The Point - Pizza & Pasta (The ONE)

营业中

休息中

之前在網上看到The Point推出了二人龍蝦餐，就二話不說地約了同樣愛吃龍蝦的好友來試一試～地點就選擇了位於The One的尖沙咀分店，比較近我們的公司。首先餐廳環境非常舒適，而且好有人氣，最好預早訂座。二人龍蝦套餐包了兩客前菜、兩客龍蝦湯、兩杯青蘋果梳打及一份原隻新鮮波士頓龍蝦海鮮煲配扁意粉。我們二人都屬大胃王，就加了$98北海道帶子海鮮pizza。龍蝦湯質地濃稠，而且除了有龍蝦鮮味外還有甘蔗的甜味。前菜是牛油果鮮蝦沙律入面除了有鮮蝦及牛油果外還有番茄他他和芒果，口感豐富又清新，好開胃。北海道帶子海鮮Pizza分量剛剛好，適合二至三人食用，帶子口感滑嫩，而且是薄批底，口感鬆軟。原隻新鮮波士頓龍蝦海鮮煲配扁意粉一上菜才發現之前擔心不夠飽是多餘的～好大一盤連煲上，而且海鮮的份量極多，有青口、大蜆、魷魚以及主角波士頓龍蝦！首先海鮮煮得剛好，難煮得好的魷魚都好爽口，龍蝦大大隻又多肉。而且意粉好掛汁，味道方面充滿海鮮的鮮甜和番茄的清爽，好好味～青蘋果梳打味道不會過甜，不過不失。整體來說質素沒有令人失望！特別是海鮮意粉！令人食個不停。

【#SUPERMAMA開心SHARE】@The Point真係好有point好耐冇出去食飯今次同朋友去食龍蝦pizza 去左the one 的THE POINT感覺真心好食呀呢款龍蝦套餐好足料呀大件夾抵食 有齊 龍蝦湯、龍蝦紅菜頭沙律原隻火焰龍蝦Pizza 、原隻龍蝦配車厘茄伏特加忌廉汁扁意粉餐廳好有心只要做一個小小的步驟就會送上鮮橙汁梳打飲得出新鮮我都幾中意個龍蝦湯唔係果種cheap既鹹味而係有蝦肉香、南瓜香的滑滑滋味幾好飲龍蝦紅菜頭沙律這造型都100分啦有花花，有大蝦鉗仲有甜甜的紅菜頭引人喔原隻龍蝦配車厘茄伏特加忌廉汁扁意粉口感相當正因為個意粉超級多汁加上成個蝦頭放上去蝦肉拆入意粉之中好食又好睇原隻火焰龍蝦Pizza火燒雞我食過今次火燒龍蝦Pizza都係第一次好震撼的視覺效果味道又充滿芝士香同蝦肉好抵食呀藍莓芝士蛋糕清新唔會太甜口感融洽細膩甜品必需一吃

今次係專程為左呢個龍蝦餐而黎🤩龍蝦湯 唔算太濃稠，飲到有龍蝦香味同南瓜味，仲有少少切碎南瓜粒，不過唔太有口感，因為已經煮到好林，同個湯融為一體。而龍蝦個都爽口有龍蝦味。唔錯👍🏻Shrimp Cocktail 有蕃茄，牛油果，芒果同埋主角大鮮蝦。 好清新既味道同口感，蝦身厚肉有彈性，飲完個creamy 既湯，再食返呢個Shrimp Cocktail 就岩哂。主角黎勒原隻新鮮波士頓龍蝦海鮮煲扁意粉 主角係唔同D, 一上台已經有濃濃既龍蝦香味噗埋黎，份量十足。原隻波士頓龍蝦，開邊，蝦身煎封過，完全保留到肉汁，龍蝦身唔乾，好香濃既龍蝦味，頭部位置重有大量蝦膏，師父可以連蝦膏都煎封住，一滴不漏，好香口。個波士頓龍蝦太出色，令到其他海鮮魷魚圈，藍青口，大蜆，變做大配角。需然係大配角，大蜆都好鮮味，魷魚份量好大隻厚切，絕對足料。其實$588，有食到呢個水準 超值。👍👍呢杯青蘋果梳打，望落都係d冰大大粒，d氣有咁多得咁多既糖漿類色素飲品。。。。。錯哂！一落台有淡淡既青蘋果清香，飲入口都有淡淡香味，無藥水怪味 重點唔係爆甜，清新味道而且好足氣，鐘意有氣飲品既我覺得十分好飲，可惜太飽飲唔哂。

之前經過The Point見到有個龍蝦menu，岩哂我朋友！呢個龍蝦套餐真係好抵食同埋製作需時，大約要等20分鐘左右，證明好用心製作龍蝦湯未食已經聞到好香嘅龍蝦湯香味！仲有啖啖嘅龍蝦肉味道香濃，但就覺得咸左少少，仲有埋芡做得唔太靚，食到一團團嘅粉漿！鮮蝦、牛油果、芒果、蕃茄莎莎呢個沙律前菜好好食呀鮮蝦好爽甜，芒果味令整個沙律更昇華所以材料mix埋勁好食！原隻新鮮波士頓龍蝦海鮮煲配扁意粉隻龍蝦好好味，夠哂juicy，肉質一啲都唔鞋口感有彈性！大蜆亦非常有驚喜，好鮮甜吸哂濃湯嘅精華而且份量一啲都唔少，夠哂滿足！青蘋果梳打

尖沙咀人流多了很多，這晚吃個較早時段的晚餐，選了在K11商場內的西餐廳，樓底高之餘又有半開放式枱櫈，感覺舒適好好feel。一看餐牌見到這個名為龍蝦盛宴2.0的廚師推介套餐很吸引，店員說這個龍蝦餐每日供應有限，需要預早訂定的😲 好彩朋友聰明，訂枱時已留了，我們才有口福吃到。頭盤有鮮蝦、牛油果、芒果、番茄莎莎，完全是時令的夏日清新感受，芒果夠熟很清甜，番茄微酸夠開胃，細細杯我鍾意。龍蝦湯較稠糊，橙黃色的啖啖龍蝦鮮味，相信用龍蝦餚了很久。主菜有原隻新鮮波士頓龍蝦海鮮煲配扁意粉，一上枱已經眼球大開香氣撲鼻了，材料也非常豐富。新鮮波士頓龍蝦即叫即煮，超級大隻差不多蓋過意粉面，龍蝦肉扎實有嚼勁，兩隻鉀肥厚多肉有如半隻手掌大。蝦頭部為充滿蝦膏，油香濃郁入口即溶，大蜆鮮甜多汁，魷魚煙韌彈牙，藍青口非常入味，而扁意粉又完全吸收了番茄海鮮汁的精華，酸甜度適中而煙韌度十足！青蘋果梳打清清的，作為解暑飲品也不錯！我們離開時也全場爆滿👍🏻 記得訂位啦！

見到尖沙咀The Point而家做緊個龍蝦盛宴，Book咗枱嚟食餐好。店家首先送上龍蝦湯，味道濃郁，正！然後是一小杯的沙律，但內裏材料豐富，面頭一隻鮮蝦，下面是蕃茄它它，混合酸甜嘅芒果及牛油果，配合精美的賣相，不錯啊。最後是今天的主角，波士頓龍蝦海鮮煲配扁意粉。兩大隻龍蝦鋪面，一人一隻，龍蝦鮮甜，啖啖肉，有口感，而且勁多蝦膏。有大蜆有藍青口同埋鮮嫩的魷魚圈。配合呢個蕃茄味濃郁嘅意粉，美味！一路食一路慶幸自己訂咗枱，聽到隔離枱想食龍蝦都係無哂龍蝦餐，真係每日限量供應啊

☞ 前排母親節，同屋企人去咗呢間位於The One嘅西餐食龍蝦二人餐。平日嘅龍蝦dinner set淨係得main cource係有龍蝦，見到呢個Menu由前菜沙律到兩個main course都係原隻龍蝦，都覺得幾吸引，所以就試吓😆.🍴龍蝦二人餐（$428+$98 兩位用）❖ 𝐒𝐭𝐚𝐫𝐭𝐞𝐫: 𝐋𝐨𝐛𝐬𝐭𝐞𝐫 𝐁𝐢𝐬𝐪𝐮𝐞 & 𝐋𝐨𝐛𝐬𝐭𝐞𝐫 𝐁𝐞𝐞𝐭𝐫𝐨𝐨𝐭 𝐒𝐚𝐥𝐚𝐝龍蝦湯 及 龍蝦紅菜頭沙律❖ 𝐏𝐢𝐳𝐳𝐚: 𝐅𝐥𝐚𝐦𝐢𝐧𝐠 𝐋𝐨𝐛𝐬𝐭𝐞𝐫 𝐏𝐢𝐳𝐳𝐚 𝟗” 原隻火焰焗釀龍蝦𝐏𝐢𝐳𝐳𝐚/ 而Pizza係薄批，自己幾鍾意個口感，佢將啲龍蝦肉拆咗落去pizza上面，所以食落都有啖啖龍蝦肉，但係我食完意粉佢都未上pizza（佢想幫我收晒啲餐具，所以應該係漏單？）而個pizza上碟時已經係微暖，食到最尾兩件已經凍晒😂❖ 𝐌𝐚𝐢𝐧: 𝐖𝐡𝐨𝐥𝐞 𝐋𝐨𝐛𝐬𝐭𝐞𝐫 𝐋𝐢𝐧𝐠𝐮𝐢𝐧𝐞 原隻龍蝦車厘茄伏特加忌廉汁扁意粉 (+$98)/ 意粉個忌廉汁偏少，都唔係好食得出咩味，所以有啲乾身🤭/ Overall 三個item嘅龍蝦肉都非常彈牙，但係Pizza同意粉個味道就一般🥲下次未必會再食

同朋友嗌左個二人龍蝦餐個湯還好 唔係果D罐頭味不過 不論係紅菜頭個appretizer  定係意粉既龍蝦 D龍蝦肉都係好「謀」同埋凍凍地  係完全食得出個雪藏味 同想像中爭好遠…咁既價錢 講真我真係唔expect會食到雪藏味真係寧願食番普通pizza

撞正趕要係10點食完飯 大家都趕係8:30前覓食🙈我就誤打誤撞入左呢間餐廳😂因為佢係成個The One最小人排隊 只係等左10分鐘就入得 點知。。。🌟 Lobster Set $428 for 2 persons 🎈Lobster Bisque 個湯完全無龍蝦味 我只係飲到龍蝦湯嘅蔬菜味 個湯打芡打得好勁 好似食粉咁 飲左2啖飲唔落🙄🎈Lobster beetroot salad未食過咁難食嘅龍蝦 我亦都明白呢個價錢一定係雪藏龍蝦 我覺得無問題嘅 但係你都唔係比隻解凍完嘅白焯龍蝦我呀😅啲龍蝦肉啲雪味簡直係過份 仲要無任何調味😇難食到嘔係我lur翻出泥嘅 (抱歉有點噁心)🎈Flaming lobster pizza呢份pizza上面隻龍蝦終於有啲味 佢地將龍蝦肉切碎再放pizza入面 所以啲龍蝦肉就有芝士味😃 其實佢個pizza底唔錯 幾好食 係啲龍蝦難食😄🎈Whole lobster linguine + $98因為呢碟意粉有汁所以個龍蝦肉都有味 佢地將龍蝦肉切碎再放入意粉入面 所以都會有蕃茄味 但係menu上面話佢會用vodka煮 我就完全食唔出有酒香味 但整體ok嘅 唔難食🎈Bro

龍蝦二人餐兩客龍蝦湯 有別於一般既法式龍蝦濃湯，味道似忌廉湯，有小龍蝦肉。龍蝦紅菜頭沙律紅菜頭加上沙律菜，酸酸地好開胃，配埋爽口龍蝦肉。原隻火焰焗龍蝦Pizza侍應係薄餅淋上酒精點火，好搶眼吸睛。薄餅係手拉薄披，配料除左有龍蝦肉同膏，仲有番紅花同大量芝士，好好食原隻龍蝦車厘茄伏特加忌廉汁扁意粉見到有原隻龍蝦意粉，忍唔住加錢叫左！伏特加忌廉汁有蕃茄既酸味又有龍蝦汁既鮮味，加埋龍蝦肉，好夾。叫二人餐叫飲品可以半價，叫左杯Iced Peach and Mint Tea，蜜桃肉粒加上冰茶同薄荷葉，so fresh

The Point 又做龍蝦餐啦，即刻約左朋友去食番餐！.先黎龍蝦湯 比較似忌廉湯，淡淡既海鮮味，同幾粒小龍蝦肉。.龍蝦紅菜頭沙律有半隻剝左殼既龍蝦肉，個龍蝦鉗啖啖肉，下面係新鮮沙律菜蕃茄粒同紅菜頭片。.原隻火焰焗龍蝦Pizza好鍾意呢款Pizza! 上菜時店員係我地面前點火，係咁打卡呃like。薄餅餅底好薄又脆，上面餡料有龍蝦肉、龍蝦膏、車厘茄、芝士等，餐廳仲好有心思係龍蝦頭釀左芝士雜菌。.原隻龍蝦車厘茄伏特加忌廉汁扁意粉呢款意粉既汁好惹味，唔會似一般忌廉汁膩，又有少少酒香，配埋龍蝦肉炒成。.鍾意食龍蝦既朋友一定要去食番次！性價比高！

呢間餐廳主打龍蝦🦞喺湯、意粉、飯，甚至薄餅，都可以搵到佢嘅出沒🙂🦞龍蝦湯 🍄蘑菇湯主打龍蝦，就由龍蝦湯開始。味濃而且好creamy，最緊要係佢唔鹹，仲有粒粒龍蝦肉。試咗少少朋友嘅蘑菇湯，同樣係香濃噃，充滿蘑菇粒。兩款湯都真材實料。🐖 意大利風乾火腿、香腸、水牛芝士拼盤有四款火腿香腸，水準唔錯，唔會好鹹或乾。鍾意食意式火腿嘅，不妨叫一個嚟試吓。🥗柚子味增南瓜羽衣甘藍沙律想食個開胃嘅沙律，推介！一放低嗰下，咁大碟嘅！即刻覺得平衡返食肉獸嘅一面。柚子汁酸酸咪咪好開胃，佢仲有茄子同藜麥，好健康。🦞龍蝦香草意大利飯推！介！一上枱，我同友人都不禁講咗幾次’好香呀！好香呀‘！有好多龍蝦肉!!!! 飯好入味，唔會硬身。配埋青瓜同青豆，好有咬口。以呢個地區同佢嘅美味，值回票價！😃餐廳環境舒適，樓底高而唔會令人感到焗束。除咗晚飯，如果叫杯cocktail，加個platter ，同朋友傾下計，都係唔錯嘅選擇。

踏入盛夏，又係陽光與海灘嘅日子，雖然冇得去旅行，但都想食吓龍蝦，安慰下自己受傷嘅心靈！餐廳位於尖沙咀The One 4樓，採用開放式廚房，大大個火爐就咁放喺中間，非常吸睛！餐廳食物款式以西式為主，林林總總嘅Pizza同埋意粉比大家選擇，我當然揀我最想食嘅龍蝦，所以就簡咗呢個set啦。首先出場嘅，係金黃色嘅龍蝦湯，淡淡的蝦香非常開胃，脆脆嘅麵包配上龍蝦肉，口感一流跟住落嚟就係龍蝦紅菜頭沙律，清新嘅紅菜頭，配上新鮮嘅龍蝦，係一個好好嘅配搭主角就係龍蝦pizza，師傅特登用酒贊一贊，成個Pizza嘅味道唔同晒，特別係嗰陣焦焦脆脆嘅龍蝦味，令我印象深刻呢個龍蝦香草意大利飯不得了啦喇，除咗有好香嘅龍蝦汁之外，佢嗰塊焗左嘅芝士真係好好食😋最後就係呢個朱古力布朗尼考香蕉，典型嘅香蕉配朱古力，作為呢餐嘅總結。

同朋友係尖沙咀行街shopping，突然落大雨，我哋走咗入去The One避雨，順便食個early lunch，朋友鍾意食Pizza，佢揀咗The Point。我哋點咗個午餐及Pizza 一齊share食：🐟香煎鱸魚配番茄醬珍珠粉$128半條鱸魚起肉，外皮煎得漂亮金黃色，魚肉嫩滑，珍珠粉好得意，細細粒，真係好似珍珠；以番茄及蔬菜烹調，鮮甜微酸，令整體味道不膩滯。🥣雜菌湯+$10個湯都幾濃郁，熱辣辣，裏面有蘑菇及雜菌碎，好香菇菌味。🍕 意大利風乾火腿夏威夷披薩$178餐廳有好多特色嘅Pizza，我哋心多多😆，揀咗一陣，最後揀咗呢個意大利風乾火腿夏威夷披薩。批邊脆口，外脆而內帶韌性，口感不錯；餡料份量亦足，有意大利風乾火腿、芝士🧀、焦糖菠蘿片🍍、松子仁、面層有好多火箭菜，具意式風情，好好味😋。跟餐我就選英式早茶☕️+$12，朋友就點咗個手工啤Crazy Rabbit 🍻$58，朋友話個手工啤，味道帶點咖啡味嘅黑啤，夠冰凍，幾得意好飲，配埋Pizza一齊食，好爽🌿。

荔枝茶- 被餐牌上的圖片吸引，以為整杯都有荔枝肉，原來只有一粒做裝飾，而且荔枝茶有沒有荔枝味，有點被坑了龍蝦pizza - 賣相可以味道都OK，芝士分量亦足夠，美中不足的是餅底做得太軟太濕，不夠硬拿起來軟林林的，可惜⋯還有黑松露薯條，忘記拍照，不過都不值得推薦，薯條粗度合格可惜炸得太油膩全部通透，看到食慾大減，加上淋上芝士汁芝士醬把全部薯條黏在一起，冷卻後很容易把薯條弄斷。還點了兩款芝士意粉，味道不錯，芝士份量亦足夠