Pillowtalk Restaurant & Bar

营业中

休息中

1）店員安排flexible本身我訂左8:30pm檯，但臨時早到好多，店員都好好咁安排到～～ 一定會再黎試其他嘢食2）食物水準高我地叫左泰式生蝦、烤雞泡魚干、德國豬手、手工啤，同一個生朱古力凍餅做surprise. 呢個份量兩個人食到飽！仲要係出面食唔到既美味。最後個凍餅（小小的蛋糕）碟上仲畫左個蠟筆小新添！so cuteee! 多謝店內同事悉心預備。食物同服務令到我地好enjoy 個晚，一定會再黎試其他嘢食！

日常都係港島生活食飯咁岩今日會入屯門就search下有咩餐廳望喱間最岩心水 book位仲有折 就試試佢🙈泰式生蝦 牛舌 CP值極高 講真78蚊8隻真係抵到喊 仲要好食嘅 牛舌黎講48蚊咁厚身咁大舊仲要好食 真係罕見🙌🏻反而個steak就麻麻地 薄身 無切走肥膏 叫medium但似raw再生啲 難切因為太生 話轉薯條出錯左薯角都無所謂 點知補番兜薯條黎💯芝士火鍋 都係當打下卡啦🙈不過點包食係💯喺openrice訂座留左remarks想甜品寫碟 點知最好有埋自己個樣！！！！！超靚超勁 望兩眼就畫到💯職員服務💯有禮貌 有質素 唔係foodie唔係打手 純粹埋單時候 侍應話如果覺得滿意都享受嘅可以喺openrice打番個食評 咁我又真係滿意又享受 何樂而不為😗祝長做長有 生意興隆🥳

幫朋友慶祝生日咁岩搵到呢間見評價幾好就試試，搵得好急，即日book佢地都會打電話confirm 我既要求，佢地仲會盡量滿足到我要求，畫畫好有誠意，超級靚😍唔會隨便交貨就算，服務員都好有禮貌，價錢黎講環境同食物都好ok👍🏻畫碟同服務加左好多分🫶🏻令生日更加完美，服務員功不可沒，cp值都好高，唯一美中不足冷氣唔夠凍，希望🥹4人埋單千一蚊有找算不錯一次好好既飯局當時太肚餓，食物相照得唔太好睇😂

好友生日，我哋在openrice見呢間餐廳評價都高，於是四人便決定試吓呢間。首先環境、氣氛一流，值得一讚的是，水吧姐姐將我們自攜的生日蛋糕在碟上畫公仔，好有心思，朋友非常開心，我哋又食得好滿足😌，極度推薦，職員服務態度十分良好，夠貼心、食物水準非常高。

好耐之前嚟過食，豬仔骨同肉眼係我最難忘。因為出面食過幾間餐廳，貴過呢度好多！但完全係唔抵食！！可能係二百幾蚊得四支骨左右，又鞋又無肉！但呢間真係我暫時食過最好食最便宜一間。呢個價錢都不能要求過高。因為之前食過飯麵類，都感覺一般所以今次沒有order。因為之前同女朋友食過，佢好鐘意個朱古力火鍋但原來詢問後，得知餐牌定期轉換所以無咗，開頭是為咗豬仔骨同朱古力火鍋而嚟，但可能因為店員見到我地睇咗好耐都決定唔到叫咩食好又好似見到女朋友好失望就幫佢做翻一個！ 佢仲同女朋友講唔好唔開心 ，哄到女朋友好開心 <<難道是隱藏餐牌？？ 太好了，真係好值得一讚。首先是我地坐低時，店員為我拉開座椅，我說了聲唔該，佢仲回應一句：應該既。其次好留意我地一舉一動。我地未出聲已經估到我地想要啲乜。搞到我地都唔好意思添啦！真係好好味今次試咗佢地推介既星座調酒，店員有話係最近推出，都為我挑選一杯岩我口味既調酒，呢杯係Blue Rose雙魚座，飲落去真係好味既，起初見到藍色而且我對雞尾酒無乜太高期望，一直好怕藥水味。結果呢杯完全打破咗我既感覺！？最後仲encore多杯。而女朋友就試左Hoildays 好適

今日和朋友到Pillowtalk 食晚餐，這店的環境頗有情調，很適合年青人的口味，而且還有戶外座位，最適合食煙的朋友。磨菇湯配蒜蓉包，磨菇味相當濃郁，稠度適中，入口有一種creamy的感覺，蒜蓉包夠香脆，配合濃湯特別好味。避風塘軟殼蟹意粉，未食已經聞到陣陣香味，賣相吸引，三大塊軟殼蟹，真是落足料。軟殼蟹外脆內軟，加上炸香蒜，超惹味。意炒爽口彈牙，配炸蒜香口美味，值得推介。大啡菇長通粉，份量都幾多，大啡菇味道濃郁，口感不錯，長通粉夠煙韌彈牙，配上忌廉汁，十分creamy，但又不會太膩。套餐除了有餐湯蒜蓉包外，還有凍飲，價錢都可以接受。

聽朋友介紹，知道Pillowtalk Restaurant & Bar氣氛唔錯，食物美味，於是過嚟試下，想不到同朋友來了一場枕頭細語，共享了美味晚餐。FUSION避風塘軟殼蟹意大利粉 TPOOISBTER SOFT SECR W SPGIET＄ 158融合中西方特色烹煮技術，配搭獨特🥳軟殼蟹口感酥脆配搭細滑彈牙意粉🍝惹味避風塘脆蒜蓉，具香港特色風味。PILLOWTALK 五色煲仔飯 （半邊龍蝦•鮑魚•蟹膏•黑松露 芝士）$ 198五色煲仔飯的色澤豐富多彩，金黃芝士，🦐紅色龍蝦、鮑魚、鮮黃蟹膏和黑松露都非常吸睛。濃郁香氣，海洋🌊味道，黑松露香，芝士的奶香增加食慾。＋＄48升級套餐：是日餐湯配蒜蓉多士 /是日沙律 &咖啡，最後要了凍檸茶、凍咖啡、蘑菇湯、蒜蓉包😋😋😋Pillowtalk Restaurant & Bar (屯門)地址：屯門青棉徑5號金寶大廈地下6號舖

呢個餐廳淨係晚上先開門，而且座位又唔多，想去試既朋友建議預先book定位先去。餐廳既氣氛好正，好適合朋友聚會既地方，又有酒飲，得閒去chill下都唔錯。我地2個人，叫左頂級安格斯肉眼、避風塘軟殼蟹意粉同埋鹽燒牛舌。頂級安格斯肉眼煎到兩邊都好香，有少少晚燋香感，肉質唔會韞，大大塊，滿足哂我呢個食肉獸避風塘軟殼蟹意粉既軟殼蟹炸到好香，外脆內軟。意粉既軟硬度適中，配合避風塘個D粒粒真係好襯，食到唔想停鹽燒牛舌都好正！！值得一試

環境舒服 好適合三五知己傾下計 食下野～食物方面 質素唔錯 cp值都幾高豬手好脆 軟殼蟹意粉啲軟殼蟹炸得外脆內軟而意粉嘅味道好好 有彈性之餘 少少香辣嘅感覺令人好開胃青口好新鮮 份量亦唔少 個汁亦都唔太漏同朋友慶祝 餐廳仲非常好咁為我地準備畫碟服務甜品方面 朱古力凍餅都好好食 唔太甜 重朱古力味 份量啱啱好店內嘅人都好nice!! 推薦大家嚟試下～

第一次試呢間店本身特登為左試佢既芝士火鍋而黎一切都還中規中距，後來因為店員態度破壞哂好心情首先芝士火鍋，本身芝士味好淡一入口已有啲失望其次所講既鍋，就係一個大杯而唔係出而芝士火鍋用既小鍋😃一睇就知份量唔夠用小食（雞塊、薯角）相對濃味，較咸，就更加係占滿哂芝士都唔出味咁個鍋價錢唔算貴，都合理理解後來就黎食到乾就問下店員加芝士幾錢咁聽到要50蚊就唔想加因為反正都唔係好好食🥱 唔值得再花錢結果見到果位女店員聽到之後就返去同佢d同事們講返我唔加錢😅一齊細聲講大聲笑人～非常唔禮貌 呢個偏僻地段～餐廳收正常西餐價～我又無用任何discount～只係禮貌咁問下店員真心唔明點解要咁既惡劣態度對客人🥱🥱唔會再黎👋🏻👋🏻另外仲叫左個意粉，呢個係幾好味既🤔但心情被影響 嬲嬲地～拿拿聲食完閃人啦🤣店內冷氣亦唔夠，坐左陣就熱到出汗🤷🏻‍♀️

💖 Pillowtalk Restaurant & Bar (屯門)✨屯門青棉徑5號金寶大廈地下6號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️好拉低上次去完4B之後今日又再約朋友去食吓其他嘢🍗，今日揀咗呢間餐廳嘅原因係因為我發夢嘅時候同佢食過😂所以現實中都想同佢食返一次。-避風塘軟殼蟹意大利粉🍝 $158呢個意粉比我想像中好味😆雖然佢俾我哋平時食開嘅意粉較為乾身，但係佢哋嘅味道調校得好好，香香辣辣🌶️軟殼蟹揸得好香好脆，一咬落去仲有少少肉汁😚-燒原條豬肋骨配薯條•秘製烤肉醬🦴 $208我哋揀咗加$48升級有埋蒜蓉包、餐湯同埋嘢飲😋餐湯就係忌廉蘑菇湯🍄，好多蘑菇粒同埋好香嘅奶油味。飲品方面我就叫咗檸檬茶🍋。豬肋骨都真係幾大份，我哋大概每個人都食咗五條以上😨，佢嘅外皮已經塗上左一層秘製嘅烤肉醬汁，肉味香濃，醬汁惹味🤩底下再去買薯條同埋沙律菜😌整體來講份量都幾大幾抵食。

係屯門虹橋附近好多野食，朋友仔住呢頭，一齊食晚飯都有選擇困難症。行到見到呢間酒吧餐廳，食完飯仲可以Happy hour好，坐低睇下有咩好食先。跟餐今日係忌廉湯，仲有蒜蓉包和飲品。磯煮鮑魚甜蝦意粉配龍蝦汁，鮑魚好靚仔，食落夠腍身，而且好入味。意粉掛滿龍蝦汁，仲有其他配料，芝士、蕃茄仔、菇、豆苗菜、香葉，非常豐富。邪惡芝士和牛大蘑菇漢堡，漢堡包烘過，裏面少少焦好香，大啡菇爆汁，牛肉好厚，食落有口感又夠juicy，包包一口係咬唔晒架！

今日入屯門揾朋友，發現一間好chill，佈置有點像Soho區既酒吧餐廳。可以選擇坐高枱座椅或普通座椅，每張枱都有燭光，份外有格調！ 主菜可以加錢轉餐湯及飲品，我同朋友點了個避風塘軟殼蟹意粉和頂級安格斯肉眼扒配薯角，配了餐湯飲品。 餐湯先上配蒜蓉包，磨菇湯有細蓉，足料，有口感！ 飲完湯後，好快就上避風塘軟殼蟹意粉，軟殼蟹可口美味, 脆得來不會油，香口而不辣，意粉墊着，滿有避風塘風味，我食完一啖又一啖！ 頂級安格斯肉眼扒配薯角份點了medium well，份量也挺大，牛扒質素堅係高，雖然厚身，但非常軟淋，肉味香濃。切開後可以看到外烤熟內裏小紅，好juicy。感到意外嘅係呢塊厚扒熟度平均，唔會有啲生啲，有啲熟啲，我同朋友都好滿意，值得推薦比大家。 最後飲返杯冰凍嘅檸茶作結，真係大滿足！ P.S. 雖然呢間小店自成一閣，但六點幾已陸續有預約左的客人入黎，連外國人都識得黎光顧！如果喜歡飲酒傾計，約埋三五知已，是不錯的選擇。

今日放假入了屯門找朋友吃飯，朋友訂了位於青棉徑金寶大廈的 📍pillowtalk ，來到餐廳見門前的裝飾設計很精致。其顏色以黑色為主調，內裏酒吧和餐廳融合得宜，型格優雅並有🎶英文歌曲不停播放，用皮革做的低座位和高吧檯，適合不同的顧客。檯面上放了小蠟燭讓情調氣氛立顯，頗合👩‍❤️‍💋‍👨情侶談心或三五知己淺酌輕談亦適合。看看 menu除了主食、甜品外更有很多色彩鮮艷和不同酒類選擇，配合其所說夜越好玩時段真是貼切。🤗今天點了一個💢焗原隻德國咸豬手配蜜糖芥末醬，轉了套餐配是日餐湯和蒜蓉多士。今日是黑松露蘑菇湯，蘑菇打得很碎黑松露提升了蘑菇的美味，湯味煮濃郁亦很黏稠，配上了蒜蓉包是十分美味。💢咸豬手焗得剛剛好，沙律菜的淡黄色和🐖豬手的啡色配合相當吸睛。豬手皮焗後帶脆又糯嫩，皮下的脂肪不肥膩，更因這油脂令瘦肉變得很嫩滑，蘸上了蜜糖芥末醬吃更加提升了滋味。🥔新鮮炸起的薯角外皮脆口内裡軟，又帶點辣味點上茄汁吃不停口。👍💢 磯煮鮑魚甜蝦意粉- 🦞龍蝦汁，意粉的鮑魚雖不大但新鮮軟腍咬落不韌。甜蝦蝦肉結實新鮮又彈牙，意粉煮得軟硬適中，因用龍蝦汁來煮來，配以甜蝦的鮮甜味使得整個意粉鮮味道提升不少，而且蝦隻和意

行過附近想搵間坐得舒服既餐廳食野，就見到Pillowtalk, 個名幾特別呀，望一望餐廳裝修都唔錯！叫主食可以+$48轉成套餐，套餐會包括左田園沙律或餐湯跟蒜蓉包同飲品！今日餐湯係羅宋湯，超足料，而且蕃茄味好濃，湯料都煲到好入味個蒜蓉包烘到好脆，牛油及蒜蓉味都好香！我地叫左Fish & Chips 同埋卡邦尼烏冬配巴拿馬火腿及水波蛋！個Fish & Chips估唔到咁大塊，而且個魚肉超滑又唔腥，薯條係粗薯條，整道菜即叫即炸，新鮮熱辣辣個卡邦尼烏冬估唔到都幾出色，烏冬都好掛醬！ 果然冇揀錯地方呀