Just Steak Premium (已結業)

我今日第一次食呢間餐廳 , 叫左一份澳洲M7和牛配燒汁, 肉質嫩滑，多汁牛味甚濃, 好好食 ! 加錢可以轉做餐。飯、意粉、薯條、餐湯、沙律、飲品，隨自己喜好選擇,  相比起其他鐵板餐廳的單調配菜, 這一點很加分。落單後，大約10至15分鐘左右，熱辣辣嘅鐵板牛就送到你面前。在鐵板的熱力底下，洋蔥和玉米變得香甜，牛排也由粉嫩的紅色變得恰到好處。店員都會教你一次點樣享用呢塊牛扒。唔記得唔緊要，枱面有塊牌逐步教你。而且桌面上仲有消毒噴霧, 非常周到 ! 

上次自己去食左份美國穀飼西冷牛扒 , 好好味 ! 所以今次推介埋比朋友 , 帶佢去試下! 我地叫左份澳洲肉眼牛扒 (200) + 澳洲西冷牛扒(200) 見到+$49 就有隻大蝦, 好抵! 所以我地每個人都叫左一隻, 果然係好值得加錢 ! 蝦味鮮甜, 肉質厚嫩, 仲好爽脆添 ~ 我地仲叫埋套餐組合意粉, 沙津, 同埋隻溫泉蛋d蛋漿流出黎既畫面真係好療癒兩個人最後食左幾舊水, 我覺得係值既 ! 而且仲要超飽肚 ! 

之前經過幾次 聞到d肉味好香已經好想入去試試，今次終於試左啦！果然無令我失望我叫左份200g 紐西蘭自然草飼 西冷牛扒 (medium well) 配黑椒汁（total $76)，真係好抵好好食牛肉好香好結實，熟度岩岩好，塊肉又唔會太生，呢個價錢食到咁既質素，真係要贊下而且餐廳環境好乾淨，服務態度好好。佢地桌上面仲有個消毒噴霧器，呢個位好貼心，加分呢間好味又抵食，雖然超飽，但我已經等唔切啦！下次試埋佢地個豬肩扒同埋加個套餐組合先！

星期三同男朋友行完山，好熱好口渴，想飲番d果汁消暑，所以就叫左佢地呢杯特飲。本身都對佢無咩期望，純粹比佢個包裝吸引左同埋想解渴，點知一飲，紅柚同荔枝個味道原來咁夾，係出面未飲過咁特別既味道！ 而且仲有啲膠原蛋白啫喱係底，啫喱係無糖既，所以成杯野飲有口感得黎又唔會有罪惡咁正！ 而佢地個扒餐都係一如既往地咁抵食我地叫左個 200g澳洲M7和牛 配燒汁 同埋 200g 粟飼豬肩扒 配蒜蓉汁，兩個扒都好正，大大舊，好滿足

睇食評好似睇落都好似唔差, 係有幾個唔LIKE佢服務, 去到門口又見入面有幾多人便入去試試好老實食物水平一般唔係好, 又唔係差,  本來都無物所謂, 不過埋單時真係食出個奇蹟, 係今時今日仲有呢招, 難得難得, 為左要留差評,   只好盡量加油加油服務果D 我唔講前人都有講, 都好忠肯,  今次想講既係最過引今時今日人價格同餐牌玩古惑, 我估我出左POST都可能益左佢去糾正返. 咁大個人食野明明睇住MENU 以為明碼實價, 點知都會食前睇一個價, 去到埋單有唔同演繹見好評既, 都係食SET LUNCH, 我都以為無死, 我都係食SET既, 點知咁都會有出入, SET價笨唔係成SET(主菜+配菜飲料)既價, 係你叫埋玩菜, 呢個先會有SET呢個價, 即係配菜再加單價(佢會叫做係SET價)LOL埋單多幾十, 無問題, 今時今日呢D唔知係唔係服務問題既一種, 總之就感覺唔係咁好, 你話佢錯,佢又可以用自己演繹, 又有得比佢講得好似通, 我免同人生氣爭執同朋友一齊, 算!  自己只會無下次, 不過都想比多個參考各位, 有機會會中招 或者佢都歡迎勇士去迎戰佢地而唔改返個餐牌既我真係希望老麥KFC

今日晚餐冇煮飯，就落咗樓下商場食牛扒大餐。牛扒餐有配少少粟米，蕃茄，同埋豆，一個意粉同埋一個忌廉湯。整個賣相都好吸引，牛排夠厚夠大塊、無乜筋。最估唔到係有忌廉溝鮮奶飲！

點了一份極上牛柳 200g $93 + 8吋長深海大蝦 $49/1隻+ 套餐組合 A $39 選3款選了薯條、薯仔湯、熱柚子蜜店內有一個位置可以自行取水和紙巾牛柳放在鐵板送上 還有蒜心、粟米粒薯條很脆不錯不過要趁熱吃～蒜汁提升了牛柳的香 牛味香 好吃👍🏻大蝦真的很大隻 比我的手還大 大滿足😋不過薯仔湯味道很淡沒什麼特別柚子蜜等了很久 提了店員第二次才告訴我們 不是即沖 而是把罐裝柚子蜜加熱 但沒有取走 變得過熱 因為太熱 我不敢開來喝 怕爆開 店員也沒有換另一罐給我 😓

叫一份西冷 二份肉眼..加了49蚊三份小食感覺很懷舊….我們給9.5分…坐得很舒服😌有嘢飲服務尚可….選了澳洲的牛一般口未…..舒適地談話…最後我地486.2賣單。

基本上係我嘅飯堂，一個月至少食一次，我好少食佢嘅鐵板牛扒，反而我鍾意食佢嘅飯set lunch，大碗又唔貴，坐得舒服，好服務。*照燒雞扒軟殼蟹丼定食 $78set lunch有丼飯，醃黃瓜，麵豉湯，西瓜。丼飯好大碗，照燒雞扒肉質嫩滑，冇雪藏雞味，甜甜地，唔係好照燒汁味。軟殼蟹脆卜卜但份量唔多，仲有炸金菇，可食用但以裝飾為主。麵豉湯有幾粒豆腐同幾片海帶，我覺得過鹹。鐵板三色芝士照燒雞扒煎飯 $78超級熱辣辣，超級辣嘴，芝士完全冇三色可言，得雞皮面嘅芝士汁同白飯上啲啲芝士。雞扒滑，完全唔照燒，偏鹹，少少甜都冇。白飯撈少少溫泉蛋，少少粟米，加片醃黃瓜，加埋蔥花蔥絲同跟餐豉油，口感滿分，味道滿分，層次感100分。btw 凍咖啡雖然係預先包裝嘅樽裝凍啡，以預先包裝嘅標準嚟講，佢夠咖啡味又唔會太甜，值得試一次。三文魚蟹籽菠菜忌廉汁意粉 $76三文魚嫩滑又香，三文魚子得幾粒，菠菜得幾條，忌廉汁真係得忌廉汁，非常之淡嘅奶味，而且好稀，如果有芝士一定正好多。意粉煮到啱啱好，質感彈牙，連埋忌廉汁食，都係好淡味，唔推薦。

Just Steak Premium😋我今日去左馬鞍山食牛扒👍中意食扒既人可以去試下😆紐西蘭西冷牛扒200g配燒汁 $76 😋牛扒多汁又嫩口，切開係粉紅色肉，熟度啱啱好。而且職員好貼心，會提我哋先切開睇下熟成度再決定幾時加醬汁，如果中意食熟d既朋友仔，可以遲少少先落醬汁將鐵板降溫😍😍另外加套餐combo A $39😋薯條好香脆，味道好夠❤️果茶亦好解膩，啱哂食牛扒既時候飲🤩🤩整體評分：4/5環境：4/5味道：4/5抵食：4/5地址：馬鞍山鞍祿街18號MOSTown新港城中心(4期)2樓2105號舖

一家四囗想食D飽肚既野食，所以嚟咗呢度試吓。200g既紐西蘭西冷牛扒做緊特價，所以大囡試吓，加多少少錢做套餐揀咗醬油溫泉蛋同白飯，夠晒飽肚。我就叫咗200g紐西蘭肉眼扒配磨菇湯及薯條。以我哋兩母女為例，200g既扒已經好足夠。待應好好送扒嚟既時候叫我哋切好先加燒汁，咁樣先可以令到D肉熟D（因為我地想要well done)，佢教嘅方法到食嘅時候真係咁咁好，而且肉質仲好好。我老公同細囡就食佢哋既鐵板系列，豚肉生薑燒煎蛋飯及泡菜骰子牛肉炒飯，兩者也好好味，但油份就多咗D，所以有D漏。不過，佢哋既凍果茶真係好fresh好味又解喝，值得一試。

而家嘅星期六日馬鞍山新港城都會人山人海，好多食肆基本上都要排隊先有得食。呢間有時行過見到佢大大塊Banner,見到個牛扒好吸引..同埋又有Holiday Lunch Set..所以就坐底了。假日午餐個類別都算..A-H…飯，意粉，定食，早餐都有..燒紐西蘭牛扒全日早餐 $98份量好多…有兩條腸仔，茄汁豆，煎蛋兩隻，兩塊火腿..主角牛扒食落都好香..而且又唔會太硬..呢個價錢有咁多嘢食都算抵小龍蝦龍蝦汁意大利粉 $88呢個嚟到就有少少失望..圖片可能真係僅供參考…因為睇相佢係成碟都係紅色.個感覺就好似肉醬意粉果種諗都冇諗過係會有一pat沙律醬撈啲小龍蝦肉..而個龍蝦肉本身係淡而無味加唔彈牙..意粉同個汁係幾香的但覺得成件事好唔夾…最後我真係淨係食咗啲意粉🥲

經過幾次都好想試下，今次終於入去食，叫左個3重芝士和牛跟餐，黎到話自己炒一炒先再食，鐵板溫度夠熱都可以炒到想食既熟度，但冇乜牛味，跟餐隻溫泉蛋凍既，我屋企人形容係煮好左放入雪櫃再拎出黎仲要食到唔舒服同佢講，態度仲要勁差

好肚餓，食下午茶但又想試新餐廳，去左呢間新過一輪既just steak~之前睇過review, 好壞參半但係見$66有意粉加餐飲就試吓啦～我見無乜人都有d擔心，話晒星期六下午小龍蝦🦞意大利粉 加 咖啡咖啡出奇地好飲😍我真係想問佢用邊隻牌子意粉一黎我覺得好靚呀！賣相好好👍🏻味道淡口左d, 但又覺得無乜味精都係好足料，龍蝦仔唔少呀，下午茶真係好抵，服務都ok ar, 可能無乜客下次應該可以試吓佢地既牛扒～希望唔好令我失望

馬鞍山向來都係美食沙漠。偶然有乜節日生日週年要慶祝，都吾知有乜好食。哩間Just Steak 可以係唯一選擇。今日雖然吾係節慶，但週日就出去食餐好D啦。午餐價格合理D。照燒鷄扒軟殻蟹丼定食。雞扒嫩滑。軟殻蟹炸得鬆脆，天婦羅金菇漿薄薄的。飯係珍珠米，不過煮得硬左D。定食跟醬瓜，西瓜，麵豉湯及餐飲。壽喜燒牛肉丼定食。牛肉好好味，撈埋溫泉蛋蛋汁，十分match.同樣有天婦多金菇，醬瓜，生果，麵豉湯及餐飲。餐廳防疫做得好好，每枱除了有搓手液，仲有小型空氣殺菌清新機。枱與枱之間用透明膠間開，食得好安心。