LeeLaksa

营业中

休息中

同同事食lunch， 佢話呢間好食🤔 不過自己覺得平日午餐嚟講有啲貴 🌟星加坡喇沙 (油麵) $82喇沙可以揀轉油麵米線定係金邊粉， 我揀左轉油麵， 第一次上餐嘅時候上錯咗畀我🥲喇沙好足料 有好多材料 有三四隻蝦 四個豆卜 魚蛋 半隻蛋 炸洋蔥配咗蝦子油同埋青檸湯底好濃好正宗 食得勁飽 🌟香茅青檸荔枝梳打 跟餐$0跟餐有幾款特飲揀 呢個好好味😍😍好解渴 甜度適中 荔枝味係同水果嗰隻香味好似 唔會好假 仲有支香茅插咗喺度😂推介🌟海南雞飯拼新加坡喇沙米線 $108 桔仔話梅水(凍) 跟餐$0 同事呢個餐貴20蚊但係有齊曬兩樣嘢見到隻雞份量都唔少 部位靚碗喇沙都有番咁上下分量而且仲有跟油飯😂😂😂 嚇親大食嘅男士一定飽……

雖然平時真係好忙，但係對於食我真係有啲要求㗎！就算食快餐都唔想Hea 😄呢間餐廳我嚟過好多次，上菜快，而且食物都有質素👍🏻接兩個寶寶去補習班返嚟，呢度就係我哋嘅晚飯好去處李派海南雞飯拼白胡椒肉骨茶～寶寶至愛呢度嘅海南雞飯，無骨、雞肉夠滑，好方便食。白胡椒肉骨茶就係my favourite，湯頭甘甜，重重嘅胡椒味，飲幾啖即刻覺得個人成身暖晒，連條排骨都俾我食晒。炒通菜(蝦頭膏)唔食得辣就可以叫呢款，醬汁有蒜蓉香，配搭通菜，好惹味。大人小朋友都啱食。熱情果芒果沙冰～即叫即打，沙冰幼滑，入口酸酸甜甜，真心正！

上環嘅一間頗有名氣嘅新加坡菜最出名嘅都算係喇沙 ⭐️新加坡喇沙米線 有蝦，魚蛋，魚片，半隻蛋、較多豆卜湯底好濃郁好惹味，好正宗嘅新加坡咖喱，味道唔會好辣，而且椰奶味較重 配上嘅米線滑嘟嘟 軟身而且掛湯！有另上青檸同辣醬，唔夠辣可以自己再加辣醬 👍🏻⭐️檳城和牛蝦麵摻摻首先飲淡湯 蝦嘅鮮味好濃厚 鮮味都夠香甜，食完唔算好口渴 ，摻摻麵底係米粉加油麵，米粉幾掛湯，但油麵比較林 蝦麵都可以加埋和牛，肉味就更突出，牛肉片好嫩滑 生牛肉用湯浸熟 吸晒湯嘅味道 ⭐️和牛牛丸出乎意料地有驚喜，中間仲有粒粒牛筋嘅質感，有咬口之餘和牛味仲特別濃郁👍🏻🥥椰青 好清甜 椰子肉都可以食 🍹熱情果沙冰唔算好甜 有少少熱情果嘅酸味 幾開胃同清新 座位幾舒服 店員服務態度都幾好 食飽仲可以行吓古董街

～性價比絕對高，本身海南雞飯都要九十幾，只係加$20就有碗細喇沙，唔好以為細細碗，其實非常足料，材料有鮮蝦芽菜魚蛋糖心蛋，濃香嘅椰汁白咖喱味湯，有齊喇沙嘅精髓。海南雞飯有三款醬料，甜醬油、蒜蓉和辣汁，雞件嫩滑有汁無雪味，難怪幾乎每枱都有order。斑蘭咖央多士～外層嘅多士香脆，有麥味，入口夠Juicy！參峇醬燒豬頸肉～參峇醬味道甜甜辣辣，有啲似泰式辣醬，更多咗一份清新嘅薄荷葉香味，豬頸肉份量十足，燒得啱啱好，令人忍唔住食多幾件😄

已經第2次食，仲要係專登過海食，突然想食喇沙就第一時間就諗起呢間🤤😋新加坡喇沙米線 $82湯頭入口好香濃，辣度適中，係非常順口既辣味，奶香味同鮮甜味亦夠濃郁，米線煙煙韌靭，口感一流，掛湯力亦好高，會不知不覺一啖接一啖咁食哂成碗，入面配料亦唔馬虎，魚蛋彈牙，魚肉含量好高，味道魚香超夠，蝦仲好貼心咁剝哂殼，新鮮爽彈，好有咬口，豆卜亦索哂湯既精華，味道惹味到爆炸，最驚喜係有半個糖心蛋，成個食入口，蛋漿四散係成個口腔❤️，整體超級出色，必食推介海南雞飯拼新加坡喇沙米線 $108海南雞非常嫩滑可口，就咁睇色澤都好靚，雞皮爽滑，雞肉肉身食起黎嫩滑仲好有彈性，仲去哂骨，食落超滿足，配上雞油飯和獨特醬料，真係滋味無窮，配雞飯既3色蘸料有薑茸、辣椒醬同黑豉油，黑豉油質地比較濃稠帶甜味，辣椒醬就偏酸辣醒胃，薑茸就有鹹鮮既雞油香，各有特式馬拉盞炒通菜 $72炒得非常惹味，但又唔會太鹹，份量亦夠多馬来拉茶（凍）茶香同奶香都足夠濃郁南洋咖啡(凍）咖啡香味濃郁偏甜

李派海南雞飯拼 白胡椒 肉骨茶 118蚊好欣賞下個白胡椒肉骨茶， 味道香濃， 胡椒味十足！👍🏻海南雞飯啲雞都好嫩滑，好食❤️串燒拼盤雞肉大蝦魷魚鬚 88蚊每款有兩串，而且下面仲有青瓜同埋蕃茄仔墊底， 食幾啖串燒又可以食下啲蕃茄仔同青瓜清新一下， 而家係燒得好好味啲雞肉又嫩啲魷魚酥又香👍🏻新加坡喇沙 82蚊好足料嘅喇沙，而且味道香濃，又有椰香味，睇落好似好辣但係完全唔辣，岩味👍新加坡鹹蛋黃雞翼 68蚊有四隻雞翼，超級邪惡！外脆內軟，而且仲有鹹蛋黃味，超級好食🤤班蘭咖央多士 28蚊佢個肥仔牛油真係又香又滑，食落去淡淡脂肪嘅邪惡味道，好味！！

行過見到我最愛嘅喇沙 點都入去食番碗下午茶時間梗係要整番碗新加坡喇沙新加坡喇沙 $62包埋一杯野飲黎到一心以為油麵加米粉底 點知唔係有啲失望 但係佢呢個麵底勁好食睇落唔知佢係咩麵底 但勁煙靭勁爽滑一問之下 原來係米線 但一啲都唔似平時食開個啲米線 服務員仲同我講可以揀咩麵錯有錯著 我估下次都會照食米線喇沙湯底濃厚 好足料 米線掛晒湯 正入面仲有索晒湯嘅豆卜 有剝殼嘅蝦 魚旦魚片仲有半隻蛋 好滿足嗌左杯馬來拉茶 好滑好厚 下午茶加埋一 $68 👍🏽👍🏽絕對會令我想試埋其他麵

💁🏻‍♀️ 今日去上環行街期間忽然落大雨，就入黎坐下食個Tea等停雨，呢到環境以綠色啡色為主題，好有星馬風味，座位闊落地方大😍►新加坡喇沙🇸🇬 $62配料有鮮蝦🦐、豆卜、半熟蛋🍳、魚蛋、魷魚🦑，味道有啲驚喜，各種香料的份量岩岩好🥹，湯底濃郁，吱啲青檸汁🍋落去再增加味道的層次，米線非常掛湯。►海南雞飯🐣 $68雞肉係無骨雞肉🐓，肉質嫩滑，油飯好香豬油同香芧味。►參峇醬燒豬頸肉🐷 $65豬頸肉好大塊，厚薄適中，燒得岩岩好，配參峇醬好夾😍💕►香芧鮮橙茶🍹 跟餐$0成枝香芧係到，我開頭以為枝香芧係飲管黎😂茶味比橙味更突出。〠總結 ▁ ▂ ▃ ☻ 4.7/5 Tea Set $6x蚊包埋野飲，幾抵食👍🏻，估唔到一場雨又令我偶遇到間好食的餐廳，開心🥰

蝦頭膏炒通菜 $72用蝦頭膏炒通菜，蝦香撲鼻，條條通菜都沾滿蝦膏，食落小小咸，勾起胃口，拼埋雞油飯食都唔錯李派海南雞飯拼喇沙 $108李派海南雞同喇沙都係餐廳嘅招牌菜，一次過滿足。海南雞全部去骨，肉嫩調味剛好，點小小海南雞標配醬汁，就有幾種味覺享受。另外拼住一碗細喇沙，都好惹味，喇沙同食材吸晒特製湯汁，辣辣地甜甜地，幾推薦呢個set馬來炒貴刁 $128炒貴刁製作時間比較長，廚師落足心機去整。炒貴刁入面有臘腸片，蝦，魷魚......足料製作，甜甜地，仲有小小辣，食一啖想再接另一啖，不妨一試餐牌：環境：*設加一服務費

每次食新加坡、星馬菜，最糾結嘅一定係到底食喇沙定係海南雞好？想加個咖央多士但係又好似好飽肚，到底要取捨邊啲嘢食好呢？呢間餐廳完全可以解決上面所有問題！小姐胃都完全冇問題！🥇(推薦1st)🐥李派海南雞飯拼新加坡喇沙米線$108呢個主菜完全滿足到貪心嘅我！真係要高度表揚一下諗呢個菜單嘅廚師！俾我可以一次過滿足兩個願望！尤其是胃口細嘅人，想試食晒兩樣超重碳水化合物嘅食物真係好難，但係今次就可以一次過食晒啦！🥈(推薦2nd)🥭香芒大蝦米紙卷$68淨係見到個咁有民族特色嘅碟都已經加晒分！個賣相五顏六色，見到都覺得好開胃、好夏日！咬落去滿滿嘅芒果味，好fresh! 佢個醬汁我覺得有少少似司各脫嘅橙汁哈哈哈，有少少濃，甜甜地，同酸酸地嘅米紙卷又幾夾幾好食。🧈斑蘭咖央多士$28超級厚牛油，外皮烘底所以好脆口。美中不足係個牛油好似有少少硬，想拎把刀搽開佢都搽唔到🥺不過整體係好食同埋抵食嘅！平平哋過吓口癮都幾好！

呢間餐廳喺上環，都算坐得舒服✨李派海南雞飯拼白胡椒肉骨茶雞嘅份量都幾多，啱晒我呢啲大餸王！海南雞好彩唔生，剛剛熟，而且雞肉好柔嫩！雞油飯冇覺得肥膩，口感偏向硬身，而且調味濃淡適中！胡椒肉骨茶胡椒味偏濃郁，好暖身！而且入邊嘅排骨好軟林林，而且排骨稍微調味過，一啲都唔馬虎！✨新加坡喇沙喇沙嚟到嘅時候見到顏色已經係好靚嘅黃色，好似好濃味！湯底偏向中級嘅難度！辣辣地又有椰奶嘅甜甜地嘅味道！而且蝦肉都好新鮮，魚蛋彈下彈下好有口感！✨ 斑蘭咖央多士麵包熱辣辣好有心機！多士入邊有斑蘭、牛油等等材料真係好邪惡，不過好在就唔係好甜，都幾過癮！✨ 熱情果芒果沙冰夠晒酸同埋大杯，感覺好清新！

假日來到上環探朋友，仲有永安大減價，可以順便去shopping。不經不覺已經到了下午茶時間，朋友介紹抵食星馬菜，假日都有tea set，幾十蚊已經包特飲。招牌海南雞飯雖然係下午茶，但份量和午市套餐一樣，雞肉嫩嫩的，配最愛的三色醬，油飯彈牙不糊口，咸香味道惹味。馬來炒貴刁好夠鑊氣，貴刁又夠乾身，加上很多海鮮，蜆肉 ＋魷魚 ＋蝦仁。還有大量花生和辣椒粉，好香口又好刺激。串燒拼盤 雞肉＋大蝦串燒烤到金黃色的，雞肉嫩嫩的，蝦肉很貼心，已經除去外殼，很方便食用，而且附送沙爹醬，很惹味。牛油果五色米紙卷清新的口感和味道，除了吃肉類，也要吃蔬果平衡。米紙很有質感，不同顏色的蔬果拼在一超很漂亮，重點是一定要沾醬，清新芒果醬，酸酸甜甜的很爽口。今餐全部都是tea set，也是包飲品的，我們只order了三款：香茅青檸荔枝梳打吉仔話梅冰Corona beer最驚喜是beer不用加錢，最的好實惠。

💚半熟蛋 配 咖吔多士$48桔仔話梅水（凍）咖吔多士用上全麥麵包而且烘過，熱辣辣仲好脆口，中間仲夾左一塊厚厚的牛油，勁香口。半熟蛋 比我想像中要熟，蛋黃質地類似溏心蛋。桔仔話梅水真的很合適夏天飲，酸酸的，很開胃。💚街頭雞絲湯粉$46香茅橙茶（凍）好大的一碗湯粉，湯底清甜，雞肉不算乾身，河粉份量幾多，仲配有少量芽菜、洋蔥和炸蒜，芽菜是粗身的，令河粉的口感增加不少，整體好清新。香茅橙茶香茅味不算很重，反而橙味較出，整體唔算好甜，茶味都幾濃。下午茶嚟講，價錢都幾抵食。

每次食星馬菜都心大心細食海南雞飯定喇沙好呢？ 選擇困難既朋友黎呢度就岩啦！呢度有海南雞x喇沙combo 一次過滿足2個願望 海南雞飯 雞好滑冇骨啖啖肉好正 一碟仲要有好多舊 飯係油飯超香 有少少香茅味😋😋喇沙湯底無得輸 香得黎唔會好辣 椰香亦岩岩好👍🏻👍🏻炭燒豬頸肉 無諗過份量咁多 同朋友share一碟 一人起碼6，7塊 好似食極都有 燒得好好食 唔會好乾 又好香口咖央多士睇下舊牛油 係美味既脂肪呀 咬落去好滿足 麵包輕輕烘過 仲保留到軟熟既感覺👏🏻👏🏻呢度既飲品賣相好靚 絕對唔係虛有其表 熱情果芒果沙冰 酸酸甜甜 好開胃 朋友杯香茅青檸梳打都好fresh 好正👍🏻

成日午市經過LeeLaksa都見到入面坐無虛席，今晚終於捉咗男友嚟陪我試下晚市。話明叫LeeLaksa，相信佢嘅喇沙水準一定有保證，但男友又好想食海南雞飯，好在呢度有個雙拼有齊喇沙同海南雞飯，一次試晒兩款。喇沙細細碗但好足料，有豆卜有蛋有蝦有炸魚片，湯底好香濃超好飲，比平時食開嘅辣啲啲但都可接受，同期望一樣咁好食。相對嚟講個海南雞飯真係冇諗到咁好食，首先啲雞肉無骨已經加咗好多分，仲要食落好滑，點埋汁食就更香；油飯都比坊間出品更加好食，香而不膩👍🏻👍🏻👍🏻👍🏻除咗share呢個雙拼我地仲叫咗馬拉盞炒通菜，炒得好爽脆，又唔會過鹹，兩個人食份量啱啱好。嘢飲方面推介香茅橙茶，唔甜，茶味濃，飲落好舒服～今次太飽下次再試佢嘅甜品🤭