Just Steak Premium (已結業)

1️⃣鐵板牛肉牛油香飯今次試咗呢個鐵板牛肉牛油香飯，整體味道幾好。牛肉煮得啱啱好，嫩滑又多汁，搭配上牛油，香氣四溢。飯粒吸收咗牛油嘅味道，食落去好香，不過有時覺得牛油味有啲重，可能對唔鍾意油膩嘅人來講會唔太適合。鐵板嘅效果都幾吸引，熱氣騰騰，食落去感覺幾滿足。2️⃣蔥油厚切豬扒至於蔥油厚切豬扒，口感方面就幾唔錯。豬扒厚切，肉質鮮嫩，外面有啲脆口，但賣相就還好，搭配啲白飯一齊食，整體味道幾好，但如果可以放少d蔥，會更加好食。總括嚟講，呢兩道菜都係有佢哋嘅優點，但有啲地方可以再改善，整體體驗都算係唔錯！

馬鞍山嘅餐廳選擇唔多，好多年前食過呢一間，今晚再俾多次機會。同行有人話呢度似高級版嘅Pepper Lxxxx，不過始終唔同，呢度主要係定食類型。先決定好肉類同埋份量，然後再加小食/白飯/意粉之類。我哋叫咗一個亂切牛扒跟白飯同溫泉蛋，同埋一個西冷牛扒跟意粉同豆腐。牛扒上到枱係三成熟，要自己先煎香佢，跟住再落汁，炒完之後就可以食啦，兩個牛扒嘅味道都唔算好食，亦都比較煙靭，咬唔開，牛味非常之少。好彩嘅係，佢嘅汁比較濃郁，撈埋白飯同意粉都算好食。

平日午飯趕開會，諗住去食個快捷麵餐，見到呢間包裝到全部日式材料，日本出前一丁、日本蛋，索價$70。心諗，好過食隔離敏華。生意難做，招呼極好，因為趕時間，成個set車上枱唔使10分鐘，餐點熱辣辣，全部日本材料，冇投訴。

黑松露炒蛋，厚切午餐肉，出前一丁，多士半份。只收八十蚊，真係物超所值令人回味的一餐，食完都覺得自己高級咗希望大家多啲留港消費，咁樣我哋先可以繼續食到呢類高級食肆。

店長態度值得加許！每位服務員都很有禮貌。本人見服務員介紹餐牌內容給每枱客都非常用心。我第一過來吃，態度非常好，服務員很有耐性。是意料之外，在香港很久沒有遇見過。值得推介。

▪️ 美國特級安格斯西冷牛扒 ▪️美國特級安格斯西冷牛扒真係好抵食，性價比超高。牛扒係用鐵板煎嘅，好傳統，煎得外焦內嫩。牛肉入口嫩滑，肉味濃郁，每一口都好滿足。配菜配菜方面非常豐富，有粟米、薯條同沙律。粟米甜甜脆脆，好新鮮；薯條炸得香脆，外脆內軟；沙律用料新鮮，配上清新的沙律醬，亦唔會搶走牛扒嘅風頭。環境呢度嘅擺設有種高級茶餐廳嘅感覺，簡約而不失格調，坐喺度用餐感覺好舒適。呢間餐廳真係性價比高，食物好味又唔貴，絕對係平食牛扒嘅好選擇。

除咗牛扒之外，其他嘢都唔好食，佢的意粉10分鹹，啲湯都好鹹，服務態度都唔係好，食過兩次應該唔會再有第三次。。又貴。。。。。。。。。。。。。。。。。。。。。。。。

收工突然肉癮大起，化身食肉獸同朋友四圍揾下有乜食，突然見Just steak，我哋四目發光，立刻入去食扒！睇完餐牌一秒就揀左肉眼扒，牛扒大大份，下面墊左洋蔥，粟米，鐵板上，方便調整牛扒熟度，我揀左燒汁搭配牛扒。我哋兩個都好肚餓，塊扒好快就比我哋殲滅左，真係滿足。

係馬鞍山買嘢，lunch time見到呢間餐廳的menu好似幾抵，咁就試一試😆香草烤西班牙栗飼豬肩扒配香味飯 $108呢個飯我揀咗燒汁，豬扒好大塊好厚身，食落好軟腍，好易咬開，油脂位都好好食😋薯仔好淋，用叉一壓就散開，蕃茄仔超甜，其他蔬菜都烤焗得好香，唔錯👍🏻飯素真係唔錯，有飯素個面的白飯我食哂🤣跟餐 田園沙律沙律係凱撒沙律，生菜非常爽脆，個sauce都幾香。餐飲 蘋果柚子蜜蘋果同柚子都幾夾，而且份量都多，杯底有勁多蘋果肉😆Just Steak Premium (馬鞍山)馬鞍山鞍祿街18號MOSTown新港城中心(4期)2樓2105號舖*上述文章只供參考及以當時價格為準

非常差的體驗，今天等到中午12:00開門準備同太太去試全日早餐，但餐牌見不到全日早餐，問女侍應是否已取消了，佢居然回答我全日早餐係下午茶，宜家午餐無…。 我問係全日早餐喎，所以叫全日，如果已取消可以直接告訴我，或已改為下午茶也可告訴你，但佢只係好唔耐煩咁答一個字*係*之後轉身就走開一直都有去這間餐廳一直覺得食物同服務都很不錯，但今次真係非常非常失望，難怪而家香港嘅消費轉移往深圳依個就係其中一個主要嘅原因😔

今次就黎到一間大家經常會見到嘅牛排店，Just Steak。朋友話佢哋嘅牛扒物有所值，所以就攞下膽去試吓囉。我揀嘅菜單上有蔬菜沙律開場，清新得嚟又爽口，真係貼心。主菜來到，我嘅眼前係一塊厚身澳牛扒，啖啖肉咁夠哂分量，刀法精湛得令，每塊牛扒香噴噴，軟滑得嚟肉汁豐富💦，夾點檸檬汁搽一搽，真係鮮甜透心涼！鄰桌嘅朋友叫咗支骨膠原咸檸七，睇佢飲得好滿足，下次要嚟試吓😋。同朋友仲点咗個櫻花蝦茶漬飯，只可以用得意嚟形容，睇嚟廚師手勢一流👍，鰻魚朝一舊舊，肉感十足，櫻花蝦脆口香脆，舀一勺茶漬加落飯裡，立即整個味道激活晒。食完之後真係滿足到不得了。順帶一提，佢哋嘅咖啡出奇地正，揸杯咖啡坐一坐，其實都幾寫意㗎！餐廳嘅服務都唔錯，清潔度得閒，環境都幾舒服，下次有機會再過來搵食😄。

星期六早上過了11：30在馬鞍山真係唔知去邊到揾食，周圍都是人，見just steak 無人排隊，之前夜晚食過都ok, 就試試午餐叫了2個假日午餐set, 一個日式海鮮炒意粉，另一個黑松露牛肉焗飯，包湯和咖啡座位ok, 但酒煙味頗濃，上餐用一個快餐盤，對於近100元的午餐，實在有點兒戲。湯是忌廉西蘭花湯ok, 意粉中上日式feel，但份量較少，反而牛肉飯，牛肉較淋，ok好食。說說上菜，居然先上咖啡，等了許久才以快餐盤上湯和主菜，有點奇怪。咖啡原來是pokka, 都有些水準。總結以200元的午餐，水準一般尚可，不致回味，食完全身酒煙味頗難受。

Just Steak Prenium📍馬鞍山鞍祿街18號MOSTown新港城中心(4期)2樓2105號舖. 味道：😋😋😋😋😋環境：🎑🎑🎑🎑🎑服務：😏😏😏😏😏😏😏到馬鞍山新港城行街，食肆就好多啦，不過到Dinner Time間間排晒長龍，就諗住求其去條冇咁多人排隊嘅舖頭睇吓，點知又幾有驚喜喎😱🥩我哋今次order咗兩份紐西蘭肉眼扒套餐(200g)配黑椒汁💸$148大大份，好抵食👅包咗飯🍚或者意粉🍝仲有日式凍豆腐同餐湯服務好周到，話俾客人知牛扒只係煮到2-3成熟，客人可以就自己想要既生熟程度，用鐵板加熱牛扒🔥🔥肉眼扒煎到外面香脆，入面肉質軟淋淋，入口肉汁滿滿💦💦牛味十足，令人淡淡回味🤤🤤————————————————————————#香港美食 #美食推薦 #美食日記 #馬鞍山#新港城#晚餐#dinner#美食推介#日式鐵板燒#鋸扒 # 影相#打卡#相機先食##hongkongfood #Hk steak#Japanese steak set#日式肉眼牛扒#hongkongfoodie #美食 #推薦美食 #

呢間食扒既餐廳係新港城中心開左幾年, 鍾意佢扒既份量可以選擇(200g/300g)同埋有唔同套餐組合, 可以唔揀野飲, 揀其他類別既食物我地叫左澳洲西冷200g, 本身以為唔夠食, 點知都幾飽下, 牛扒上左菜後要記得快d切同煮熟少少, 唔係既話可能五成熟都無我大約整到7成熟, 味道肉質都好ok, 薯條正常, 自選組合既溫泉蛋推介, 我估豆腐都唔錯的, 性價比高另一樣我地叫左"烤菠蘿西班牙伊比利亞粟飼豬肩扒", 豬扒調味ok, 另外個烤菠蘿好正, 好好食, 性價比高, 所以都係會推介

呢間已經第二次食 啲牛扒唔錯 食落唔係鬆肉粉牛扒 上次食係懷孕中 所以要幾乎熟哂 但啲手都唔會太難咬 今次生咗再去食 終於可以食返3成熟牛扒今次一家三口去食 小朋友只係個半月大BB 一入去已經有職員怕我哋BB車放枱旁唔夠位 另一個又好細心驚倒汁會彈到BB車 比埋圍裙遮住車仔 等野食時BB喊 唯有抱起佢 圍裙著住遮埋BB 牛扒上枱 應該係經理走埋嚟 話幫我倒汁 跟住仲問我要幾成熟幫我切埋 真係好細心 經理控制得好好 見到完美既3成熟 又好夠牛味 好味