Mue Mue

营业中

休息中

今次同老公一齊去到尖沙咀嗰間泰國菜餐廳,裝潢真係靚到爆!連影相都好好影。首先我哋試咗一道青瓜沙律,配咗蛋黃,加埋青木瓜更加好食到不得了!之後就食咗一份冬陰功,湯頭又酸又辣,非常開胃,裡面有好多大蝦同其他海鮮,對我嚟講都算夠辣啦!😆另外仲有菠蘿炒飯,份量超級多,兩個人食唔晒。裡面有乾葡萄、蝦仁同腰果,超級豐富!仲有一道咖喱蝦球,蝦肉好新鮮彈牙,加埋香濃的咖喱汁同菠蘿炒飯真係絕配!雞肉串燒都好好味,沙嗲醬好甜好惹味。最後當然唔可以錯過佢哋既芒果糯米飯啦,跟平時唔同,上面加咗粟米片,而且芒果雪糕都唔會太甜,感覺好清新。飲品方面,我哋試咗個椰子雪糕紅豆冰好特別,仲有一杯清新的berries冰沙。呢間泰國菜餐廳好值得嚟食慶祝飯！價錢合理,菜式有心意

今天在美麗華商場美食層的Mue Mue，品嘗了氣氛好又高服務的晚餐。鹹蛋黃沙律鹹蛋黃的濃郁香氣搭配新鮮蔬菜，口感清脆，讓人感受到鹹香與清新的完美交融。味道不會覺得太鹹。炭燒沙嗲牛牛肉被炭火烤至外焦內嫩，沙嗲醬的香辣滋味深入肉質，令人食指大動。獨特的香料調配更是為牛肉增添香氣。摩登海鮮冬陰功鮮香的湯頭中隱約透出檸檬草和香茅的清新，及有大蝦的鮮甜，微酸的滋味與辣味交錯，令人陶醉其中。咖喱原隻虎蝦球金黃的咖喱非常吸引，虎蝦球外層酥脆，內裡的蝦肉鮮甜多汁，咖喱的濃郁香氣則為其增添了層次感。原個菠蘿炒飯炒飯的米粒鬆散，菠蘿的甜酸滋味與蛋香交織，加上香脆𣁽腰果和煙韌的葡萄乾粒，口感非常豐富 。芒果糯米飯芒果很是香甜，冷凍的芒果雪糕搭配柔軟且的糯米飯，口感滑順，甜而不膩。龍眼茶龍眼的甜味十足但又不會過膩，非常好飲。泰式奶茶奶茶味道濃郁卻不會過甜。

食物環境都不多説了，可參考其他食家之評語。但必須要講出其中一位男侍應生嘅超難堪嘅服務水評。身型瘦削，偏高，帶住個半框眼鏡的。當請求添水，佢已經用鞋口鞋面無聲應對。然後又斟水斟到瀉晒，明明見佢面相表情係表現出知道一枱都濕晒，但竟然無動於衷，掂行掂過。Last order時間，又係佢過嚟循例問下有冇要加單，我答咗要加芒果糯米飯。然後等咗20幾分鐘，未見有出餐，唯有再搵返佢問下個甜品嘅下落。佢反問：係咪要而家先加？當我哋話我哋一早加單時落咗喎。佢反咬翻話佢問過我哋我哋話唔要？！？！佢：你係咪要加呀？？呢種做事態度，真係全港市民都「受惠」呀！

今日喺尖沙咀行街，無意中發現美麗華商場3樓，有一間好靚嘅泰國菜餐廳　，門口仲有好靚嘅聖誕樹裝飾，入去試吓。首先叫咗一份「鹹蛋黃沙律」，鹹鹹酸酸好開胃。接着，叫咗一份「炭燒沙嗲雞肉串」，雞肉非常嫩滑。仲有「摩登海鮮冬陰功」，冬陰功湯入面好多海鮮，非常足料，又唔會太辣。接着叫咗一味小菜「咖喱原隻虎蝦球」，蝦球已經去壳，唔使搣蝦殼，食得好方便，蝦肉非常爽口，再配合香濃嘅咖喱醬汁，仲有椰汁香味，非常可口。「原個菠蘿炒飯」，好大碟、好足料，兩個人食，飽到攬住個肚。最後唔少得甜品「芒果糯米飯」，佢唔同一般出面嘅芒果糯米飯，佢將糯米飯整成飯團咁樣，預先混入椰漿，甜甜地，細細粒，淨係個飯都已經好好味，再加上香甜嘅芒果，同埋芒果雪糕，真係好特別。食泰國嘢，通常都會飲沙，我哋揀咗「什莓沙冰」同埋「芒果椰汁沙冰」，冰凍而解渴，好好味。

今日喺尖沙咀行街，無意中發現美麗華商場3樓，有一間好靚嘅餐廳，美麗華商場好特別，原來3樓中間隔住一個停車場，所以平時行街，我都唔發現呢間餐廳，餐廳裝修好華麗，主打泰國菜，門口仲有好靚嘅聖誕樹裝飾，入去試吓。首先叫咗一份「鹹蛋黃沙律」，入邊主要係蘿蔔絲配合鹹蛋黃，蘿蔔絲非常爽口，再加上泰式酸汁，鹹鹹酸酸好特別，好開胃。接着，叫咗一份「炭燒沙嗲雞肉串」，串燒即叫即製，新鮮熱辣，雞肉非常香滑，仲有淡淡嘅炭燒味道，配合泰式特製沙嗲醬，非常惹味。入到餐廳都要試吓地道泰菜，見到呢個名堂好特別，叫做「摩登海鮮冬陰功」，原來佢係一鍋冬陰功湯，入面有好多海鮮，例如大蝦、魷魚、蜆等等。冬陰功湯微辣，辣嘅我都食到，湯底好濃郁，好惹味，食完啲海鮮，最後連湯底都飲清光。「芒果椰汁沙冰」同埋「什莓沙冰」，果汁味非常新鮮，冰凍而解渴，好好味。

因為方便的緣故，就隨意在附近找了一間泰菜，環境舒適，但是食物令人失望！最期待嘅生蝦，就是雪藏那種幾十蚊的貨，醬汁也不好吃，一點也不辣，加了$78叫了一個芒果糯米飯，芒果少得可憐，沒有椰汁味，是我吃過最小份量的芒果和最難吃的芒果糯米飯🥭🍚其他還有一個海鮮金邊粉，沒有味道，很濕，但我看顏色已經不吸引，一點也不好吃！最好吃的是咖喱蟹肉配薄餅，蟹肉少了一點，但是味道很好👍🏻燒牛肉沙律還以為會有一份牛扒切片，配上一個沙律，原來混雜在一起🥩🥗最後就是那杯咖啡，加了$28 ，早知不加！

今天在一家裝修華麗, 擁有室外和室內座位選擇的高級泰式餐廳Mue Mue 晚膳. 品嚐了炭燒沙嗲雞，特製的沙嗲醬香氣撲鼻，雞肉外焦內嫩，十分美味。🍢🔥摩登海鮮冬陰功，足料十足，湯頭濃郁，充滿了海鮮的鮮美滋味。🌶🍤咖喱原隻虎蝦球，每隻蝦都非常大隻，肉質鮮甜，搭配濃郁的咖喱醬汁，味道絕佳。🦐🍛原個菠蘿炒飯以新鮮菠蘿製作，米飯吸收了菠蘿的甜香，配上鮮蝦, 青口, 魷魚, 腰果, 肉鬆等材料, 正。飲品配上了自家制的玫瑰味荔枝,梳打水, 口感清新。整體用餐體驗非常愉快，無論是食物的品質,環境的舒適度和服務員的態度，都讓我們感到非常滿意。

位於尖沙咀美麗華的新派Mue Mue泰國菜餐廳裝潢華麗，室外空間更為寬敞，非常適合三五知己聚會。這裡的菜品不僅選用時令食材，更巧妙地融合了多款中泰特色香料，讓人耳目一新。先來開胃鹹蛋黃沙律，以壓碎了的鹹蛋配了洋蔥、青木瓜絲加上沙律醋汁，清新可口打開味蕾。摩登海鮮冬陰功，湯採用香茅、檸檬葉等等十多種香料及調味料製作，湯底帶有微酸辣，加入了大蝦、大蜆、蘑菇、魷魚和青口等海鮮，讓湯頭更加豐富鮮美。菠蘿炒飯，使用新鮮菠蘿、蝦仁、魷魚、菜梗、青口粒、腰果、豬肉鬆和提子乾，再灑上椰絲，炒飯炒得乾身粒粒分明，配料豐富，口感非常有層次。芒果糯米飯則與別不同，芒果切粒，加上軟熟的糯米飯、配芒果雪糕和脆麥片，淋上椰奶，口感豐富。芒果椰子沙冰，使用新鮮芒果和椰子製作，口感像奶昔一樣香滑，沙冰又透心涼，充滿濃郁的水果味道。這餐吃得很滿足，每一道菜都很美味，環境更讓人感到舒適。

尖沙咀美麗華泰國菜餐廳Mue Mue，佈置得好靚，環境好舒服，好多打卡位，設有室內和室外座位，仲有包廂獨立房，無論一家大細、情侶、閨蜜、朋友，都可以嚟gathering。熱情冬泰週日早午餐，包括頭盤、前菜、湯、小食放題、主菜、甜品。前菜有三款，分別係酸辣無骨鳳爪、魚子醬紅磚豆腐、泰式青醬鮑魚，十分開胃。湯有兩款，摩登海鮮冬陰功和蟹肉海鮮羹，好有泰式風味。小食放題非常豐富，包括泰式青醬生蝦、炭燒豬頸肉沙律、即烤沙嗲串(牛/雞)、泰式手打蝦餅、香茅雞翼、馬拉盞炒椰菜、金不換肉碎生菜包，擺滿成張枱。主菜我哋揀左炭燒手切牛頸脊、泰式咖喱虎蝦球配薄餅，份量啱啱好。甜品就揀左黑糖椰子雪糕，為這餐盛宴劃上完美句號。我哋對餐廳既食物和服務都好滿意，值得推薦。

尖沙咀Mue Mue泰國菜，推出左全新熱情冬泰週日早午餐。前菜魚子醬紅磚豆腐：豆腐好嫩滑，放左魚子醬在上面，好驚喜。泰式青醬鮑魚：鮑魚片Q彈有咬口。湯摩登海鮮冬陰功：冬陰功湯底帶微辣，配料有蝦、大蜆、蘑菇、香茅等，十分惹味。蟹肉海鮮羹：海鮮羹除左蟹肉，仲有蝦肉及八爪魚，味道鮮甜。小食放題泰式青醬生蝦：蝦肉新鮮，配搭泰式青醬，好開胃。炭燒豬頸肉沙律：肉質爽彈，配上柚子木瓜沙律，中和左個油膩感。即烤沙嗲串(牛/雞) ：烤得恰到好處，好惹味。泰式手打蝦餅：質感彈牙。香茅雞翼：雞翼肉質外脆內嫩。馬拉盞炒椰菜：咸香口感，泰式滋味。金不換肉碎生菜包：層次感豐富。主菜炭燒手切牛頸脊：牛頸脊肉質細緻，配上泰式沙律，酸辣醒胃。泰式咖喱虎蝦球配薄餅：虎蝦球大大隻又新鮮，薄餅點泰式咖喱汁無得輸。甜品黑糖椰子雪糕：椰子片脆卜卜，仲有龍眼肉、桃膠、愛玉，甜而不膩。總結，餐廳環境優美，食物多樣化，最啱約埋閨蜜嚟打卡chill下。

同朋友睇完聖誕佈置， 去咗Muemue 食泰國菜， 餐廳華麗，泰國菜風味獨特！鹹蛋黃沙律這道鹹蛋黃沙律色香味俱全，鹹蛋黃的濃郁口感同新鮮的蔬菜相互融合，令人垂涎！炭燒沙嗲 (三串)炭燒沙嗲雞肉串烤得恰到好處，外焦內嫩，搭配醬汁更是絕配！摩登海鮮冬陰功湯味道濃郁，海鮮新鮮感充分展現，香茅與辣椒的搭配讓整道菜充滿層次感，酸辣的口味令人食指大動。咖喱原隻虎蝦球咖喱虎蝦球的味道非常獨特，咖哩香口惹味，虎蝦球大隻又鮮嫩，配炒飯一流！ 原個菠蘿炒飯菠蘿炒飯色彩繽紛，菠蘿的甜味與炒飯的鹹香配合得很好，每一口都能感受到水果的清新，配料有海鮮，相當豐富！芒果糯米飯芒果糯米飯的甜度剛好，糯米的Q彈口感與香甜的芒果相互交融，搭配椰漿同芒果雪糕，讓人回味無窮！Red Bean Ice Fleecy 雪糕紅豆珍多冰自家製的雪糕紅豆珍多冰，搭配新鮮椰子肉與椰子雪糕，口感層次豐富，甜而不膩！

今日走咗嚟尖沙咀食嘢，諗咗一陣就走咗過嚟呢度食泰菜，呢度環境幾好，又方便，喺美麗華入邊，所以位置都好好！今日同老婆過嚟食咗一個好好食嘅泰菜，呢度有啲fusion嘅感覺，唔同平時一般嘅泰菜菜式，都比較新穎同埋特別！例如我哋揀咗個鹹蛋黃沙律，一般泰菜嘅舖頭都係青木瓜沙律，味道都幾特別，鹹蛋黃好香口，食到好開胃！之後我哋仲叫咗冬陰功湯，呢度冬陰功湯，係用咗原隻大蝦煲，好有鮮味同埋好足料！我同老公都食到舐舐脷！之後我哋仲叫咗兩杯嘢飲，喺Mocktail，係冇酒精嘅飲品，幾啱我哋滴酒不沾嘅人！跟住我哋就叫左個菠蘿炒飯，都係原隻菠蘿上碟，賣相好好！值得一讚！之後我哋仲食咗芒果糯米飯，有脆卜卜嘅粟米片混合埋呢個芒果味嘅雪糕！好特別，我哋未試過呢個食法！呢間嘢整體都唔錯，環境100分，下次可以再過嚟試其他嘢！

最近被呢間新派泰國菜餐廳驚艷到🥰優雅有格調的外觀，寬敞空間感，加上超大露台戶外座位酒吧，每一角落都令人醉心😍平日到7點，客人絡繹不絕，還有一家大小來聚餐😌，亦有放工來happy hour 🥂🥃！ 菜式亦將傳統泰菜換上新裝，先來鹹蛋黃青木瓜沙律及炭燒沙嗲雞串， 前者酸辣帶鹹香；後者香口唔太乾，開胃菜好選擇！再想必點泰皇海鮮冬蔭功，兩隻大頭蝦好搶眼😍，湯底非常濃郁帶辣，調味適中，而且鮮味十足主菜及主食分別是咖喱原隻虎蝦球，及原個菠蘿炒飯，泰式咖哩香而幼滑，醬汁滿滿，蝦球大粒爽彈，整碟有成7-8 粒好足料！ 炒飯有好多配料，炒得香噴噴嘅，酸酸甜甜，好有口感！甜品是雪糕芒果糯米飯，暖烘烘又軟糯的糯米，配上香甜的芒果及雪糕，令人無法抗拒🤤

鹹蛋黃沙律呢款沙律以清脆嘅青木瓜為基底，加入鹹蛋黃增加香濃口感，再配上酸辣嘅泰式醬汁，味道鮮明😋炭燒沙嗲（牛肉串）牛肉串經炭火燒烤，帶有獨特嘅炭香味，沙嗲醬嘅香辣味道滲透入牛肉中，每一口都充滿濃郁嘅風味😎摩登海鮮冬陰功🐟🐙🦐🦞🦑呢款冬陰功湯融入現代風味，新鮮海鮮嘅鮮甜同湯底嘅酸辣完美結合，口感豐富，佢嘅海鮮份量好多!差唔多每一匙都有海鮮~咖喱原隻虎蝦球呢款咖喱虎蝦球，咖喱醬香濃，配合原隻虎蝦嘅彈牙口感，每一口都充滿咖喱嘅香氣同海鮮嘅鮮味😍😍原個菠蘿炒飯炒飯入面嘅海鮮好豐富!!每一啖都有滿滿嘅材料~有菠蘿腰果海鮮~🍍芒果糯米飯呢款甜品除左有鮮甜嘅芒果外，佢仲有軟糯嘅糯米飯，仲有脆脆栗米片，再淋上椰漿，口感層次好豐富!!雜莓沙冰呢款沙冰結合咗多種莓果，同時帶有淡淡嘅酸味，口感冰涼椰青呢款椰青水清爽甘甜，富含電解質，能夠快速補充水分，椰肉軟嫩，口感細膩😆😆

朋友發現呢間位於美麗華嘅泰國餐廳做緊有小食放題嘅weekend brunch，於是我地即刻就要嚟一試，餐廳樓底高裝修又靚，走高級餐廳路線，竟然有做任食實在太令人興奮！首先食泰菜當然要叫杯棷青，餐廳細心地刻左自己餐廳名上去，棷青汁亦十分清甜可口。蟹肉海鮮羹湯我揀左蟹肉海鮮羹，入面嘅海鮮夠晒足料，粒粒蝦肉、八瓜魚亦都彈牙新鮮魚子醬紅磚豆腐前菜方面有呢款紅磚石腐，表皮薄薄嘅炸漿粉炸得酥脆，外脆內滑嘅口感做得不錯然後就到重點放題嘅部分了，以下嘅小食全部都係可以任加：沙嗲串(牛、雞)沙嗲汁調味有濃濃嘅棷香同花生香味，肉質亦嫩冧，最後我地食左兩碟！炭燒豬頸肉沙律豬頸肉燒得香口，配底下酸酸地嘅沙律菜汁啱啱好去膩泰式手打蝦餅蝦餅嘅蝦肉做得結實，而且炸得鬆脆金不換肉碎生菜包呢碟金不換肉碎炒得頗辣，相當惹味馬拉盞炒椰菜主菜方面我地有炭燒手切牛肩脊，牛肩脊嘅牛香味濃，肉質亦都燒得嫩又保持到肉汁泰式咖喱虎蝦球配薄餅虎蝦球大粒又彈牙，反而咖喱唔會太辣，唔會掩蓋蝦嘅鮮味黑糖椰子雪糕欣賞呢款甜品唔會死甜，反而食到棷子原本淡淡嘅甜味，最後凍一凍返個口腔舒服晒！