The Point - Pizza & Pasta (The ONE)

营业中

休息中

朋友生日又幾個月無見，咁就約個生日飯局，早排喺The One行街經過見到The Point - Pizza & Pasta入面嘅嘢食好似好好味咁，於是同壽星女提議去呢度食飯好唔好，好彩壽星女又係牛扒控一名，於是就約定好呢一餐嘅飯局。呢次點咗個二人餐，二人餐可以有兩個小食，一個意粉或者飯同埋一個主菜，咁我就揀咗香辣蕃茄醬燜肉丸、四色芝士焗通粉同埋M5澳洲和牛肉眼扒。另外點咗杯石榴檸檬茶。先上咗杯石榴檸檬茶，石榴味好香，最緊要係無糖啱哂我鍾意走糖！先上咗香辣番茄醬燜肉丸，濃濃嘅蕃茄醬配上啖啖肉嘅肉丸，真係好好味！四色芝士焗通粉，芝士真係爆哂燈！絕對啱哂芝士控嘅人嚟試吓！通粉好大粒，每一粒都可以沾到芝士，真係無得頂！M5澳洲和牛肉眼點咗五成熟，肉質非常嫩滑多肉汁，啱哂我哋口味！兩個人食埋單都唔使$700，真係超值！

今日係朋友生日，所以同幾個朋友去咗The Point-Pizza & Pasta食晚餐慶祝。餐廳好多人，好彩我吔當天早上就預約咗。用餐時間限時90分鐘，由入座開始計，而且在最後15分鐘，服務員會催你埋單。我哋叫咗1個pizza、1碟卡邦尼意粉、1碟炸雞、1碟龍蝦意大利飯、1份牛扒同兩杯飲品。PizzaPizza啲芝士好入味，係我食過最好味嘅pizza之一，十分推薦！卡邦尼意粉卡邦尼意粉啲味道怪怪地，我覺得唔太好味。炸雞炸雞炸到外脆內嫩，加埋啲醬就一流。炸雞超好味，推薦！龍蝦意大利飯龍蝦意大利飯都幾好味，唔錯。澳洲牛扒牛扒叫咗7成熟，但睇落得6成。牛扒有少少筋，但唔硬，煎到啱啱好。兩杯飲品唔錯，賣相吸引。餐廳嘅服務態度和環境都好好，環境乾淨整潔。餐廳的隔板不穩，很容易跌，所以要小心！！！總括而言，餐廳的整體環境、服務態度和食物質素都不錯，下次仲會來。

今日同大家介紹The Point，一定唔會令大家失望。龍蝦湯一開始龍蝦湯已經令我回味無窮，或者係鮮甜嘅味道，定係佢鮮艷嘅顏色，總之同個腦裏面覺得龍蝦湯個樣就係咁，根本就係一模一樣，令我未食之前已經食慾大增。鮮蝦、牛油果、芒果、番茄莎莎清新可口，唯一嘅缺點係太少，真係俾咗三個我食我都食得落，同埋好好食，恰到好處。原隻新鮮波士頓龍蝦海鮮煲配肩意粉估唔到龍蝦入邊咁足料，好新鮮都好多龍蝦膏，回味無窮，令我寫緊食評嗰陣都真係好想食多次。

TST美食@The OneLobster Bisque前菜係好好味嘅龍蝦湯，蝦肉好食，湯味香濃。我覺得龍蝦湯來講佢都有8分Shrimp Cocktail with Avocado, Mango & Tomato Salsa沙律，外貌可觀，最後有牛油果做最底嗰一層，味蕾好豐富，引起好大嘅食慾。Lobster Fra Diavolo主菜有大大隻龍蝦，蝦肉鮮甜，咬口豐富，而且服務態度一流，同埋有一系列工具俾我哋將隻龍蝦抽絲剝繭，食得好輕鬆。

同妹妹做完Facial就到The One商場醫肚，見到位於4樓有間The point餐廳之前食過其他分店覺得不錯，就選擇在這裏食飯。見到餐牌上的龍蝦套餐，好似好美味就一於試下龍蝦湯每一啖都感受到龍蝦的香濃味道，很幼滑！鮮蝦、牛油果、芒果、番茄莎莎這幾種蔬果配搭得很出色，酸酸甜甜很開胃，感覺很清新健康。原隻新鮮波士頓龍蝦煲配扁意粉🍝店員棒來的時候很驚喜，賣相吸引，龍蝦大隻到有手掌般大，淡淡龍蝦肉，肉質鮮嫩爽口，意粉軟硬度適中，海鮮配料亦豐富，有蜆肉，魷魚和青口等再配合蕃茄海鮮汁，令到這碟意粉鮮甜無比😋青蘋果梳打食完美味的一餐再飲番杯梳打 ，非常滿足！

The Point - Pizza & Pasta 位於尖沙咀彌敦道100號The ONE 4樓409號舖。我和朋友都好鍾意食龍蝦，之前網上見到餐廳推出了龍蝦盛宴2.0，所以我地相約一齊去The point 食晚飯。頭盤-賣相精緻，七彩繽紛，有芒果、蕃茄沙沙、牛油果、鮮蝦，味道好夾，非常開胃的頭盤菜。湯-龍蝦湯，不稀不稠，好Creamy，而且還食到粒粒龍蝦肉。主菜-原隻新鮮波士頓龍蝦海鮮煲配扁意粉-原本驚唔夠食，份量2-3人剛剛好，入面有不同海鮮，有青口、大蜆、魷魚，海鮮處理得好好，沒有沙，而主角原隻新鮮波士頓龍蝦，好大隻，D肉好容易拆出黎，啖啖肉，鮮甜美味又彈牙，另外扁意粉火喉剛剛好，軟硬適中，好掛汁。甜品-朱古力布朗尼配烤香蕉、合桃、雲呢拿雪糕一上枱已經熱辣辣，底下香蕉加了蕉糖，烤香蕉原來咁好食，配埋朱古力布朗尼和雲呢拿雪糕，一冷一熱，冰火交融，好滋味青蘋果梳打

最愛食龍蝦🦞，一知道尖沙咀 The One商場💁🏻‍♀️( The Point) 有個 LOBSTER SET DINNER $588(兩位），即刻約埋朋友一齊去先😃！🥗前菜爽口鮮蝦，熟透軟綿綿的牛油果，芒果和番茄粒，酸酸甜甜，清新口感！🍲龍蝦湯鮮味又可口，紅紅的蝦膏香味濃郁，加點龍蝦肉，真材實料😊！🦞波士頓龍蝦海鮮煲配扁意粉原隻波士頓龍蝦，再加入大蜆、魷魚、藍青口，多款新鮮海鮮配上扁意粉，每一啖都充滿鮮味，掛滿海鮮汁的意粉，質地又十分彈牙，食唔停口！大大碟分量足夠三人分量😋😋！🍏青蘋果梳打淡淡蘋果香的梳打，賣相已經好吸引！

係九龍灣食過一次 今次就黎到尖沙咀💁🏼‍♀️💁🏼‍♂️上次假日食 人唔算多 可能始終mega box比較偏遠不過今次係尖沙咀食就爆晒場 所以一定要book左位先🧐尖沙咀呢度有樣野唔好 就係好似坐左出去個走廊度咁因為店舖位置唔大 所以坐得都有啲迫🤔不過啲staff都幾有禮貌 雖然忙都面不改容👍🏼-🔸$𝟹𝟿𝟾 𝚜𝚎𝚝 𝚏𝚘𝚛 𝚝𝚠𝚘：龍蝦湯：芝士焗釀大啡菇配香草蕃茄汁：四色芝士焗通粉：酥炸軟殼蟹蝦肉櫻花蝦明太子醬披蕯呢個dinner set都幾抵食 有齊晒頭盤 意粉同主菜🤩基本上都夠晒兩個人食😆不過有啲item要加錢既 留意返先講頭盤 四選二 我地揀左龍蝦湯🦞同釀大啡菇🍄龍蝦湯未算好濃味 不過都唔係淡口好差 可以接受😌大啡菇個香草蕃茄汁做幾唔錯 香口得黎茄味好濃郁👍🏼配上芝士同爆汁既啡菇 配搭味道一流😌四色芝士焗通粉 呢個係我地黎食既目標😂用一個鐵板送上 保持溫度令芝士繼續溶化🤤仲可以做到有拉絲既感覺🧀雖然係用左四款芝士 但又唔會好腬 仲有d黑椒粒😋大大粒通粉 食吓食吓又停唔到口😂薄脆底既pizza 餡料好足 鋪滿整個pizza面🤩一整隻軟殼蟹 唔細隻既 不過有少少炸得勁咗😂脆口既pizza

The Point 之前同朋友黎過食lunch ，味道和環境感覺都好正，今日就帶老公黎食晚飯，老公鐘意食龍蝦，所以我地叫左龍蝦盛宴2.0Starter細細杯，入面有鮮蝦、牛油果、芒果、蕃茄沙沙，顏色鮮艷，鮮蝦爽口，味道清新開胃。Soup 龍蝦湯龍蝦湯味道濃郁，而且香氣逼人，不會太鹹。原隻新鮮波士頓龍蝦海鮮煲配扁意粉比我想像中大份，用上原隻新鮮波士頓龍蝦，蝦肉爽口彈牙，除了龍蝦，還有青口，蜆肉，魷魚，海鮮份量極多，令整盤意粉帶出了鮮味，而且意粉的醬汁與海鮮味道好夾又掛汁。青蘋果梳打青蘋果味道突出，夏日透心

之前吃過龍蝦盛宴，今晚試試龍蝦盛宴2.0，兩者有很大不同，之前的款式較多，而是次的主打是龍蝦海鮮意粉。頭盤有鮮蝦水果杯，鮮蝦爽口，牛油果香滑，芒果清鮮，蕃茄多汁，十分不錯。龍蝦湯鮮濃，配有爽口龍蝦肉。跟餐有蘋果梳打，亦可以以半價優惠選擇其他飲品。隆重登場的是原隻波士頓海鮮煲配扁意份，份量驚人，大大隻的龍蝦，很容易拆肉，龍蝦肉很爽口，而且很彈牙。更加配有各式各樣的海鮮，新鮮好味。如果是大胃王，更可以$98加個海鮮薄餅。

消息券已經發放，今日於尖沙咀逛完街，去了大吃一餐。之前有在其他的分店吃龍蝦套餐，想不到這裡有龍蝦套餐2.0。先上個龍蝦湯，香濃幼滑，而且有龍蝦肉，口感十足。再上個前菜，有大蝦、牛油果、蕃茄和芒果，顏色鮮艷，而且口感多元化，又爽又滑，清新又開胃。主食有龍蝦海鮮配扁意粉，波士頓龍蝦新鮮而且大隻，龍蝦肉爽口彈牙，更配上各款鮮味海鮮，包括青口、蜆肉和魷魚。扁意粉份量頗多，十分飽肚。而青蘋果梳打則不過不失。

知道呢間多人特登黎食龍蝦🦞，但我同男朋友都唔係特別好，所以嗌左pasta😂 是晚又係等男友放工之夜，8點幾 又突然想食蜆肉意粉（我真係好中意食lol)，諗起呢間食過兩次，就上左The one了。打打下先發覺我無影到蜆肉意粉😮‍💨🥺 咁無計啦好在小妹手筆都形容貼切栩栩如生😹我嗌左個香蒜辣椒白酒煮大蜆意粉。我呢就唔太食得辣，所以叫左小辣！呢碟意粉等左差唔多30分鐘先送上黎…餐廳都9成full,今日心情好 所以無咩野😮‍💨 大蜆都算比得多，碟意粉份量剛好，加埋香蒜同小辣 成碟好香口，會食完一淡再想繼續食。嗌左個黑松露芝士蛋黃醬薯條。就咁睇名都有啲邪惡。呢個薯條炸得好好食，唔點醬都好食！唔淋唔硬總之就係剛剛好！點埋個truffle醬 仲好食過點茄汁…男友嗌左呢個Mac & cheese 。雖然望落去有啲漏，但食左幾舊我覺得ok ，唔漏，入面有雞肉，但唔多。餐廳係有2人set,不過因為要硬點一個pizza,我哋唔想食所以就散叫了。 雖然上菜同埋單等得有啲耐，但服務員都好有禮貌，亦都會望到就幫refill水

和友人逛完the one，饑腸轆轆，於是選了這家餐廳吃午飯，點了煙三文魚、黑松露野菌飯、豬頸肉黃咖哩pizza以及軟殼蟹沙律。煙三文魚味道剛好，三文魚的份量不少呢！黑松露野菌飯味道很濃郁，非常好吃！最意想不到是豬頸肉pizza，這個配搭在其他地方很少見，可是沒想到豬頸肉與pizza那麼搭，配上黃咖哩味道微甜並有陣陣椰香味，真的很棒！軟殼蟹沙律也很好吃，沙律加了調味，配軟殼蟹和蛋一起吃口感豐富。整體而言這家的西餐水準不錯，份量也足，下次會再來！

有日約了朋友到尖沙咀行街，原本打算在海港城晚膳，但由於人太多，最後轉場到了the one～逛了一圈見到the point出了二人餐，還以最愛的龍蝦為題，當然要一試～二人餐已包括前菜、湯、主菜意粉、以及飲品。【Shrimp Cocktail】以鮮蝦、蕃茄莎莎、牛油瓜、芒果一層舖一層，味道清新開胃，甚有夏日的感覺～【Lobster Bisque】龍蝦湯真材實料，質地濃郁，不像一般套餐貨色～橙紅色的龍蝦湯，賣相、香味俱佳，還略帶鮮味。龍蝦湯中還有粒粒蝦肉～【Lobster Fra Diavolo】龍蝦海鮮煲扁意粉用上原隻新鮮波士頓龍蝦，另外還配上青口、魷魚、蜆肉等多款海鮮，用料豐富，賣相亦非常吸引。波士頓龍蝦經過煎香，蝦肉一下子就能拆出來，非常方便食用。新鮮波士頓龍蝦蝦肉特別爽彈，份外鮮甜，另外還帶有大量甘香的蝦膏，拌意粉一流！意粉份量非常多，難怪二人餐只有一款主菜，原本以為會很單調，但確實有驚喜～【追加 北海道帶子鮮蝦披薩】披薩餅底即點即做，完全手工製作，再放入爐內燒烤而成，口感外脆內軟，難怪成為the point的招牌產品，下次也會試試其他口味～【青蘋果梳打】青蘋果梳打不會太甜，反而十分

吃！是我最大的興趣，從小就愛吃！自2016年開始，有寫點評/食評的習慣，當時在上海工作，先由大眾點評開始！然後返回香港工作，亦開始寫 Open Rice 和Dining City，2020年12月中，突然收到 Dining City 電郵通知，我中獎了，獎品：The Point 376元 dinner voucher，開心！！！當時受COVID--19第４波疫情影響，全港食肆禁晚市堂食，這張 dinner voucher要到2021年3月30日才用上！點了以下的：#野菌濃湯，西餐的湯，我喜歡喝濃的，這個忌廉湯底濃郁，質感creamy，蘑菇很多，非常足料，大愛！#龍蝦香草意大利飯，上菜慢，催了２次才上，龍蝦處理得很好，肉質Ｑ彈，鮮味十足，意大利飯軟硬適中(我真心吃不慣夾生的米飯！)，推！#香煎鱭魚配蕃茄醬珍珠粉，這個超級慢！共催了５次(足足60分鐘) 才來！火侯控制得宜，魚肉非常嫩滑，珍珠粉配上酸甜的醬汁，好吃！廚房作業流程，急需改善！