Power Burger (黃竹街)

一直都好想食呢一間位於深水埗黃竹街的美式漢堡店「Power Burger 」，今日緣份到了特登嚟朝聖，店舖小小裝潢甚有工業風格，主打使用CAB認證安格斯牛肉，採用美式smash style烤扒法，坊間少有，不同款式的漢堡都能品嚐到豐富肉汁和焦香味道！店舖人氣三大漢堡，至尊焦脆漢堡、黃金鰈魚堡和焦脆雞堡，配以新鮮本地有機蔬菜和秘製醬汁，另外呢度嘅黃金炸魚條絕不能錯過，每枱必點嘅小食，款款高質美味，是深水埗區內優質漢堡店🫰🍔至尊焦脆漢堡 4 x安格斯漢堡扒、3 x芝士、小黃瓜、洋蔥、本地有機菜、自家秘製醬汁安格斯牛混和牛肩胛及牛腩，每日新鮮搓成免治漢堡扒，Smash Burger則是美國流行的漢堡，把一般4安士的漢堡扒，一分為二，把一小球的免治牛肉放在鑊面壓薄，煎至表層略焦，芝士隔在中間，多重口感肉汁滿滿😋🍔黃金鰈魚堡每日限量供應，用上超厚身的比目魚扒，炸至外層香脆肉質嫩滑，配上本地有機菜、自家秘製他他醬汁，超級好味必食推介🍔焦脆雞堡兩塊無激素雞扒肉質細滑味道清新，配上芝士、洋蔥、本地有機菜、自家秘製醬汁，啱晒唔食牛和每日需要大量蛋白質嘅朋友，健康好食✨金黄炸魚條人氣小食，炸魚條外脆肉質鮮嫩啖啖肉，沾上他他醬，實在太好食，我哋都忍唔食咗兩份✨酥脆炸薯條食漢堡包最佳拍檔就係炸薯條，香口酥脆一條一條食唔停口✨日式玄米茶 ｜可樂長期氣管敏感唔可以飲凍嘢嘅我，呢度竟然有熱嘅日式玄米茶，真係太好，而且大大杯十分足料…查看更多

之前見到有個Burger特輯介紹🍔見呢度嘅美式漢堡大大件，賣相極吸引🤩而且選材認真，採用嘅安格斯牛係有CAB認證，更係選用本地有機蔬菜🥬咁有心嘅小店，點可以唔去試😝🍔升級焦脆漢堡 ($108)同芝士漢堡嘅肉量相同，分別在於漢堡轉成2片，會煎更薄更香脆，即係更滋味😈不過因為蔬菜分量一啲都唔吝嗇，有羽衣甘藍、生菜同洋蔥🧅所以就算夾住兩大塊嘅焦香滿溢嘅漢堡都唔會覺得好油膩😲呢種邪惡與健康合於一身嘅漢堡真係叫又愛又恨🤭🍗焦脆雞堡 ($78)每日限定🤩仲要無激素雞扒👍🏻雞扒煎得香脆，咬落嫩滑又爆汁😲聽店員介紹加咗隻煎蛋 (+$10) 係我最愛嘅燶邊蛋🍳為漢堡大大添加香氣同口感🤤同樣都係滿滿嘅蔬菜🥒食落滿足得嚟又好清新😋🍟Combo+$38 任何一款小食 + 飲品🥤•金黄炸魚條 (原價$45)•辣旋風薯角 (原價$45)…查看更多

呢間橙色型格burger店以前月中環都食過，不過而家無咗了，去返深水埗本店食🍔Double Cheese Burger用上安格斯漢堡扒，有2塊芝士、小黃瓜、洋蔥，配上Homemade Sauce，整體好味、有口感，芝士同漢堡扒溶為一體，非常juicy🍔Chicken Smash用上無激素雞扒、芝士，有洋蔥、本地有機菜、自家製醬汁，同樣好食，雞肉好嫩滑多汁，麵包高質軟熟🍟薯條薯格香脆好食又唔油，咁多款醬汁，都係原始茄汁最夾～🚩Power Burger @powerburgerhk 📍深水埗黃竹街2K號地舖…查看更多

我真係超級無敵鍾意食burger，之前唔知道呢一間burger舖頭係Pet friendly，見到啲人喺度玩貓，真係好溫馨 。朋友叫咗芝士漢堡，4盎司的安格斯漢堡扒搭配香濃芝士，口感豐富，小黃瓜脆口，加上特製醬汁，味道更加升華。我就係食焦脆漢堡，兩片漢堡煎到超級脆+芝士，食落超滿足。我哋仲點咗香脆麥雞塊，金黃香脆，每一口都令人滿足。另外，金黃炸魚條外脆內嫩，真係好正呀 。我仲叫咗雀檸，好似好耐冇見過有得揀呢款嘢飲 。…查看更多

Power Burger, specializing in smash burgers, is now offering $28 for a pint of draft beer on weekdays from 2-7pm. Just perfect for a late lunch and a booze. Double Cheese BurgerMust-have for meat lovers. Two thick pieces of juicy beef patties. Earthy and slightly bitter kale to balance out the heaviness of the meat. Fluffy bun with a crispy surface. The Ultimate SmashScrumptious burger with 3 layers of melting cheese and 4 pieces of smash beef patty which were crunchy on the outside. All went in harmony with the savory sauce. Very satisfying.Also ordered gherkins as a palate cleanser. Acidic and refreshing.Spicy Potato Wedges came in huge thick pieces. Extra soft inside. Served piping hot. Another must-try.…查看更多

焦脆漢堡 $88 加配黃金炸魚條及烏龍茶 $38炸魚條新鮮炸起上枱，外脆內軟魚肉香嫩幼滑，令人樂而忘返。小黃瓜的酸及蔬菜成功去除了漢堡的油膩感，洋蔥的香及芝士的濃郁香味再加上秘製醬汁，令整個漢堡的味道昇華。吃飽後用烏龍茶去除口中的油膩，非常好的飲品。焦脆雞堡 $78 加配辣旋風薯角及茉莉綠茶 $38薯角也是新鮮炸起送到枱上，茄汁是自己任加的，外脆內軟，令人不能停下來。雞扒的雞油滲入漢堡包內，每一口都充足雞肉肉汁，同時蔬菜又去除油膩味，但沒有減雞的香味。芝士洋蔥秘製醬汁的配搭，令漢堡有多重口感。值得一讚的是茄汁，黃色芥末醬，蛋黃醬及泰式酸辣醬都放在付款處，自己加到食物中，而且有濕紙巾提供，不怕吃完之後手骯髒。這是一間Pet Friendly餐廳，這裏也飼養了一隻貓。…查看更多

焦脆雞堡(78hkd) 雞肉厚實多汁，兩片雞扒疊埋好有飽足感，唔係嗰啲薄到似紙嘅貨色，配埋佢嗰層秘製香料，酸酸辣辣又香口，醬汁滿滿！芝士漢堡(88hkd) 用咗4oz嘅安格斯漢堡扒，一咬爆汁好juicy ，牛味都重，漢堡包處理得幾好，表面多芝麻 烘到表面少少香同脆，入面軟綿綿，仲搽咗牛油🧈好有心思辣旋風薯角(45hkd) 辣度係嗰種越食越上癮嘅後勁辣，薯蓉好飽滿黃金炸魚條(45hkd) 外皮炸得金金黃黃，咬落有魚嘅纖維感，仲有啲似魚蛋口感，必食Ps.店舖係Pet Friendly餐廳，所以大家都可以帶埋自己嘅毛孩子去食～…查看更多

嘩，最近喺深水埗黃竹街搵到間超正嘅小店叫 Power Burger，真係要同大家開心 share！呢度我形容為深水埗區嘅特色小店，舖仔細細但係好有 heart，最緊要係，佢哋係一間 pet friendly 餐廳！講到呢度，一定要提吓佢哋隻貓 BB 店長——「刀仔」！真係超！級！可！愛！隻貓仔好鍾意黐住人，你一坐低佢可能就會行過嚟撩你玩，完全俾佢嘅魅力溶化咗！淨係為咗隻貓都值得嚟一次！介紹完包店長，講返啲 burger 先。呢度嘅 burger 全部都係即叫即整，保證新鮮熱辣辣！Menu 選擇多元化佢哋有幾款特色 burger，好似「焦脆雞堡」同「升級焦脆雞堡」都係用無激素雞扒，每日限量供應㗎！另外仲有「黃金鰈魚堡」，用嘅係比目魚扒，一樣係限量版。所以想食就要早啲嚟喇！套餐配搭都好自由：加 $28 有薯條同飲品加 $38 有任何一款小食同埋飲品加 $78 就有任何一款小食加啤酒（啤酒怪福音！）burger 仲可以追加配料，芝士、煎蛋、煙肉，鍾意點砌就點砌！我哋叫咗乜？今次我同老公就叫咗個「升級焦脆漢堡」，同埋一個每日限量嘅「焦脆雞堡」。小食我哋要咗「黃金炸魚條」，同埋「甜香番薯條」。食後感：高質！升級焦脆漢堡： 呢個 burger 用上安格斯漢堡扒。佢哋嘅漢堡扒係薄身設計，所以口感比較香脆，邊位仲有少少焦香。雖然薄身，但係絕對唔會乾，仲好有肉汁！芝士味道香濃，配搭秘製醬汁同埋有機菜，食落好清新，中和返油膩感。最最最緊要係個麵包，烘得好香脆，好有誠意！焦脆雞堡： 雞扒用咗無激素雞扒，肉汁好多，口感超級嫩滑！一樣有香濃芝士同秘製醬汁，加埋有機菜，好清新唔油膩。麵包都係烘過，一樣咁香脆！小食：黃金炸魚條： 呢個炸魚條真係同平時食開嗰啲好唔同！食落去外脆內里口感彈牙，唔係嗰啲粉粉哋嘅魚肉嚟㗎。真係越食越想食，好想 encore！嗰種彈牙口感，一定要你親身落嚟試過先知有幾好食！甜香番薯條： 外面炸得好脆，又唔油膩，而且甜番薯味好濃郁，超食！總結總括嚟講，Power Burger 絕對係一間有特色、食物高質素嘅小店。有可愛貓店長陪食，食物又即叫即整好有水準。如果你係 burger 控又鍾意小動物，一定要嚟深水埗試吓！地址係黃竹街 2k 號舖呀！…查看更多

美食天堂深水埗小店多，今天到訪於網上口碑極佳、位於黃竹街的美式漢堡店「Power Burger」，水泥工業裝潢風，主打使用 CAB 認證安格斯牛肉，採用坊間少見的 Smash Style 烤扒法，令食客品嚐到富肉汁及焦香的漢堡-🔹至尊焦脆漢堡 $1384 x 2oz 安格斯漢堡扒、3 x 芝士、小黃瓜、洋蔥、有機本地菜、自家秘製醬汁使用 Smash Style 烤扒法，將肉球放到烤爐上，再以鐵板大力壓扁並煎脆；灑上芝麻的漢堡包外脆內軟，安格斯漢堡扒肉香濃郁，肉汁豐富且原汁原味，配搭邪惡的鹹香芝士、爽甜羽衣甘藍、甜洋蔥、小黃瓜及自家秘製醬汁，層次豐富又滋味；+$38 配香脆麥雞塊及飲品，麥雞塊炸至外脆內軟帶雞肉的香氣-🔹黃金鰈魚堡 $128比目魚扒、本地有機菜、自家秘製他他醬汁比目魚扒炸至金黃香脆，內裡雪白肉嫩帶獨特甘甜的比目魚香，配搭鬆軟的漢堡包、蔬菜及酸甜平衡且濃郁的他他醬，別具風味也不會膩；+$38 配金黃炸魚條及飲品，炸魚條同樣外酥內嫩，有彈牙輕韌的口感，同時帶有魚肉的甜香…查看更多

「你睇下宜家d鋪頭，一系執一系請哂外勞，依個風氣真系搞吾掂，所以我地更加堅持支持香港人就業」深水埗作為全香港物價最低既地區，自然就有吾少地區小店，今次小編同友人就同大家一齊鑽窿鑽罅黎到一間位於黃竹街既美式手工漢堡店 一 PowerBruger 🌟芝士漢堡 $88安格斯漢堡扒即嗌即煎，店員一路煎已經聞到油香，食落除左肉香仲有肉汁，再配埋自家調配既醬汁、青瓜、洋蔥、生菜同埋芝士，友人食完已經話一定會再黎幫襯🤤👍🏻👍🏻🌟焦脆雞堡 $78店員主打推薦之一，雞扒啖啖肉，再配埋自家調配既醬汁、洋蔥、青瓜、生菜同埋芝士，岩哂食肉獸🌟升級焦脆漢堡$108即升級版芝士漢堡，安格斯漢堡扒同樣即嗌即煎，店員一路煎已經聞到油香，食落除左肉香仲有肉汁，而分别就系安格斯漢堡扒x3同埋芝士x3，3倍邪惡，3倍快樂🤤👍🏻👍🏻📍Power Burger地址：深水埗黃竹街2K號地舖…查看更多

咁啱見到OpenRice優惠，冇食一段時間食飯都係覺得好好食，又足料，特別係雞塊加蒜蓉沙律醬比起M字頭好食好多。比較可惜係間鋪有啲遠，唔係成日有心機行去食，下次有機會會再試其他嘢。…查看更多

我係叫外賣 ，叫九十幾蚊個包， 已經知道今時今日香港食嘢貴 ，諗住特登嗌4安士乘二嗰種穩陣， 嚟到塊肉兩塊x 0.1cm， 肉少都算喇成個包料都唔多， 好心菜蕃茄都快啲落去 簡直離曬大譜.…查看更多

朋友話想試呢間burger 今日放假就陪佢黎試下 估唔到有驚喜 而且價錢唔貴 好平民既價錢都食到 十分滿意一個餐叫左 芝士安格斯漢堡扒 加左套餐 黃金炸魚條 $ 38 連埋飲品好有肉汁😍 好juicy 果然係招牌菜朋友個個係一個鰻魚既burger 配炸薯條套餐$28 連飲品 佢話幾特別 條鰻魚都好大條 冇骨 小食2款都唔錯 岩岩炸起 熱辣辣 薯條唔熱唔好食炸魚條 好厚切 好脆口 😆薯條加左d黑椒係上面 更加野味 而且份量都幾大份！小店經營 座位唔多 我地食到抱住個肚走 好滿足既一餐…查看更多

於五點半到進入餐廳，首先店員冇打招呼，都唔梗要，去到cashier 諗住點餐，點了兩個burger 加薯條，原本想叫炸魚塊，個男職員用好晦氣的態度話賣曬，加一副臭臉，彷彿我哋對過佢做過啲咩衰嘢咁，冇炸魚就唯有點炸雞粒。到拎左食物後，個炸雞粒十分咸，又乾身，漢堡包個牛肉都係十分之乾。個服務態度真係好有問題，一句多謝都冇都算，仲要一副好好好差的態度。😵‍💫😵‍💫😵‍💫😵‍💫😤😤😤😤🫠🫠🫠🫠…查看更多

位於深水埗與太子交界就係楓樹街球場隔離不過因為係橫街 所以平時行過都唔覺眼門口係半開放式 仲有3-4人位置可以坐值得一提就係佢既自家制醬汁 仲有用上本地既有機菜🥬👍🏻焦脆雞堡 $128 我最歡呢種軟熟既麵包🥯加上牛油🧈 輕輕煎面 仲有脆口多汁既雞扒兩款不同既有機菜🥬 招牌漢堡$88用上安格斯漢堡扒 呢個價錢真係超值👍🏻生熟度控制得非常好 芝士味濃 仲食到成手都係汁🤤另外+$38 仲可以任揀一款小食再有飲品香脆麥雞塊 粉唔算多 但每舊都小小的 可以一啖食曬🤌🏻份量大 兩個人都食唔曬😆金黃炸魚條 呢個非常特別 開頭我仲以為朋友點左蕃薯條🍠食落點知係魚條😯 魚條食落唔知點有種順德魚腐既感覺好得意 喜歡既朋友可以試試佢😆整體評分:味道: 5/5環境: 5/5服務: 5/5抵食: 5/5Power Burger📍 深水埗黃竹街2K號地舖…查看更多