Restoran SAYA

营业中

休息中

係大角咀街角嘅Restoran SAYA,主打地道泰國菜,由泰籍廚師主理,風味正宗得來帶點驚喜!餐廳裝修簡約但充滿東南亞風情,牆上掛著泰式彩繪,播住輕快泰文歌, 一入去就好似瞬間穿越到曼谷街頭甘~餐廳菜式選擇都算多,由經典小炒到特色甜品都有, 而且價錢親民,份量十足,晚市經常爆場!而我地今次就叫咗最人氣嘅食品🦀🌯蟹肉奄列- 蟹肉多到跌出嚟！蛋皮煎得香脆，一啖咬落去滿嘴鮮甜，抵食過海鮮舖啊～ 🥭🥗泰式芒果柚子沙律- 酸酸甜甜好開胃！芒果甜、柚子夠爽又新鮮，加埋辣辣哋嘅魚露，食到停唔到口!🍜醉猫肉碎炒河- 鑊氣十足！河粉炒到乾身又入味，肉碎香辣惹味，真係會學醉貓咁「掃」晒成碟～ 🌶🦪辣椒膏炒花甲- 花甲肥嘟嘟冇沙，辣椒膏香濃帶微甜，夠曬惹味，最好送飯一齊食!🥭🍚芒果糯米飯- 芒果甜到漏，糯米飯暖糯椰香濃，好快就忍唔住食曬！🍵熱班蘭香茅茶- 飲一啖好似行入泰國spa！班蘭味好香，香茅醒神!🧊凍泰式青檸茶- 酸酸甜甜嘅青檸同茶味balance得啱啱好，夠曬清涼！餐廳坐得好舒服，無論係想同朋友傾計,定係一個人靜靜哋食個泰式下午茶, 都係一個唔錯嘅選擇~💕

📍#Restoran SAYA @sayahkg୨୧┈┈┈┈┈┈┈┈┈┈┈┈┈┈┈┈┈┈୨୧朋友生日又鍾意食泰菜，先發現原來香港竟然有米芝連泰菜？！！即刻訂位，係連續獲得米芝連必比登推介嘅泰國菜，滿心期待的晚上，餐廳裝修以東南亞風為主題，湖水綠牆身再加藤製桌椅，充滿泰國風情。因見餐牌定價不算太高，就黎同朋友慶祝生日🎂✿ Fried Fishsauce Pork neck 魚露豬頸肉條 $88平時食泰式豬頸肉都係酸辣為住，今次食魚露味好特別，有小小脆口同咸香，原來當餐前小食都幾正，食唔停🤭✿ Miang Som 泰式芒果柚子沙律 $98哇😧呢個係我食過最好食嘅沙律，個沙律汁真係世一，酸甜辣集於一身，非常平衡不會搶味，配鮮甜柚子同芒果，真係好fresh好好食，份量都幾大兜添。✿ Larb Moo Isan 依善辣豬肉碎生菜包 $118香辣豬肉加多款配料有口感，味道層次，酸酸辣辣，再用生菜包住食，成碟多到食唔哂。✿ Massaman Curry Rib 瑪莎文咖喱配牛肋條 $158✿ ROTI 印度飛餅 $38初嚐瑪莎文咖喱，微辣濃郁，陣陣椰香，牛肋肉軟腍入味，帶點堅果香，為咗好好浪

早前和朋友來食米芝蓮泰菜餐廳，湖水綠的色調，環境超美。藤製家具和精美的壁畫，讓人感受到濃厚的泰國民族風情。美食美味又價格合理，絕對值得一來！蟹肉奄列 $178奄列大件，蛋皮酥香，蛋味濃郁，包住滿滿的鮮甜的蟹肉，配上酸辣的是拉差辣醬酸辣惹味，非常美味。泰北咖哩金麵 $128咖喱汁香料味重，帶有酸辣的風味，拌上醃菜後，味道更加突出。而蛋麵色澤金黃似扁意粉，口感順滑有彈性。旁邊的油炸蛋麵則口感脆卜卜，不過未整碎食的話，會食到成嘴醬汁有點論盡。雞扒肉質軟嫩，入味有炭燒風味。整體都好美味。泰式咖喱蟹汁軟殼蟹 $188蛋花咖喱不辣，帶有椰香，浸住脆口的軟殼蟹，每一口都能品味到蟹肉的鮮美。配上香脆的蒜蓉麵包，鹹香惹味。印度飛餅 $38飛餅大塊，口感煙韌，單吃已經非常美味，再沾點剩餘的咖哩汁，簡直是完美搭配！芒果糯米飯 $78芒果塊砌成的玫瑰花好有美感，就像《小王子》心中那朵唯一的玫瑰，令人個心甜一甜，打卡冧女一流。芒果清甜，糯米飯軟糯，淋上椰漿，甜中帶鹹，非常滋味。薑汁菠蘿沙冰 $58清甜的菠蘿汁與芳香的薑汁搭配，冰凍後口感清爽，非常值得推薦。椰汁沙冰 $58淡淡的椰香，甜度需要可再加。沙冰上的椰子

朋友話佢上次係大角咀食咗一間米芝蓮泰國菜，性價比好高又好食，叫我有機會要去試下。約朋友食飯個時諗起依間餐廳，於是就決定去試吓！泰式咖哩蟹汁軟殼蟹泰式咖哩香味好濃郁，咖哩入面仲有好多蟹肉，每一啖咖哩都充滿蟹肉香味，軟殼蟹亦炸得好酥脆。蒜蓉包沾上咖哩一齊食就更惹味！印度飛餅飛餅外表金黃，口感外酥內軟，食起上嚟幾飽肚！飛餅同咖哩真係好夾，忍唔住食完一啖又一啖！泰北咖喱金麵 配 燒雞有炸過既金麵非常脆口，炸過更容易吸滿咖哩汁！無炸過既金麵口感順滑，掛滿濃郁咖喱汁。燒雞肉質鮮嫩，有微微焦香，再配上咖喱汁，真係一流！泰式芒果柚子沙律沙律清爽開胃，芒果同柚子每粒都大大粒又好甜！泰式醬汁為沙律帶來酸酸既味道同泰式既風味，令芒果柚子甜得尼帶啲酸味，超級開胃又好食！泰式煎蠔仔餅煎餅好飽滿，一切開入面包著超多蠔仔！蠔仔鮮味十足，唔會覺得腥。搭配特製醬汁，茄汁同泰式醬汁，令蠔仔餅酸酸辣辣，增添泰式風味。飛天炒通菜炒通菜顏色翠綠，充滿蒜香味，當中亦有好多辣椒做調味，所以有少少辣！份量亦好大碟，足夠3至4個人食！菠蘿青檸蜜（熱）依款飲品得熱飲，菠蘿甜味同青檸酸味好夾，飲品甜甜酸酸！

Michelin for 3 consecutive yrs Thai restaurant@Tai Kok Tsui..My friend and I went to a restaurant called "Restoran SAYA" located in Shop G701, G/F, Square Mile, 18 Ka Shin Street, Tai Kok Tsui大角咀嘉善街18號利奧坊地下G701號舖..KAENG MASSAMAN NEUAMassaman Curry with Beef Rib finger瑪莎文咖哩·牛肋條HKD$158..the curry is sooooooo rich and flavourful.the beef rib is super soft,tender and juicy.generous amount of beef brisket.dish of the night.highly recommended ..KOR MOO YANGCharcoal Grilled Pork Neck炭燒豬頸肉HKD$138.the p

坐落大角咀舊區重建利奧坊內的泰國菜小店, 果然是臥虎藏龍, 高手在民間, 菜式極美味之餘, 招呼亦十分週到, 價錢又合理, 而且店舖裝飾擺設絕不馬夫！打卡一流咖哩金麵配烤雞, 味道濃鬱, 咖哩醬汁辣味適中, 雞肉鮮嫩脆口, 另外咖哩醬汁軟殼蟹更有驚喜, 超多蟹肉混入濃鬱的咖哩醬汁內, 用來沾蒜蓉包及印度飛餅, 真是吃到停不到嘴呢！炸魚露豬頸肉條和蟹肉奄列也是推薦之選！芒果糯米飯生日版更是可愛至極, 即使不是生日, 既美味！又可拍照, 大家都開心極了

📍 大角咀長期排隊熱店!原來呢間新式泰菜係米芝蓮必比登推介3年連續上榜✔️ 全落地玻璃配合墨綠色牆身，裝修帶點復古民族泰國風🎉🌀 泰北咖喱金麵採用泰國傳統金麵✨，口感同全蛋油麵好相似。咖哩湯底香料味濃，甜辣交錯，成個presentation 幾特別，金麵一半酥炸一半滑麵🍜，口感超有層次! 咖哩湯仲有一大塊燒雞塊，雞肉滲出淡淡的香茅味。 🌀 小食拼盤 一次過試晒店家招牌，沙嗲雞串 x2 / 魚露豬頸肉條/ 炸墨魚餅x 4/ 炸雞棗x 4，同一大班朋友share 啱曬! 雞串超大份，沙嗲醬鹹甜帶花生香；另外最鍾意個炸墨魚餅，墨魚餅外脆內彈牙，入面係有粒粒墨魚粒架。 豬頸肉條比較乾身，重口味但香氣十足。 🌀 蟹肉奄列 & 泰式煎蠔餅個奄列係珍寶Size! 層層蛋香＋爆量蟹肉，食完超滿足🦀。煎蛋層都好厚身，食完真係好飽肚。泰式煎蠔餅鋪滿大粒蠔仔，表面酥酥脆脆，吃起來口感豐富。🌀 芒果糯米飯生日蛋糕 真係第一次食芒果糯米飯變身生日蛋糕， 餐廳會自動準備埋生日蠟燭同生日牌! 芒果片捲成玫瑰花型🌹，酸甜新鮮芒果配搭班蘭香糯米飯，糯米飯仲要暖笠笠幾煙韌，淋埋椰漿真係輕輕鬆鬆就清碟。比起傳統蛋糕更有特色，

聽聞Restoran Saya係連續3年米芝蓮必比登推介，就同朋友提早去慶祝生日🎂生日配套充足！有即影即有、生日蠟燭、生日牌，重點係芒果糯米飯蛋糕，超靚又超正！店舖環境帶有濃厚泰北風情，湖水綠裝修同藤椅好有氣氛，熱鬧多人，啱晒同朋友聚會。🥬 辣肉碎生菜包生菜爽脆，肉碎炒香帶微辣，配花生同青蔥，酸甜口感開胃，包住食幾有層次。🍤 辣椒膏炒花甲花甲鮮甜彈牙，辣椒膏濃郁帶辛香，炒得juicy入味，配飯一流。🥚 蟹肉奄列奄列外脆內滑，蟹肉鮮甜撐場面，秘製醬汁提味，份量大得兩人都夠食，質素高！🥦 飛天炒通菜通菜清新脆嫩，炒得帶鑊氣，配蒜蓉同辣椒，簡單又美味，有泰式風味。🥭 生日芒果糯米飯芒果甜美汁多，糯米軟糯帶椰香，生日版捲成花形靚到爆，甜度啱啱好🤤🥥 椰青椰水清甜多汁，椰肉嫩滑，飲落清涼解辣，必飲！Restoran Saya 嘅泰菜味道地道，辣味適中，環境熱鬧又有特色，係大角咀搵高質泰菜之選！

今次Iby同朋友慶生再訪連續三年獲得米芝蓮必比登推介嘅 Saya ，認真無敵好味！平均每人都係$395就食到米芝蓮級數泰菜，性價比極高！🔥 必食推薦： ▪️ Suea Rong Hai ($208)：燒牛肉係燒烤屋炭烤牛扒級質數！▪️ Saya Platter ($188)：一次過試勻幾款泰式小食，壘魚餅彈牙又易咬、沙嗲雞柳新鮮又惹味、蝦片勁脆又濃味過平時食嘅，作為開場一流！ ▪️ Nam Tok Moo ($138)：豬頸肉多汁又冇肉臊味，加上種類又鮮甜爽口嘅沙律菜，絕對係必點之選！ ▪️ 芒果糯米飯蛋糕：生日必叫！儀式感同味道滿分！🥭餐廳仲送上即影即有、生日牌同唱生日歌，服務貼心到極！🍹 飲品系列： ▪️ Tom Yum Cocktail ($88)：將冬蔭功香茅元素融入cocktail，但唔會太搶味，有啲似將茶改成香茅嘅Long Island，Iby幾鍾意；▪️ Mango Passionfruit Smoothie ($58) ：生果沙冰香甜清新，味道似Iby鍾意嘅百分百果汁糖；▪️ Iced Lime Tea ($38)：凍檸茶少甜，加上少少香茅味，啱啱好！今次第二次食，質素同上次一樣咁好

平民價錢．米芝蓮級享受｜大角咀隱世寶藏 終於嚟到收藏咗好耐、位於大角咀嘅泰國餐廳！呢間餐廳最厲害之處，就係以超平民嘅價錢，享受到米芝蓮推薦級數嘅美食，絕對係高質抵食之選！🌟 主力推介：咖喱軟殼蟹 🌟必點！真係必點！一上枱已經嚇親，軟殼蟹超大隻，炸得極之香脆，入口「咔嚓」聲，入面係厚肉又juicy，完全唔會得層粉。重點係個咖喱汁，香濃惹味，帶點椰香，微辣非常開胃。跟碟嘅香草麵包點滿咖喱汁，真係好食到癲！🍱 小食拼盤 一次過可以試勻幾款人氣小食，誠意十足！- 沙嗲雞肉串：炭燒香突出，肉質嫩滑，沙嗲醬花生味香濃。- 炸墨魚餅 & 炸雞棗：真材實料，彈牙又香口。- 豬頸肉條：燒得香噴噴，有嚼勁得來唔會韌。- 蝦片：脆卜卜，係完美嘅佐酒小食。🔥 炭火燒牛肉牛肉用炭火燒過，帶有獨特嘅燶邊香氣，肉味濃郁，蘸上特製醬汁，風味一流。🍜 醉貓肉碎炒河鑊氣十足！河粉炒得乾身又夠香，加上肉碎、辣椒等材料一齊炒，味道層次豐富，真係會令人好似「醉貓」咁食到停唔到口。隱藏彩蛋：芒果糯米飯生日蛋糕！最後嘅高潮！估唔到呢度連芒果糯米飯都可以係生日蛋糕！造型打卡able之餘，味道傳統又正宗。香甜多汁嘅芒果，配上暖糯嘅椰香

今天約了一位很愛東南亞特色菜的好朋友慶生，左思右想下找到了這家連3️⃣年名列米芝蓮必比登推介的泰國菜，位於大角咀重建部份的社區，晚市時人流不多，但唯獨是Saya需要排隊候位👯‍♂️幸好早已訂位並準備了生日驚喜給好友進入餐廳就看到裝修以湖水綠色為主🟢不少傢俱都是以藤製品為主，餐檯偏高身以小階磚組成，牆上有繽紛的壁畫和泰國特色海報🈵️菜單非常簡而精🪉食物方面有沙律、咖哩、燒物、小食、粉麵飯和甜品，只集中咗泰國菜最拿手的部份，集中提高質素😍🦀泰式咖哩蟹汁軟殼蟹上檯已經引起朋友的嘩嘩聲，因為炸軟殼蟹十分大隻，而且有滿滿一梳梳的蟹肉鋪在濃郁咖哩之上🫕軟殼蟹極度酥脆可口，咖哩的椰香味很飽滿，必須點上跟配的意大利香草蒜蓉包🍞和一般坊間偏鹹的蒜蓉牛油包完全不同，香草味較為突出，與咖哩擦出美妙火花🍱小食拼盤貪心的我們點了拼盤可以試盡他們的各式小吃🍗沙爹雞串肉質夠嫩，上面醬汁花生味極香濃，口感漿口甜而不辣，令我想起小時候光顧過的青衣何鴻燊伯伯🍘炸墨魚餅有鮮味，外面脆口內裏彈牙；炸雞棗口感札實多汁，中間的炸魚露豬頸肉條一試難忘，一口一條超級爽口彈牙，潤而不膩😋🍝泰北咖哩金麵配燒雞第一次品嚐到的泰國菜就是這款金麵，原

人氣泰國餐廳平日晚上都要排隊，雖然位於大角咀，位置不是太方便，但也人氣十足。原來餐廳拿過米芝蓮必比登推介，難怪今天晚上還有韓國人人跟我們一起排隊了，真會吃了！依善辣豬肉碎生菜包（１１８元）雖然是兩個辣椒的，但吃起來沒想像中的要辣，反而泰式味道很濃郁，每口都吃到濃濃的肉香，中間還放了有炸蒜，配上生菜，清爽解膩。泰式咖哩蟹汁軟殼蟹（１８８元）挺有驚喜的，除了有主角軟殼蟹外，還加了有蟹肉，吃起來鮮味特別足！軟殼蟹炸得外脆內嫩的，配上香濃有蛋香的咖哩汁，特別惹味。本身有配蒜蓉包也很不錯，雖然烘烤過，但質感保持鬆軟，配上咖哩味道更好吃。辣椒膏炒花甲（１２８元）味道挺特別的，辣辣辣的，又帶有番茄的酸甜，整體味道豐富惹味，加上鮮嫩的花甲。小食拼盤（１８８元）挺大份的拼盤，有沙嗲雞串，豬頸肉條，炸墨魚餅和炸雞棗，基本上將小吃都上了！而且味道都很不錯。沙嗲雞串大大串，肉質很嫩，沙嗲味濃。豬頸肉條有蒜香味，配上清爽的魚露解膩。炸墨魚餅外脆內爽滑。炸雞棗雞肉味香濃。牛肉炒寬河粉（１３８元）這個有驚喜，用的不是普通牛肉，而是封門柳，口感更嫩滑，肉汁豐富，而且牛肉味濃郁，給的量也很多。而寬河粉超嫩滑的，比平常的

呢間藏身大角咀利奧坊嘅泰菜小店，連續三年（2023-2025）拎到米芝蓮必比登推介，由泰籍廚師主理，主打泰國東北部依善（Isan）嘅炭燒同酸辣風味，裝修仲特登用湖水綠牆身配藤椅、泰式彩繪，一入去好似飛咗去曼谷街頭咁！✨必食神級蟹肉奄列招牌「蟹肉奄列」（$178）真係誇張到爆——蛋皮煎到金黃脆口，一切開蟹肉多到跌出嚟，幾乎同蛋係1:1比例，啖啖鮮甜蟹肉仲要冇偷工減料！點埋秘製是拉差辣醬，鮮味吊出嚟，食過返唔到轉頭啊～🎂生日必點芒果糯米飯慶祝生日？一定要嗌「生日版芒果糯米飯」（$128）！泰國芒果砌成玫瑰花咁靚，打卡一流；芒果清甜爆汁，糯米飯微暖又煙韌，淋上帶鹹香嘅斑斕椰漿，甜而不膩。餐廳仲會細心寫上祝福字句，儀式感滿分！雖然價錢中上，但份量十足、風味正宗，晚市經常爆場，記得預早book位！想試米芝蓮級泰菜又唔想捱貴價，呢間絕對係隱藏寶藏啊～

今晚試咗米之連推介Restoran SAYA, 原來都幾多人食😲我鍾意芒果柚子沙律，調味啱啱好，甜酸balanced, 生果好清新開胃👍🏽👍🏽朋友鍾意牛肉炒闊河粉口感煙韌，另外豬魚露頸肉都好味，同個辣椒醬好夾，但食唔出魚露嘅鹹香味花型芒果糯米飯好靚，但椰汁比較少，味道正常，另外仲有蟹肉炒飯唔記得影，夠乾身唔錯，蟹肉算足料。總括嚟講味道中上，唔會過鹹好少辣，啱曬香港人口味，埋單$550，但朋友覺得偏貴未必會成日食😝 提提各位記得book位，因為都滿座

A同事今個月生日，老闆話提早同佢慶祝🍾問下大家有什麼提議，壽星妹話想食泰國菜，咁我諗起大角咀Restoran SAYA，因為我自己私心想試😂連續三年有米芝蓮推介，之前試過想Walk in 碰碰運氣，可惜無功而返，今次醒目了提早預約‼️🌟泰式芒果柚子沙律 $98清新沙律，芒果同柚子比例好高，醬汁不會太酸太辣，食落好舒服！🌟泰式咖哩蟹汁軟殼蟹 $188大家都喜歡食軟殼蟹，但都無食過咁巨型的！好厚肉好滿足！咖哩唔係辣嗰種，有好香蟹汁味同椰香，如果有埋白飯就不得了！🌟沙爹雞串（3串） $88可能係我食過最好食既沙嗲雞串，雞串係重量級，但入面肉質好嫩滑，而且好夠熱，沙嗲醬唔會太濃係絕對食到雞肉味道，仲配有香草蒜蓉包，好有驚喜！🌟醉貓肉碎炒河 $118夠鑊氣！粗河粉好有口感，配料豐富，加點點辣醬會更惹味！🌟芒果糯米飯（生日版） $128 （細）見到有生日版芒果糯米飯，店員話仲包蠟燭加生日牌，細份量都好足夠四個人，而且個糯米飯好香好軟糯，係一個好好食既特別生日蛋糕！🌟椰子沙冰/芒果百香果沙冰 $58我夠膽講係我飲過最好飲既沙冰，果味突出唔會一股糖水味，二款都好好飲！** 依個米芝蓮推介絕對無伏，已準備