LeeLaksa

营业中

休息中

有時懶得煮飯就會嚟屋企附近嘅呢一間星馬菜餐廳食晚餐。大概七點幾左右嚟到，都幾多人，不過上菜速度都保持到。～～～Order咗幾樣嘢，包括有街頭雞鴨絲湯粉、李派海南雞飯拼喇沙和大蝦青木瓜沙律等等。～～～先說說街頭雞鴨絲湯粉，呢個湯粉唔係佢哋嘅主打，不過第一次食，覺得佢地湯頭都幾鮮甜，裡面有豐富鴨肉雞肉絲，搭配上細軟湯粉，淡淡洋蔥香，口感幾舒爽。～～～而李派海南雞飯拼喇沙就係我嘅favorite，好經典嘅組合，兩樣嘢都係佢哋嘅主打，叫呢一個就可以試晒兩樣，不過喇沙嘅size會比平時細。海南雞飯雞肉非常嫩滑，而家雞油飯亦是香味滿滿。喇沙辣度恰到好處，椰子香味十足，愛椰味重嘅朋友仔值得一試。～～～最後大蝦青木瓜沙律，就係行清爽開胃路線。大蝦爽彈，搭配上脆口青木瓜同花生碎🥜等等，清新可口，口感不錯。～～～LeeLaksa 上環皇后大道中302號地舖人均$180

LeeLaks地址：上環皇后大道中302號地舖G/F, 302 Queen's Road Central, Sheung Wan上環除了COFFEE SHOP 多, 想食星馬亞洲菜不多選擇, 門口在招牌店名大大個, 好顯眼一眼就望到‧個menu食物相影得好靚, 又多款式架食物都有。$118 先來個laksa , 湯好飲重椰香，有豆腐卜,蛋,魚片，蝦想食個菜, 點了個清爽架$78 牛油果雞絲沙律$68 鹹蛋黃燒雞翼有4隻, 是幾抵食，好多醬仲要是雞全翼斑蘭咖央多士 $28, 中間個厚牛油加抹了一層厚身, 味道香甜的斑蘭咖央醬, 麵包烘得香脆可口, 很好吃, 當作是甜品。

距離地鐵站5分鐘左右路程🌟怡寶芽菜🌟鍾意食芽菜既必點口感爽甜🌟馬來炒貴刁🌟同港式既炒河炒唔同架炒貴刁其實係炒粿條粿條係較河炒闊同厚身一上碟已經見到好深色惹味程度令人流晒口水食開重口味嘅會喜歡但平時食得清淡既人就建議其他款啦🌟李派海南雞飯拼喇沙🌟叫一道菜式食到兩款梗要叫喇沙麵身彈牙椰香味夠帶點微微辣一啲辣都唔識得嘅就唔好叫啦海南雞滑最鍾意食油飯每次出街都會點因為平時喺屋企整唔到坐得闊落閒日晚市都8成滿

今日我們4人行經過這間小店，發現都幾經濟唔會話太貴，因為下午茶有包一杯飲品，晚上單叫就無飲品，我地其中3杯叫了桔仔茶及一杯拉茶，而桔仔茶的價錢是$32一杯。而我地4人分別叫了海南雞飯，新加坡喇沙，馬來抄貴刁，咖央多士。

平時經過都好多人排隊，所以來試下係唔係甘好食。叫左肉骨茶拼海南雞，喇沙，串燒雞同埋蝦膏通菜。喇沙真係好味，唔辣，湯底有好濃嘅椰汁味，而且料都幾多，配左杯拉茶，味道偏甜。肉骨茶感覺同喺新加坡食嘅味道唔係好一樣，不過料都算足，海南雞分量還可以，配左杯話梅汁，味道清爽。串燒雞都幾大串，味道都唔錯。蝦膏通菜，呢個係最一般的，唔覺有蝦膏味，可以唔試或者試其他整法。

.LeeLaksa 位於上環嘅一間新加坡菜🥰舖位好顯眼，地理位置亦好好，餐廳附近有好多咪錶位，揸車黎都好方便👍🏻……….今日同屋企人行開上環，見到呢間新加坡菜過左中午時段都人頭湧湧😯就試下先!!!……….我地叫左2個lunch set，海南雞配肉骨茶，係我第一次食肉骨茶，原來幾好食，而且好足料，海南雞有3款醬汁，雞已去骨，食落啖啖肉，雞肉嫩滑喇沙湯米線唔辣，餐廳另上了辣醬，加左d風味，配上蝦、流心蛋、豆腐卜、魚蛋。沙嗲雞串燒，雞肉幾滑，沙嗲醬好香濃。我地叫左杯拉茶、南洋咖啡，好重奶味👍🏻……….充滿童年回憶嘅上環，已經轉變好大，而家已經變成好多遊客/本地人嘅旅遊勝地，細細已經係度嘅餐廳仲有幾間，下次再食埋先🤤……….另外餐廳提價嘅唔係普通牙籤，而係牙縫刷😯

放工同朋友經過呢間上環餐廳，店內嘅裝修好靚，價錢亦都相宜，就嚟試吓呢間新加坡菜，整體嚟講都唔錯！🟠馬來炒貴刁 $78依間嘅炒貴刁食落去會多少少甜味，顏色其實有啲似乾炒牛河！幾有特色，而且唔太辣，蝦同魷魚粒嘅份量都唔少，仲有青瓜一齊食，整體嚟講都唔錯！👍🏻🟡斑蘭咖央多士 $28食新加坡嘅食物，一定唔少得叫咖央多，呢個多士牛油夠晒多，都幾飽肚又大份！☑️🟢香芒大蝦米紙卷呢個卷夠晒多唔同類型嘅蔬菜，加埋醬汁一齊食好開胃！🟠雞絲鴨絲湯金邊粉份量都幾多，味道唔會太濃，唔食得辣嘅朋友可以一試！

我們今天吃了喇沙，海南雞飯、雞鴨粉和肉骨茶，說真的材料真的非常廉價、不夠新鮮，相當難吃，比food court還要差🥲誠然他的地理位置和裝修的外表，相當不錯，但請必須改善食物質素，很難接受雞沒有除去雪味、面都煮到糊糊的。請改善。

新加坡菜推薦🥢🥢🥢位於上環既leelaksa環境乾淨光猛 性價比不錯💯🌟檳城蝦麵🦐湯底好鮮甜帶蝦膏香味 兼帶點微辣配以摻摻(油麵,米粉）加上鮮蝦,豆卜同半熟蛋吸收哂湯嘅精華 夠哂惹味👍🏻🌟海南雞飯🐔雞肉好嫩滑 雞皮又爽滑 而且無骨 方便食油飯好香又唔會油膩仲有三款不同醬料 包括辣椒醬,薑蓉同醬油雞肉蘸完醬料後更加惹味😋🌟參峇醬燒豬頸肉🐷豬頸肉烤得外脆內嫩 肉質爽彈 配上惹味不膩口既參峇醬 好好味👍🏻🌟半熟蛋配咖央多士🥪咖央醬帶椰香配以牛油同脆多士甜而不膩 加埋半熟蛋 好有新加坡味道💯

每次經過見到佢入面嘅裝修好靚咁，覺得價錢都應該比較貴少少，所以一直都冇去試，但新年第一日開工就覺得應該開心啲，食豪啲，咁就去試吓，然後睇咗佢嘅餐牌先發現佢嘅下午茶真係好抵食，價錢又相宜，而且唔會因為係下午茶份量就好少每一份都絕對係正常午餐嘅份量，仲要有杯野飲，真係好扺新加坡喇沙 $62喇沙基本上可以話係依間餐廳嘅必點，基本上每枱都有點喇沙，咁我梗係唔可以執輸，梗係都點一份，一上枱就已經聞到超香嘅椰奶味，真係未食都已經流晒口水，味道雖然很濃郁，但係唔會覺得鹹，反而係會令你忍不到繼續食，因為濃郁嘅湯底，令每一啖麵都可以掛到湯，而且其他喇沙必有嘅配菜（例如蝦、蛋同豆卜）都吸收晒湯汁，每一啖都超級入味，唔會係嗰種煮好晒，然後等有人點就直接放上面，完全唔入味嗰種，好明顯係你點嘅時候先一齊煮，所以配料唔會煮到淋而且仲要係唔入味嗰種。所以嚟食，超級推薦食呢個！馬來炒貴刁 $78冇睇錯，佢真係炒貴刁！雖然顏色有啲似乾炒牛河，但係人哋原本嘅顏色真係咁樣（因為都係用醬油去炒），我哋平時見到嘅炒貴刁會係黃色，係因為香港嘅餐廳唔用醬油和辣椒醬去炒，反而係用咖喱醬（則係平時炒星洲炒米嗰隻酱）去炒，所以依間嘅炒貴

店舖位於皇后大道中，地點極方便，舖位大，遠距離都見到！✨李派海南雞飯配白胡椒肉骨茶海南雞雞件份量都幾多，嫩滑無骨，冇雪味👍🏻肉骨茶係我每次食新加坡菜都會order嘅，呢度嘅用料好足，有好多件豬肚和排骨，湯底重胡椒味，入口帶甘甜，好正😍飲完暖笠笠！✨蝦頭膏炒通菜同小朋友一齊食，就揀咗唔辣嘅蝦頭膏，用上幼身嘅通菜，爽滑無渣又惹味！✨斑蘭咖咉多士大大塊牛油🧈，見到真係好療癒，多士超級香脆，必食！

[ LeeLaksa ]每次經過呢間鋪頭長期都要排隊，睇下係咪禁正先😆😆Tea Set✿ T01 新加坡喇沙🥘 $62新加坡風味既喇沙普遍椰汁味較重，有少少辣，而且會放入較多蝦乾，令湯底呈現出好似咸蛋黃般獨特的流沙感😍✿ T05 海南雞飯🐓 $68海南雞飯係必叫，肉質嫩滑，油飯香口，隨餐仲附送埋雞湯。✿ 香茅青檸荔枝梳打✿ 馬來拉茶 兩款飲品跟餐包埋，食到口渴飲啖梳打啱哂，香茅味好突出，而拉茶都偏向馬來西亞口味，偏甜&奶味重d。✿ T11 大蝦青木瓜沙律 $68比較清新一d ，無泰國菜果款咁重口味👍🏻👍🏻✿ T13 參峇醬燒豬頸肉 $65肉質爽嫩多汁，唔乾身，配埋個參峇醬，送飯一流👅👅總結🫦餐廳格局似連鎖式快餐店，所以價格都比較平民化，野食種類多，質素都唔錯，一試無妨。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿LeeLaksa地址: 上環皇后大道中302號地舖電話:22658999✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

參峇醬燒豬頸肉～豬頸肉扇形嘅設計做得好好，可以完美沾上醬汁，肉質爽彈，燒得啱啱好。參峇醬就有點似沙嗲醬和XO醬嘅混合，味道特別又惹味！李派海南雞飯配肉骨茶李派海南雞飯配新加坡喇沙米線🍜I～海南雞皮爽肉滑，配上配黑豉油、薑蓉及辣醬，三色醬配搭，更添風味！肉骨茶湯底胡椒味重，飲兩啖，成身都暖晒，冬季好適合🙌🏻新加坡喇沙米線雖然係細碗版，但用料充足，鮮蝦、豆卜、糖心蛋、魚片，一應俱全，湯底重好重椰汁味添！

過年食咗唔少中菜，呢日想簡簡得得食下comfort food，於是乎決定食下久違既新加坡菜。兩個人叫咗海南雞飯，喇沙同埋青蘋果牛油果沙律。李派海南雞飯（$88）- 雞唔算太肥，入口嫩滑，點埋啲醬料好味呀。另外好鍾意佢嘅油飯，入口比較乾身，唔會肥淋淋。上菜連甜豉油、辣醬同薑蓉，個人覺得點甜豉油同薑蓉都好好味。新加坡喇沙（$82）- 好夠味，特別要讚賞下佢嘅喇沙，入口好滑，浸耐啲食都保持煙韌，唔會淋晒。材料簡簡單單，有必食，勁入味嘅豆卜，蝦，魚蛋同埋糖心蛋，夾埋個湯底食，好香口惹味。牛油果青蘋果沙律（$75）- 好清新健康嘅一個沙律，青蘋果同牛油果份量多，另外仲有合桃，加埋少少醬汁，味道唔錯。熱香茅青檸蜜（$28）- 青檸配淡淡嘅香茅味，冬天飲真係一流。環境裝修都舒服企理，特別要讚一讚餐廳上菜速度好快。食飯途中都見有唔少外賣單，食物質素唔錯。

上環真的是美食天堂。單是馬來西亞星加坡菜，例如喇沙、海南雞飯等，也有很多的選擇。今次來到這一家，感覺餐廳內環境比較舒適，不會像其他小店一樣那麼擠擁。最喜歡吃肉骨茶，所以先叫了一個胡椒肉骨茶試試。份量一點也不少，一大碗的肉骨茶加上，一碗油飯，還送了一條油條，雖然午餐要將近$100，但也感覺OK。味道是好吃的，胡椒味很濃，油飯也是水準之上。然後加了一碗蝦面。湯頭的蝦味也很足夠，配料也頗多。麵條加粉絲的組合，真的只有正宗的馬來菜才可以吃到，這一道也可以推薦。最後午餐附送一杯飲品，點了桔仔話梅水。神奇地除了拉茶之外，這裏的飲品選擇還可以點啤酒！真的有點驚喜。