影片
开饭介绍
一间提供多元化食物的多国菜餐厅，多款菜式都是自家首创，如「牛柳朱古力波」，朱古力酱汁配牛柳，淋上百加地酒然后燃点，有创意又冲击视觉。
继续阅读
营业时间
今日营业
12:00 - 16:00
18:00 - 23:00
星期一至日
12:00 - 16:00
18:00 - 23:00
公众假期
12:00 - 16:00
18:00 - 23:00
公众假期前夕
12:00 - 16:00
18:00 - 23:00
以上资料只供参考，请与餐厅确认详情
有关奖赏计划
相关文章
琴日收工攰攰哋🥱，就同老公两个撑枱脚，去咗观塘嘅 Mini Friday 试吓。间餐厅环境都几舒服😌，灯光唔会太光猛，带点昏黄，几有情调✨，啱晒倾偈。我哋叫咗几样嘢share，包括 Friday鸡翼、肉酱意粉、虎虾配龙虾汁意大利饭，同埋个咖喱酱油炸鸡下髀配薯角🍗🍝🍤🍛，坐低慢慢叹。🌕🌕🌕🌕🌗 Friday鸡翼 (胡椒蜜糖)打头阵嘅系个 Friday鸡翼 (胡椒蜜糖) 🍯。一上枱就闻到好香嘅蜜糖味，仲有少少黑椒香。鸡翼炸得几香脆，外皮甜甜哋带啲胡椒嘅微辣🌶️，个平衡做得几好。啲肉都嫩滑，唔会炸到干晒👍，几惹味，送啤酒一流！🍻 作为小食嚟讲，呢个相当唔错。🌕🌕🌕🌗🌑 肉酱意粉跟住试下个经典嘅肉酱意粉🍝。份量都足嘅，肉酱都算多，唔会太稀。味道方面就正正常常啦，蕃茄味为主🍅，带少少肉香，但未算好突出🤔。意粉煮得啱啱好，唔会太腍或者太硬，口感系ok嘅。如果个肉酱味再浓郁多少少层次感会更好，不过不失嘅一个选择。🌕🌕🌕🌕🌑虎虾配龙虾汁意大利饭轮到个虎虾配龙虾汁意大利饭🍚🍤。呢个卖相唔错㖞！几只虎虾大大只，睇落新鲜，食落都几弹牙😋。个龙虾汁味都几浓郁，好creamy，每啖饭都挂到汁👍。啲意大利饭煮得有少少咬口 (al dente)，唔会变咗糊仔，呢点要赞。整体味道唔错㗎，虾嘅鲜味同龙虾汁好夹。🌕🌕🌕🌗🌑 咖喱酱油炸鸡下髀配薯角最后系个咖喱酱油炸鸡下髀配薯角🍗🍟。个炸鸡下髀几大只，炸皮几脆，但略嫌有少少油腻🤏。个咖喱酱油味几特别🍛，甜甜咸咸带咖喱香，不过个酱另外上或者点嚟食会好啲，淋咗上面有啲影响咗个脆度。薯角就正常发挥啦，够热够脆，点茄汁食都ok。环境舒服啱倾偈，嘢食质素大部分都OK。个胡椒蜜糖鸡翼同龙虾汁意大利饭比较有惊喜👍，肉酱意粉同炸鸡就正常啲，不过不失啦。价钱喺观塘区嚟讲算中等，收工想同朋友或者伴侣揾个地方hea下食下嘢，呢度都系一个可以考虑嘅选择嘅😊。
继续阅读
夜晚下班同老婆去Mini Friday，环境时尚又舒适，柔和嘅灯光营造咗浪漫氛围。餐厅播放住轻音乐，连龙虾海鲜汤嘅香气都令人迫不及待感受美好夜晚😋。【龙虾海鲜汤】 评分：9/10呢碗汤真系鲜到爆，龙虾肉弹牙滑嫩，海鲜味浓郁，汤底清透而不腻，每口都令人回味无穷🍲。【芝味粉炸全鸡】 评分：8/10炸全鸡外皮金黄酥脆，芝士香气渗入肉里，香味四溢但偶尔有啲油腻，总体嚟讲，非常够味同开胃🍗。【法式香草羊架】 评分：8.5/10羊架火候恰到好处，香草腌制得恰如其分，肉质鲜嫩入味，多层次口感带出法式优雅风味，实在系惊喜连连🥩。【咸蛋黄薯角】 评分：7.5/10薯角外层酥脆内里软绵，加上咸蛋黄酱甜中带咸，令人一试难忘，唯独稍嫌油腻，但创新口味都值得一尝🍟。整体黎讲，今晚嘅晚餐令我好满足。由清甜嘅龙虾海鲜汤开始，跟住香脆芝味粉炸全鸡、浓郁法式香草羊架，再配创新咸蛋黄薯角，每道菜都别具风味，餐厅环境舒适，气氛愉快，整体体验实在难忘！🍷😍值得再尝，回味无穷！
继续阅读
今日收工同老公同仔仔一齐去咗观塘嘅Mini Friday食晚餐，真系好正！餐厅环境好有格调，灯光柔和，带啲浪漫feel，但又唔会太暗，啱晒一家大细👨👩👦。墙上挂咗啲艺术画，仲有啲植物点缀，感觉好chill🌿。我哋坐喺窗边，望住街景，一边倾偈一边等上菜，气氛好轻松。服务员都好nice，笑容满面，仲主动介绍菜式，真系加分！👍🔖 是日食单：• Friday鸡翼（咸蛋黄）🍗• Friday鸡翼（胡椒蜜蜜糖）🍯• 咖喱酱油炸鸡下髀配薯角🍟• 虎虾配龙虾汁意大利饭🦐• 美国安格斯顶级肉眼🥩美国安格斯顶级肉眼 ⭐️⭐️⭐️⭐️☆份量十足，肉质鲜嫩多汁，表面煎得香脆焦香😍。每一啖都充满肉香，不过略嫌牛油味稍重，食多会腻。配上少少海盐就最啱！Friday鸡翼(咸蛋黄) ⭐️⭐️⭐️⭐️⭐️必食推介！咸蛋黄香味浓郁，外皮炸得酥脆💥。咬落去仲有少少沙沙嘅口感，咸香适中唔会太腻，连细路都赞不停口👍。咖喱酱油炸鸡下髀配薯角 ⭐️⭐️⭐️☆☆炸鸡外脆内嫩，咖喱酱油味道特别但稍欠层次感🤔。薯角就普普通通，不过胜在够热辣辣，小朋友钟意😊。虎虾配龙虾汁意大利饭 ⭐️⭐️⭐️⭐️☆意大利饭吸收咗龙虾汁嘅鲜味，口感烟靭带Creamy🤩。虎虾新鲜弹牙，整体味道鲜甜，只系饭底略干少少。胡椒蜜糖鸡翼 ⭐️⭐️⭐️⭐️☆甜中带微辣，胡椒香突出又唔抢戏🌶️。蜜糖令外皮更添光泽，口感丰富，非常惹味！今晚嘅晚餐真系好满足，每道菜都各有特色，环境同服务都一流。下次一定会再嚟试吓其他菜式！😍
继续阅读
周末晚餐💑,我同女友约埋去咗观塘Mini Friday。餐厅环境唔算好大,但是布置得几有心思😊,灯光偏暗,营造一种浪漫嘅气氛。黎紧嘅晚餐当然系值得期待啦！安格斯牛仔骨配黑松露烧汁 🥩 - 8/10呢道安格斯牛仔骨非常柔嫩,搭配上带点神秘气味嘅黑松露烧汁，味道浓郁又唔会过咸。烧得啱啱好,每一啖都系享受。不过,可能系我期望太高,始终有少少错觉。蒜香榄油意粉 🍝 - 7/10呢个意粉系几简单,但又唔失美味。蒜香味四溢,同榄油完美融合,令百条意粉都好香浓。虽然睇落好简单,但每一口都充满独特风味。不过，对于重口味嘅人嚟讲,可能会觉得唔够咸。炸鱿鱼圈 🦑 - 7/10呢道炸鱿鱼圈嘅表现算系唔错，炸得金黄酥脆,不过鱿鱼身带有小小偏硬，咬落去啲咬口唔太舒适。不过,配埋佢地提供嘅特制酱汁,竟然激发出唔少亮点！韩式甜辣酱无骨炸鸡配粟米片 🍗 - 9/10呢个真系晚餐中嘅亮点,炸鸡外皮酥脆，内里嘅鸡肉多汁嫩滑，韩式甜辣酱嘅甜辣适中，唔会太浓烈。粟米片继而增加咗层次感，令成个口感丰富许多。呢道菜真系好出色！Mini Friday呢度系一个值得一试嘅小餐馆，有啲菜色令人一再回味，有啲则带有些许小小遗憾，总之系一次愉快嘅餐饮体验。🍽️😊
继续阅读
上个礼拜六晚，为咗同阿仔庆祝生日🎂，我哋成家就拣咗去观塘工业区入面嘅 Mini Friday 开餐。一推门入去，哗，估唔到工厦入面都有啲咁 cozy 嘅地方㖞👍。虽然系星期六晚，都几旺场下，坐满咗唔少人，但又唔会话好嘈吵，倾计都仲听到。餐厅灯光偏暗黄，柔和得嚟几有情调，播住啲轻快嘅英文歌🎶，成个气氛好 relax 好舒服，啱晒我哋一家人慢慢食饭，帮阿仔庆祝生日，佢都好开心🥳。🍗 第一round先嚟【Friday鸡翼】热辣辣上枱，咬落脆皮「咔嚓」声，柚子蜜糖唔会死甜仲有淡淡柑橘香，肉汁多到滴落手指～4.5/5分🐙 【炸鱿鱼圈】金黄色外层脆到似天妇罗，入面鱿鱼肉弹牙得嚟唔韧，点埋他他酱好快清碟。不过略嫌粉浆厚咗少少，扣少少分 4/5🧄 等主菜时叫咗【蒜蓉包】，烘到微焦仲有牛油香气扑鼻，脆得嚟唔会刮口，蒜蓉粒铺满成块👍🏻 4.8/5🌶️ 主菜【韩式炸鸡】红当当好吸睛，甜辣酱挂满每件鸡件，无骨设计啱晒懒人，咬落啖啖肉仲有肉汁！粟米片脆卜卜，囝囝发明新食法—用粟米片舀炸鸡酱食，创意满分 4.7/5🐔 【香草烧鸡】全场MVP！皮脆肉嫩到离谱，迷迭香同百里香嘅香气渗入鸡肉，连鸡胸位都唔鞋口，附送嘅烧汁带少少酒香～全体比5/5🌟🍝 最后嘅【蒜香榄油意粉】简单但考功夫，意粉al dente弹牙，蒜片炸到金黄脆口，橄榄油香而不腻🙂↔️ 4.6/5今次嘅生日晚餐真系好满足，每道菜都有惊喜，特别系 香草烧鸡 同 Friday鸡翼，绝对系必试之选！餐厅环境舒适，服务贴心，系一个庆祝特别日子嘅好地方🎉。下次一定会再嚟！
继续阅读