Mue Mue

营业中

休息中

Lunch with Pharmacist, who is partial to SE Asian cuisine, and who has probably been to every single Thai restaurant in Kowloon City. Decided to go for the set lunch. Here’s what we had. Deep-Fried Lemongrass Chicken Wings- expertly fried to a crispy golden brown; with the lemongrass adding a subtle citrusy aroma and flavor.Tom Yum Kung Soup: which seemed to come with a generous amount of shrimp and other seafood. Didn’t try- too spicy for me.Fried Rice with Minced Wagyu Beef, Pineapple, and Shr

呢日同朋友行開美麗華商場,咁岩見到新開左呢間中泰 Fusion餐廳,一入到去見到裝修風格以象牙白同粉紅色為主,整體環境令人都好舒服. 出面既Outdoor仲好靚 ! 岩哂鍾意打卡既女仔, 平時黎Happy Hour都一流!!我地想坐梳化位影相, 店員都NICE, 好快安排到今日叫左佢地既lunch set黎試下 $98海南雞飯配大蜆湯中規中矩 (有埋串燒 ，雞肉都好嫩)大蜆湯鮮甜厚肉追加咗小食 - 泰式蝦餅 +$78蝦肉爽口 。食落去啖啖肉餐飲揀左龍眼茶，都好夠味。 紅磚豆腐 $128以紅菜頭染成紅色汁, 外脆內滑夠香口, 而且食落有避風塘味道, 非常惹味同特別 ***叫 Lunch set仲可以88折揀一款主菜Menu整體黎講都值得一試

今日試左一家裝修幾靚的泰國菜，而且午餐定價相宜，由$68-$188，包飲品及主食。Mue mue 海南雞飯$98這海南雞飯看似好多雞，但其實只係表面，下面全部都係菜，然而海南雞已經去骨，啖啖肉，雞肉主要是雞胸，肉質柔軟，雞味唔係最突出，但有三種醬沾，分別是黑醬油、薑茸和甜辣醬。油飯唔太油，有少少黃薑風味，而雞肉串是正常水平，唔會好乾。龍眼水味道濃，有龍眼味，味道甜美，感覺滋潤。

見佢新開環境又IG able所以同朋友嚟試吓順便慶祝朋友生日今次book 唔到 indoor但係outdoor 有位但當日係落雨天但訂位時話唔會影響所以就照試吓裝修係靚嘅但坐outdoor 真係好熱同埋人手真係唔夠完全冇 service而且嘢食款式唔多我哋一行六人但發覺menu 冇太多嘢可以揀而且價錢唔算平嘢食中規中矩但有一個西瓜配八爪魚同埋一個炒芥蘭呢兩個餸係伏嘅我哋埋到$2xXX晒下次未必會再嚟因為再嚟都唔知叫啲咩好最後落大雨Outdoor 嘅位係會濕嘅唔係佢哋咁講冇影響

有咩原因值得我再黎第二次🤪因為真係好好食😋暫時係我食過最好味嘅泰菜！呢個麥皮蝦非常邪惡😍😍😍咸蛋黃的咸香配上爽口彈牙的蝦肉外面卜卜脆的口感真係好惹味！泰式和牛炒河，好有鑊氣，炒得好香，河粉唔係就出面茶記嘅河粉，佢呢個糯米河粉，煙煙韌韌咁，口感好特別！芒果椰子沙冰非常消暑，好好飲😛裡面仲有好多芒果粒粒最後一定要食埋榴連雪糕，呢個真係啖啖榴連蓉加埋雪糕，yummy yummy 😋 另一個黑糖椰子雪糕都是我大推的！唔食榴連都可以食椰子雪糕，朋友都食到lam lam 脷😋😋😋

近來發現尖沙咀美麗華進駐一間中泰Fusion餐廳 店內以清雅明亮的象牙白色為主調 搭配綠色植物和富藝術感的佈置 營造出摩登氣派的用餐環境 這次試了新推出的「So Thai So Chill」週末Brunch 其中六款小食是以放題形式供應 擺盤精緻 賣相猶如藝術品般 在明亮雅致的環境用餐 確實讓人心情舒暢💆🏻‍♀️.▪️前菜 | 青醬鮑魚 • 摩登海鮮冬陰功前菜有兩款 鮑魚口感清爽鮮美 配以清新的青醬更加提鮮 海鮮冬陰功味道酸辣開胃 質地濃稠 湯頭採用香茅 檸檬葉 魚露及辣椒膏等十多種香料及調味料製作而成 除了常見的大蝦 摩登版的海鮮冬陰功融入了更多海鮮成分如魷魚和青口等 令湯頭更豐盛鮮甜 味道更加豐富多樣.▪️小食放題 | 即烤沙嗲串 • 香茅雞翼 • 紅磚豆腐 • 香辣脆蝦片 • 豬頸肉青木瓜柚子沙律 • 黃金脆魚皮多款泰式小食可無限量享用 每道小食上菜時也是熱騰騰的 當中頗喜愛沙嗲串 經過烤製後外層帶微脆 肉質鮮嫩多汁且口感彈牙 黃金脆魚皮炸得相當爽脆 豬頸肉青木瓜柚子沙律也很推薦 豬頸肉嫩滑多汁 配上清新的青木瓜和柚子 大大減低油膩感 .▪️主菜 相對小食而言 主食的份量略少 主菜可從多

今日終於有機會試一試新開嘅泰國餐廳先講餐廳裝修設計方格比一般泰國餐廳走更高端路線環境和服務水準都有中上水平 亦有獨立房間今次平日中午用餐 有set lunch menu是日午餐蝦醬菠蘿和牛鬆炒飯蝦醬味道唔算特別濃厚味道唔會太咸，加上肉鬆口感到達另一層次另外都追加咗小食泰式蝦餅表皮炸粉唔會話太多，外脆內軟，口感不錯香茅檸檬茶 味道不會太甜帶點淡淡香茅 更加清新最後叫咗個甜品 雪糕芒果糯米飯價錢抵食，味道亦不錯 值得再次光顧

紅磚豆腐 $128賣相好特別，外層脆身，豆腐好滑，因為加左紅菜頭，所以外層橙紅色。一碟只有4件，份量有啲少，旁邊有啲乾辣椒同八角，但豆腐食落就唔覺有辣味。青咖喱和牛面頰 $298和牛面頰肉質軟腍，牛肉味道十足，加埋青咖喱辣辣地，仲有椰香味，好正！手工白刈包 $68白刈包好鬆軟，打開夾啲青咖喱和牛面頰落去食一流。芒果糯米飯 $128同平時食開既芒果糯米飯有少少唔同，佢上面有啲粟米片，側邊有兩球芒果雪糕，雪糕幾滑，但芒果酸酸地，糯米飯稍為硬身，唔夠軟糯，椰香味唔夠重。如果有朋友生日，可以免費加生日牌。呢間餐廳開左半年都唔夠，以泰國菜黎講價錢偏貴，每道菜份量都細。不過餐廳環境好優雅，以白色為主調，分室內同室外，都好適合慶生。如想chill啲，可以揀坐室外座位。

Mue Mue是今年新開嘅新派泰國菜，有趣嘅係餐廳由入行逾25年嘅中菜師傳坐鎮😂，所以係中泰fusion菜! 餐廳環境寬敞，象牙白色主調、西式摩登風格，有不少沙發座位，還有獨立房間同戶外座位<酸辣脆皮手撕雞 (半隻)>$298<青咖喱和牛面頰> $298<炭燒沙嗲拼盤(6串，每款2串)> $188<参巴豬頸肉炒椰菜> $168<菠蘿炒飯> $248<酸辣脆皮手撕雞>呢道菜沿用炸子雞嘅做法，所以比一般泰式燒雞脆皮。以冬蔭公醬醃製入味，待風乾後再炸，然後拆肉上碟，另可夾配泰式蝦片同粉皮一齊食🤤雞肉充滿冬蔭公味，但唔會過辣，開胃、皮脆肉嫩，好食!👍<青咖喱和牛面頰>選用澳洲和牛面頰，肉質軟滑易咬開；青咖哩香濃，配上茄子等配料，送飯啱晒🤩<参巴豬頸肉炒椰菜>又係fusion菜，以回窩肉風格和参巴醬烹煮，豬頸肉同椰菜都好夠味，如果辣多少少再惹味d😈<炭燒沙嗲拼盤> 雞、牛、豬各2串，每串四大舊，肉質頗淋多汁，配埋沙嗲醬幾好食👍<菠蘿炒飯>

🔸泰惹味🔸Mue Mue取自泰語中的「手」，同時亦代表著泰國「合掌」文化習俗，象徵店內每道菜式都由餐廳誠意滿滿地親手烹調製作，富有泰式風味。總廚廚壇新貴周世韜師傅擁有逾25年入廚經驗，曾主理多間知名中菜食府。他以嶄新手法重新演繹來自不同地域的傳統泰國菜，為客人改變固有泰菜印象。Mue Mue 空間寬敞，佔地7,000呎，除大廳座位外，還有美美的貴賓房及60個戶外雅座及新概念酒吧Mue Bar。除咗一般朋友約會食飯，亦適合party宴客。當日一行4人午膳，失望只有 lunch set 供選擇，未能夠試較出名的菜式。但不打緊，Lunch set 有炒粉麵飯可先試試周師傅嘅工夫。點了3個招牌主食4人分，包括海南雞飯、泰胡椒手切牛頸脊炒河、咖喱滑蛋虎蝦球炒粿條。前菜香辣脆蝦片，鮮炸香口，厚薄適中，蝦味濃，大家讚不絕口。海南雞飯中規中矩，較驚喜是隨飯送上的大蜆湯，鮮甜厚肉，相當有誠意。另外泰胡椒手切牛頸脊炒河、咖喱滑蛋虎蝦球炒粿條都非常高質量，份量十足，有鑊氣，醬汁調味 balanced，很讚。另外add on 泰式蝦餅亦非常出色。回頭率滿分嘅餐廳！

一間Mira Group 棋下新開嘅餐廳，星期日試吓佢哋個Brunch ，頭盤有2頴，任食小食有6種，我只係試過4種，豆腐好惹味👍，串燒雞一般；冬蔭功湯頗辣，但海鮮料幾多👍; 鮑魚大隻但冇乜味；主食好味，牛肉好焾👍, 香矛烤魚炸咗後再浸sauce 夠惹味👍 ；除咗烤魚仲有其他選擇，不過烤魚係廚師推介；最後甜品芒果糯米飯都好多芒果，但太飽要打包😅服務幾好，不時加水，又會幫手追㕑房；有位好好職員幫我手扶老人家去廁所，抵讚👍👍👍

早幾日朋友帶我來嘗試這間新開的中泰Fusion餐廳位於美麗華商場內，環境不錯🤍特別喜歡室外佈置，空間感十足，以象白色做主調，充滿異國風情食物方面，好推介呢道✨✨✨✨🍤好邪惡的金沙麥皮蝦😋大大隻的蝦球爽口彈牙，鋪滿咸蛋黃再加上麥皮，每一口都好滋味，好有口感，好足料🥥黑糖椰子雪糕✨✨✨✨竹蔗茅根果凍，夠晒特別，加上綿密椰子雪糕，配搭爽口桃膠和黑糖醬，推介最後撒上炸椰子肉，香脆亦帶出陣陣棷香味🍢炭燒沙嗲拼盤✨✨串燒粒粒肉都好大粒好juicy，燒得香口，加埋醬汁份外惹味泰式和牛炒河 ✨✨河粉好煙韌，牛肉質地嫩滑又多個好地方用餐或同朋友嚟喝一杯放鬆下🍸

很久沒有吃泰國菜了，今日特地去位於尖沙咀的MUE MUE。身為一個冬陰功的愛好者，所以今日點了一個冬陰功湯河粉，本身湯的辣味酸味配合泰式金邊粉，我覺得是非常配合的，而且這個冬陰功湯底放了很多不同的海鮮分量十足，更加張它的味道昇華了。另外我也點了一個八爪魚沙律，這道菜特別之處在於用了西瓜作為配菜，西瓜的甜配合八爪魚的鮮味，想像不到原來如此配合。飲品方面，pineapple punch 的味道正好中和整頓晚餐的濃味，有錦上添花的效果。至於餐廳的環境，室內空間感不錯，用餐環境十分舒服。另外餐廳也有室外的位置，很適合渡過悠閒的下午。

朋友終於結婚，約左其中幾個兄弟收左工一齊Happy Hour，順便落實婚禮細節，主人家Book 左呢間泰國菜話一齊試下。枱同枱之間既距離好闊，同朋友傾得大聲少少都唔怕嘈到隔離Happy Hour 時段，除左叫野食外，仲叫左d 酒呢杯Cocktaill 好似叫Mue Thai，有淡淡柚子味，酒味唔算好濃烈，加上少少甜味，會唔覺唔覺咁飲晒，個人黎講幾鍾意。叫左個蝦片做前菜，好脆，上面有少少辣粉，鍾意食辣既人都應該會鍾意，拎黎送酒都豬頸肉炒椰菜 - 比想像中多豬頸肉，都炒得幾有鑊氣同埋幾爽幾惹味，推薦。軟殼蟹柚子沙律 - 個軟殼蟹先係重點，好多時係出面食既軟殼蟹有油饐，難得呢個冇，合格。冬蔭功脆皮燒雞呢個我認為係是晚的MVP，雖然價錢少偏貴，但都值，食落個皮好脆，雞肉好嫩，一擺上枱大家好快就食晒，有少少酸辣味但不算強烈，怕辣既人都可以試，大家一致認為好食。炒芥蘭燒豬頸肉呢個都幾特別，食泰菜通常都會叫，但通常都會韌，呢個唔會，連埋個醬食幾開胃。菠蘿炒飯幾個男人都係要食D 飯先夠飽，但呢個炒飯同我期望有少少落差，因為我以為會有個菠蘿殼，但味道係可以的。甜品 — 黑糖椰子雪糕呢個係朋友們認為的VI

前一天book 枱，晚上7點來到人不多，坐低枱上有餐具有杯，環境裝修簡單的來幾靚，門口位亦吸引，不過無人理，唔知什麼原因，食評大多人講服務好好，又會有人講解每道菜，但完全感受不到，講一講先，坐低無人比Menu 要開聲叫，睇左一輪揀好食咩，都無人行過黎斟水，只得幾個杯一直喺枱上面，感覺裝修幾優雅都好，最基本水都冇一杯要開口叫，先至有人斟左一次，跟住叫咗食物完全冇食評所講，會有人介紹係咩食材，其實係再睇返先見到大家話有呢樣貼心服務先知😂😂食物嚟到賣相好，味道都特別。烤魚炸得香脆。個汁啱啱好唔會過酸，青咖喱牛面頰好腍青咖喱好香，炒飯炒得好乾身 ，入邊有潤腸嘅味道👍🏻個豆腐都做得恰到好處外脆內滑👍🏻食到尾聲，其實仲有一個菜一直都冇嚟到。於是乎我哋就嗌咗甜品轉頭嗰個侍應就話俾我哋知有個菜未嚟食埋個菜先食甜品啦。OK啊，我哋之後再等咗15分鐘再提一提佢話我哋唔要啦你上甜品啦。其實一個菜都等左一個幾鐘，我唔要都唔過分啦，而且俾咗一次機會佢，都係未嚟，當時侍應只係話睇吓炒咗未先，不過佢最後都係冇話究竟炒咗未之後再等10多分鐘嗰個兩個甜品都分開到，整體嚟講個甜品都等得幾耐下，同埋講返斟水嗰度。第一杯係暖