面前燒，都幾得意👍🏻店員都好有經驗，燒得剛剛好，咬落蝦同帶子都係爽口彈牙既！叫左兩串燒牛舌心及燒雞腎～都係好好咬口既肉質，冇失望👍🏻整體食物質素都高，座位空間亦寬落，係幾好既👍🏻