Mini Friday (The Wave)

营业中

休息中

Mini Friday//珍珠帶子青醬螺絲粉 + salad bar任食 ($118) (Openrice訂位有88折）Salad bar有唔同小食同湯飲 仲有綠豆沙 小食嘅味正正常常 好似中小學小食部啲野食味咁 椰菜花忌廉湯偏稀 冇乜椰菜花但幾香忌廉味青醬意粉 青醬唔夠濃味 螺絲粉可以再煮淋啲 而家偏硬 珍珠帶子非常細粒（有～12-13粒左右）食落唔夠滑 整體一般同行有4個友人都叫左豬扒 都幾好食～但有兩位塊豬扒就煎得唔係好熟 希望餐廳會注意一下豬扒煎得唔熟既問題～始終豬都唔可以生食

1 個漢堡完全無味，乾到插唔入。2 奶茶檸檬茶個茶底奇怪，零分。3 自助bar無野食。嘩我真係估唔到間餐廳可以煮嘢食煮到咁難食，如果俾我揀一定唔會再嚟。碟薯條10條都唔夠，仲要唔熱嘅。講真我真係估唔到咁簡單嘅漢堡，可以煮到冇味又乾身 。如果你人生有多餘嘅一個鐘頭先好選擇嚟呢度。

滿心歡喜睇哂食評先黎食！期待嘅威靈頓牛柳送到，一切開，第一個反應就係唔似牛柳、硬骨骨😡 就當佢係牛柳，舊牛柳竟然有根😡點咬呢？個酥皮成pat嘢咁，真係吞唔落，仲夠膽死賣$398 😡加埋一過4舊😡麵包舖嘅咖喱牛角包仲好食過佢😡真係令人失望。我哋失望到同個男侍應講左呢個情況，個男士應成舊木咁企咗喺度，根本都無諗過同公司反映，我覺得佢都唔想間餐廳好嘅。不過，黑松露薯條有驚喜。我哋叫咗個韓風海鮮薄餅 🍕，味道都ok.

呢間位於觀塘新式工廈入面嘅餐廳係近期小編食過算係最高質嘅西餐廳🤭餐牌選擇多，唔怕唔知食咩好。環境非常闊落，座位亦都夠曬空間感，一啲都唔會壓迫😆上菜速度都算快，唔使要客人等好耐❣️.🐮皇牌威靈頓牛柳 $398作為餐廳嘅王牌之選，絕對係物超所值，呢個價值食到好食嘅威靈頓牛柳出面真係好難搵到🥹首先牛肉味非常濃，肉質彈牙，唔會好煙韌，酥皮鬆脆之餘，油香味十足🤭.🍝明太子忌廉長通粉 $198呢個長通粉多汁得黎，每一啖都可以食到份量十足嘅明太子😍長通粉亦都煮得好軟熟，口感一流😛.💰人均消費：～$250.🍽味道: 4/5🏙環境: 3.5/5‍👨🏼‍🍳服務: 3.5/5💧衛生: 3.5/5💰價錢: 3.5/5

無質素既食物但收你有質素既價錢叫左三樣野食一個泡菜意粉 一個pizza 同 一個冬陰功長通粉具體個名張單有寫好地地一個卡邦尼意粉 加泡菜 欣賞佢既創意但你食落就係佢搵十幾塊泡菜加落卡邦尼意粉度 有點夾硬 老實講口味就個個人唔同 我10分就俾6分算 俾面佢我都叫食得落全晚最慘係個冬陰功海鮮長通粉 我食落口 我第一個反應 我食緊咩 食到辣辣地但冇咩冬陰功味都算 個青口叫做正常都算 個蜆肉食落有沙都算 最期待個蝦點知一 meet完殼 d肉散晒 放落口我食緊乜 成晚R晒頭咁食個通粉 差d嬲嬲地同個負責人講可唔可以煮過 其實個廚有冇試食過自己煮左d乜 我俾4分最感動係個pizza 冇咩好講叫做中上 我食晒 完埋單收我500幾 老老實實 依個質素 你賣半價我都算 咪當中個伏唔再來 完全唔明點解間野咁多好評 對唔住 係我抱有期望 食完 我都係決定將我既失望寫係度

已經食過兩次，覺得唔錯！🥰🥰👍🏻難得放早，又無得去威，約埋老細食個sweet lunch 💕因為過咗午飯時間，基本上包場咁滯…😅🤭老細尋日食咗🍔，所以今曰叫咗🥩，我叫咗個麻椒雞肉意粉🍝～估唔到有驚喜！🥰👍🏻💕😍個麻麻得嚟好過癮，個辣又有後勁，啲意粉係我最鐘意嘅硬身彈牙feel，回味無窮！😘😚😌不過個餐湯（蕃茄湯）味道就比較酸，熱辣辣嘅～佢就加$12要杯凍朱古力，我就飲咖啡，都算香濃～😌🥰

今日同咗一個好耐冇見嘅同學去觀塘傾偈食飯，去咗食西餐🍽️除咗APM之外, the wave 嗰度嘅Mini Friday都好啱朋友聚會同埋傾偈坐得舒服💫一坐低就送上脆片俾我哋食，口感類似Doritos咁，我覺得送啤酒啱啲🤣我地叫左喇沙帆立貝意粉餐連飲品，有三大粒帆立貝喺上面，意粉唔會太過淋有咬口，味道重喇沙味少少辣，唔食辣嘅人都食到🙆🏻‍♀️跟住叫咗一個皇牌威靈頓牛扒，好大份食完之後都飽咗，一切開就見到牛扒係5-7成熟，肉質食落去唔會太過靭亦都唔會太過淋，不過我覺得中間嘅菇菌可以再重調味少少🤏酥皮好脆，我係好鍾意食酥皮嗰啲人🙈佢都有幾間分店，我記得之前都有去過銅鑼灣，朋友傾偈食西餐最啱🌸

Friday night 去Mini Friday for a happy birthday dinner with my buddy。地方非常寛敞，坐得舒服就當然吃得開心 😋點了Black Truffle mushroom cheese pizza & 韓式芝士炸雞來送啤酒，就是要飽醉星期五。芝士炸雞為starter，但份量已夠我們做主菜了。一叉下去來個拉絲打卡，吃下去不太咸又口感豐富，喝了一口啤酒。Pizza比crackers還要薄，也是不太咸，趁熱吃了多塊，又喝了數口啤酒。Tonight's 壓軸，美女服務員清理了枱面後送上了火焰雪山，內裡是refreshing的椰子雪糕。我唱完生日歌，朋友沒許願，火焰就沒了，只來得及拍片拍照。服務員態度很友善，每個都有禮，熟女服務員還跟我們拍照及說笑，大家開心😄！忘了說，他們有live singer，沒留意唱什麼，可不太吵，食客仍可chit chat不受騷擾。

長輩想吃西餐，近近地就去食mini Friday啦。呢度都食過好多次，個餐牌好似次次都有啲唔同咁。勝在食物種類多元化，係味道穩陣之選。🔸和風大阪雞肉薄餅(💰158)(8/10)味道唔錯，不過個薄餅邊焗得有啲燶。個和風醬好味道。🔸芝士沙嗲牛肉炒蛋漢堡配薯條(💰158)(7.5/10)沙嗲牛肉味好濃！成個漢堡口感唔錯，少少辣幾開胃！🔸喇沙帆立貝意粉(💰178)(6.5/10)呢個意粉有啲油，喇沙味偏淡。而且個賣相唔太好。味道尚可，不過價錢有點略貴。Overall評分: 7/10

今次係我第一次去食呢間嘢，因食評唔錯，食完真係好有驚喜，2個人食，叫咗2個餐加一個雞翼，包及意粉餐，個樣普普通通，但味道好正，好好味，除咗意粉上嘅帶子比較淡味之外，其他都係滿分，因為係禮拜一去，無咩人，地方好闊落，坐得好舒服，令到我好想下次再去試埋佢其他嘢，仲有仲有佢嘅前菜非常之好味🤤，食完一碟想再叫佢俾多碟，但因為唔好意思😅，再加上我哋都夠食，所以就算….

去過觀塘食飯的人，應該都會聽過the wave，上次同朋友去食飯，上咗呢間餐廳，都會比佢嘅環境格局吸引，因為餐廳非常大，而且會有一股工業風，如果晚飯去食飯，基本上可以同三五知己坐好耐傾偈食飯，係一個非常好嘅環境！食物方面，基本上都是西餐廳能夠提供嘅美食，而且食物嘅份量大份，算是非常抵食，令我最印象深刻的，就是水牛城雞翼，辣辣的雞翼配上醬汁，喜歡吃雞翼的人必須要點囉！另外餐廳都能夠提供酒類飲品，而且選擇都很多❤️❤️❤️

早幾日試了觀塘區的「Mini Friday」，整層一半是「Mini Friday」，另一半是「米走雞」。首先，是免費的前菜炸粟米片配芝士醬，芝士醬不夠濃，加上粟米片也是沒調味，所以除了感覺油膩就不太吸引。然後點了是日沙律，日式麻醬分開上，這個我比較喜歡，因為落幾多自己決定，蔬菜也新鮮，不錯。然後，是黑松露啡菇什菌薄餅。餅底不厚也不薄，有點兩邊不討好的感覺，也吃不出黑松露的味道。最後，是檸檬牛油忌廉汁煎比目魚，清新的檸檬味配上香濃的牛油忌廉汁，魚皮煎得香脆，再加上配菜和薯蓉，這個是整晚最好的一道菜。不過看很多人會點火焰豬手那些，可能會更好吧。另外因為和米走雞是open plan，所以又會有點雞煲的味道，對我個人來說也是扣分的地方。整體而言，只有沙律和檸檬牛油忌廉汁煎比目魚較值得推介，而份量對我們2個算食量普通的人是有餘的。另外服務也算是不錯👍🏼#MiniFriday #觀塘搵食 #炸粟米片 #黑松露 #比目魚 #沙律 #薄餅

本來對呢餐都充滿期望，以為呢間會同銅鑼灣嘅分店質素差不多。但係食完之後，簡直非常失望，性價比極低，本來仲想點一個心太軟，但因為食物質素太差，都唔想再嘥錢幫襯呢間餐廳。首先，韓式炸雞極度厚粉，咬完之後多粉到清晰可見，完全唔入味，又冇口感。其次，再點咗個龍蝦蝦肉包，感覺就好似食緊龍蝦濃湯包，完全冇咩蝦肉可言最後勉強食晒。又唔能夠話佢唔好食，但真係唔值呢個價錢！可能其他分店嘅味道會好啲，唔敢咁快判定佢唔好！但觀塘分店我諗都唔會再去！

店名: Mini Friday 地址: 觀塘興業街4號The Wave 3樓觀塘站B2出口，行5分鐘環境: 3/5價錢:3.5/5味道: 3.5/5呢間西餐係旺角同銅鑼灣都有分店，但觀塘店環境就無話特別好，而且仲同隔離舖share一半地方🙈大蝦配香草牛柳$248牛柳食落好淋好有牛味，而蝦嘅肉質都算彈牙，唔會話好霉不過份量唔算多，呢個價錢有更好嘅選擇🥲😶🤫蜜糖蒜片炸雞🍗$98呢個比想像中好食，食落口仲係好熱上面啲蜜糖淋上啲炸雞，甜甜地，而且外脆內軟，份量都算多，都有成十舊左右😚🤩黑松靈薯條🍟$68薯條食落仲係好熱好脆，同炸雞一樣但就無咩黑松露味，如果68蚊就咁係普通薯條就有啲貴了🤥#stitchfoodie觀塘#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

平時去觀塘諗唔到食咩，突然想食西餐見已經好耐冇食過，就入咗呢間去試吓一入到去， 9:00嘅時間真係人山人海旁邊連接一間中菜，有live band 嗰邊嘅氣氛就真係好好但係西餐呢邊，唔知點解明明係室內都好大陣煙味嘢食9:00落單，等到9:30都未有已經肚餓到不得了，上咗菜就食咗，所以影唔到佢完整😅買單三百幾蚊 牛柳配大蝦唔知呢間鋪那來的自信定呢個價錢😅總結嚟講，如果想食得舒服唔建議去呢間但係如果鍾意食煙同埋熱鬧嘅話就可以一試