Pillowtalk Restaurant & Bar

营业中

休息中

今次呢間屯門隱世小店雖然地方唔大但係環境好chill🌿有好多精緻嘅畫作同好靚嘅吊燈🫶🏻每枱都有個小爉燭好有feel 當日都見到好多家庭同情侶去食💖咸蛋黃薯條💗薯條炸到金黃酥脆✨每條都裹滿咸蛋黃醬 帶有金沙質地夠鹹香惹味🤤紐西蘭穀飼西冷 12安士🥩西冷牛扒好大件！叫咗5成熟肉質鮮嫩唯獨有啲位筋比較多 要俾啲力咬同樣都係配有薯條 另外仲有沙律🥗都好新鮮龍蝦汁虎蝦忌廉意粉🦐意粉醬汁幾濃郁 擺盤好靚✨

琴晚同男朋友想係屯門搵間有格調嘅西餐廳慶祝相識週年 經過紅橋見到呢間餐廳望落menu唔錯 加上都幾多人食 就諗住入去trytry!香燒法式羊架 $248肉質幾嫩口 羊味好岀 唔會完全食落唔知食緊咩肉咁 調味都相當平衡 配搭醬料一齊食好好味👍🏻薯條雖然係配菜但都好脆熱辣辣 唔會攤涷哂！！—————————————————雞泡魚干 $68送酒小食🤞🏻正常發揮 質地好好咬唔會太淋身 岀嚟嘅時候都係仲有溫度 一路飲酒一路食住傾計好享受😎——————————————————Tiramisweet $98呢間餐廳最岀色應該就係佢哋嘅signature cocktail 因為真係無諗過會咁好飲！！🥹🥹好濃郁tiramisu味之餘都會飲到酒味 上面仲加左cream 成件事口感好豐富！！中意食tiramisu嘅朋友一定要叫

今日入屯門搵朋友，試左朋友推介既呢間西餐廳，餐廳裝修時尚，頗有格調，燈光昏暗，環境清幽，營造慢活放鬆氛圍。好啱同朋友黎放鬆下，而且菜式味道都不錯。龍蝦汁虎蝦忌廉意粉 （$188）可+$48 upgrade set 配是日餐湯及蒜蓉麵包濃郁的龍蝦汁裹滿每根麵條，鮮味層次豐富，帶微微白蘭地酒香。虎蝦煎得恰到好處，肉質彈牙，蝦膏的甘甜與醬汁完美融合。餐湯正常發揮，蒜蓉包外脆內軟，蒜香濃郁但不會嗆口，沾蘑菇湯一流！ 香煎三文魚扒（$228）配薯菜及沙律外皮煎得金黃酥脆，內裡保持半熟嫩滑，魚油香氣十足。調味簡單卻突出食材原味，僅用海鹽和檸檬胡椒已足夠配菜：薯角炸得外脆內綿，撒上迷迭香加分；沙律菜新鮮。Tiramisu芝士層綿密濕潤，淡淡奶香，口感輕盈如慕斯，隱約透出酒香，餅乾層吸飽咖啡液卻不過分塌軟，濃郁咖啡香。PEACH SODA （+$12）蜜桃香氣清新自然，甜度適中且帶微碳酸刺激，非常解膩！

經過睇到menu決定一試 嗌左個羊架5成熟 覺得幾嫩同好有質感味道好食 另外嗌左肉眼5成 同避風塘魷魚鬚 仲有雞泡魚干送酒一流果然有驚喜 肉眼傾耐左計凍左都唔會唔好食 另外嗌咗兩杯Cocktail 估唔到喺隱世小店都可以飲到好味嘅Cocktail 以為要出到去出邊先飲到 呢個真係好意外😳 服務周到 侍應有幫忙斟水同埋換乾淨嘅碟 態度好Nice 當日去都比較多人，但係舖頭得兩個侍應 但係都臨場不亂 侍應透露訂座就送甜品 提前Booking嘅話可以晝碟 下次一定會再去😙

港島人山長水遠去邊度😾？\探險/今次發掘到一間適合慶祝特別日子嘅西餐廳～就係位於屯門的Pillow Talk 🤍原來屯門都有餐廳會提供畫碟服務😮✨［集郵+1]避風塘海鮮軟殼蟹意大利粉🍝$198軟殼蟹炸得好酥脆😋✨勁好食✨意粉味道方面比想像中辣🫣但係好刺激好正😋 意式辣肉腸薄餅🍕$128Pizza係薄批～好脆好香口✨即叫即整🫣熱辣辣😻另外～主食～+$48 可以升級做set✨可以選擇柚子醬沙律🥗或者～餐湯&蒜蓉包✨仲有包一杯餐茶～飲品方面✨叫左凍檸茶😹同埋+$48 叫左「怎麼可以吃桃桃？！」✨原來係～士多啤梨🍓蜜桃🍑沙冰✨粉紅色🩷&橙色🧡漸變色✨🫣味道酸酸甜甜～好開胃😻✨預訂book枱！！仲會送蛋糕&免費畫碟😻✨今次無指定公仔～本身唔知有尼個優惠>_<店員即場介紹先知道～😍😍😍✨好驚喜嘅情況下✨獲得可愛嘅熊仔🐻估唔到送既芝士蛋糕🍰都咁大件🥺✨淡淡嘅芝士味～岩哂唔鍾意太濃味嘅我🫣質感方面軟硬適中～好似食緊雪糕咁😍

當晚去到餐廳全場爆滿，氣氛不錯；裝潢帶滿滿神秘感，當晚嗌咗三個菜，全部水準非常之高，估唔到喺屯門都可以食到中環西餐廳質素☺️🥩美國安格斯肉眼配薯條 $298揀了medium粉嫩肉質多汁, 烤得非常香口又易入口！黑椒汁配上西冷簡直係牛扒店質素而薯條熱辣辣炸得金黃又香脆😍🍕菠蘿海鮮薄餅 $128薄餅料多實在，Pizza充滿千島醬，外皮烤得非常之脆更有炭香味，外脆內軟做得非常之好，上面海鮮有蜆、蝦、魷魚等等🤩🦑避風塘魷魚鬚 $88（必點）估唔到西餐廳可以食到避風塘，避風塘炒得非常之香口，魷魚酥非常新鮮食得出唔係急凍貨，炸皮好薄配上避風塘粒粒，真係食唔停口🥳🥳而且性價比非常之高，以呢個價錢嚟講都算幾大碟，而且送酒一流！🍹 Tiramisu cocktail朋友嗌咗呢杯Tiramisu Cocktail，冇諗過走都可以飲到咖啡味，而且感覺非常融合，配上手指餅點上Cocktail食，真係好似食緊Tiramisu咁！酒精濃度唔算非常之高，作為小酌嚟講非常之適合👍🏻👍🏻👍🏻🍹苿你不行呢個係靚仔Bartender親自推薦，飲落去茉莉茶嘅味非常之出，為呢杯酒帶嚟咗好清新嘅感覺，好易入口飲得出base係gin

咁嘅價錢好食過佢嘅大把餐廳，蜆肉炒意粉，蜆肉鹹到一個點，黑松露pizza，759啲冷凍pizza都好食過佢，餅底係最cheap嗰隻，完全冇黑松露味，田螺薯蓉多士，粒田螺叫做正常啲，所謂多士同Pizza餅底又係一樣，最離譜係俾啲水喉水人哋飲，可能想逼你叫嘢飲，我哋叫佢斟杯熱水，已經係兩個人飲一杯嗰隻，竟然只有水吧嗰個人可以負責斟水，臨走想再飲多啖水先走，但係等呢杯水，等咗15分鐘，就係因為個水吧行開咗，之後佢返返入去，都係做咗嘢飲單先，一直無視個水杯，期間兩個侍應都不停催我哋埋單，我已經講明，我想飲啖水之後我就會埋單，佢話因為水吧得一個人比較忙，我當堂黑人問號！乜料啊？咁大間餐廳得一個人去負責斟水！以後都唔會再幫襯。

$98 的忌廉煮青口是只有十幾隻劣質急凍貨，未煮熱就上枱俾客食。 炸軟殼蟹意粉得一隻小小的軟彀蟹，的意粉硬到黐實的牙兼咸到不得了。豬鞍扒$248只得小小的一塊，個汁係怪怪地味。$78一杯的紅酒質素差兼只有正常的一半份量！食完得個谷氣

26/10/2024📍Pillowtalk restaurant & bar收工入嚟屯門食野 揀咗間食西餐嘅餐廳 呢度都有cocktail 但我哋要揸車就冇飲酒啦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨燒原條豬肋骨配薯條·秘製烤肉醬（$208）豬肋骨成條上 好大份 已經燒到好腍 一吉就爛不過啲肉都幾鞋口 就算係近骨位都冇咩肥膏但配烤肉醬好夾 甜甜哋粗薯條夠脆 點埋啲醬都好好食😋✨五色煲仔飯（$198）入面有1隻鮑魚、2隻帶子、3隻蝦、黑松醬、蟹膏啲海鮮都幾新鮮彈牙 帶子又唔老呢個唔係港式煲仔飯 似係rissoto多啲 個飯本身就落咗勁多芝士 係拉絲果種 所以已經好濃味 再加埋蟹膏同黑松露醬就更加濃 好好食😋✨Mocktail Menu 寫係桃味smoothie 但出到嚟係沙冰 真係R晒頭😅仲要唔夠味大失所望⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$552（收加一）本身想嗌個tiramisu (+$38) 點知佢地話tiramisu 係訂座先有得送 無得再跟餐叫個menu非常唔updated 好多+$38嘅option 埋單先知係 +$48店員又唔一早解釋下 啲service都麻麻

網上見到呢間餐廳做緊生日優惠，平日只做午市同晚市，星期五六日晚上就更加熱鬧，所以我哋一早已經book定位慶祝生日🎉當晚去到餐廳全場爆滿，氣氛不錯；不過我哋比較喜歡寧靜環境下享受美食，於是選擇在戶外用餐，感覺有點像置身在離島，遠離煩囂一樣，心情非常放鬆及舒適！食物方面：我哋點咗三個主菜份量啱啱好🤭🍖 燒原條豬肋骨配薯條•秘製烤肉醬 $208豬肋骨燒得又香又脆口，份量十足，肉質鮮嫩多汁，放入口啖啖肉，配上秘製烤肉醬味道更非常出色亦是加分之處～帶來一點甜酸味道，十分開胃，小朋友都好鍾意食！🥩紐西蘭穀飼西冷配薯條 $208 選擇了medium well粉嫩肉質多汁, 烤得非常香口又易入口！而薯條熱辣辣炸得金黃又香脆，小朋友食到停唔到口🤭🍄‍🟫黑松露大啡菇長通粉 $138黑松露又濃又香，份量都唔少；精髓在於隻大啡菇最後兜埋d汁一齊食實在太棒了👏✨另外各加$48 可以upgrade為套餐包括有蒜蓉多士及餐湯，送咖啡或茶甜品🍰方面：由於生日訂座即送甜品一件及免費畫碟服務，我哋揀左芝士蛋糕，味道不會太甜太濃，淡淡嘅芝士，蛋糕質感軟硬適中，甜品控嘅我哋都表示很滿意👍環境：🌟🌟🌟🌟🌟衞生：🌟🌟🌟🌟味道：🌟

紅橋出名多野食，而今日朋友想食西餐，所以就揀左Pillowtalk Restaurant & Bar。當日我地無提前訂座，但幸運地成功WALK-IN。餐廳內約有10張餐枱及2張室外枱，如果不介意室外環境，室外都係一個讓人放鬆，CHILL下的選擇。餐廳環境非常有氣氛，燈光昏暗，裝潢帶點舊派，營造左一種慢活、放鬆、舒服氣氛。當日鄰近中秋節，餐廳員工較少，因此要稍微等候，但上菜速度亦正常黑松露湯與蒜蓉多士黑松露香氣濃郁，所以飲落去都較重味及濃厚，蒜蓉多士沒有特別地方，中規中矩美國安格斯肉眼扒配薯角點了五成熟的肉眼，但食落實際感覺似七成，切肉眼時要較用力。食後感肉質較韌及較少肉汁，但牛扒份量的確相當大份，而配菜的薯角無咩色水同比較凍，但份量黎講都大份Pillowtalk 5色煲仔飯煲仔飯的海鮮相當豐富，但當中的蝦、帶子、鮑魚則中規中矩，正常調味及味道，而蝦係有處理剝殻，值得一讚。令人最滿意係當中的蟹膏，濃郁帶有蟹鮮味，夾合埋飯入面的黑松露，令到味道非常濃厚，對於重口味的人係一大亮點

最近第二次黎食 lunch, 上次食唐揚炸雞飯好大份好滿足，今次再試其他款呢度Lunch Set 真係好抵食 (゜゜) 包 餐湯同凍/熱飲 👍 免加一🍔$88 芝士大啡菇和牛漢堡 好味，夠牛味，雖然個包同餡既比例望落有D奇怪😹 不過個包有煎過，食落整體滿意🇧🇪$98 德國鹹豬手 外脆內皮煙韌，肉稍稍鹹左D，配飯都OK（可以揀薯條）。話說之前去德國，個邊既朋友話係德國好似係食唔到咁好味既 “德國鹹豬手” 😹呢D高質小店真係要多多支持😋

肉醬意粉 $68意粉好大碟 份量超夠😋肉醬又多 勁yummy唐揚炸雞·珍珠米 $68炸雞配沙律 炸雞外脆內軟 炸得岩岩好沙律菜新鮮 珍珠米大大粒又好食美國安格斯肉眼扒 配薯條 $178肉眼扒肉質嫩滑軟身 好咬口👅配有大啡菇椰菜花蘿蔔 薯條粗身又脆口加配甜品(芝士蛋糕) $38甜品碟畫得好仔細 簡直係藝術品😍超靚超似😝慶祝生日定紀念日必備記得提早一至兩日同店家預約定🫶🏻蘑菇湯蘑菇湯非常濃郁 薇薇咬到碎菇 非常足料👍🏻

屋企人生日諗住好好慶祝，點知啲食物令人失望到爆，叫咗一份牛扒五成熟，但嚟到已經係九成。叫個waiter 過嚟，佢睇咗一眼就走開左，一句說話都冇講⋯⋯！ 之後再問佢點，佢先話廚房跟進中⋯⋯ 另外叫杯 mojito 話要少甜，個waiter 同我講話呢杯野冇糖，唔甜。咁我腦海已經好多個問號⋯⋯ 咁ok 啦，佢話唔甜。點知嚟到佢俾杯 gin tonic 我 @@ 。我心諗搞乜吖⋯⋯ 前幾年去過覺得幾好先諗住帶屋企人去果度食，點知搞到大家都冇曬引

Lunch Set 包餐湯、餐飲（特飲+$12）。餐湯係蘑菇湯，好味，真心好味。蘑菇香味足，兼且蘑菇打蓉有口感，加上忌廉夠滑，我非常滿意。燒羊架黑松露意大利飯（$118）羊架要咗五成熟，煮得啱啱好，少少羊騷味、少少肥膏、肉質夠軟嫩，唔錯。意大利飯味足，但再濃味一點會更好，米飯比較腍（我鐘意飯粒中間有啲硬）。原隻德國咸豬手 配 薯條（$98）推薦。咸豬手拿捏得恰到好處，外皮脆就基本啦，但啲肉一啲都唔乾身，就算邊位都唔會好似瘦肉咁硬掘掘，真心好食。8’ 豬肉腸脆薄餅（$88）脆薄餅係我至愛之一，新鮮焗起，又薄又脆。配埋茄醬、芝士、豬肉腸、沙律菜，沒有不好吃的可能。唯一吐槽係得8吋細咗啲，改成11吋會更好。芝士大啡菇和牛漢堡 配 薯條（$88）呢款相比上面幾樣食物就遜色少少，味道正正常常，無咩亮點，比較普通。PS：午市沒有加一服務費。