Odelice! (The ONE)

是日回到Odelice 食晚餐，因為之前試過brunch，覺得質素不俗，決定encore。選了$788的二人餐，因為正好亦想食海鮮，套餐比單點更抵食。先點了餐飲。我點了熱茶Smoothing，顧名思義就係有舒緩之效，材料有菩提樹、接骨木莓、罌粟花、薄荷、士多啤梨及蘋果乾等。聞落香甜，飲完有令人放鬆之效。男友點了石榴mojito，橙紅色的帶點香甜，酒味也濃，入口有青檸和薄荷香氣！先來法國生牛肉他他，牛肉醃得入味，咸咸地帶點煙韌，點麵包食或單食都好味！馬賽龍蝦海鮮鍋大大盤，有半隻龍蝦、黑青口、大蜆、盲槽魚、魷魚等，肉質全部都新鮮彈牙！蕃茄汁底，加上海鮮烹煮後的鮮甜，無好多花巧調味，但就食到海鮮真味！法國油封鴨腿亦令人討喜。鴨腿以砵酒醬汁去煮，煮得腍嫩，骨肉一拆即起，鴨肉仍保持多汁，加上皺葉椰菜、薯糰丸子等配料，簡單又好味。最後的火焰橙酒可麗餅係專登留肚食，因為這裏出名可麗餅，即場淋上燒熱橙酒倒上去，好香。可麗餅夠煙韌，加上鮮橙，又有雪糕的香甜，又凍又熱雙重滋味！