Just Steak Premium (已結業)

馬鞍山區小有湯烏冬所以見到二話不說就進去了。第一次係堂食石窩牛烏冬，石窩真的很燙好好味😋，但一摸到佢個黃色木餐盤就⋯⋯🥴，整個餐盤可能完全唔洗就重用，摸邊度都係「痴笠笠」🤢，對即棄木筷子🥢無套入住直接放上餐盤面想起都十分嘔心，之後就算想食他家餐廳都只敢外賣！外賣試過也是牛頸脊極濃牛肉湯讚岐手打烏冬😋，牛頸脊很足料湯係濃但喝不出是牛湯，10分鐘車程回到家，外賣只係微暖本人也不會怪他，始終食過他家的石窩是熱燙燙的得回味，可惜就是他的衛生問題令我不敢再到此處堂食😩餐廳食物質素再好、味道再正，也要注重衛生吧！真可惜！疫情嚴峻請餐廳負責人更要加強清潔，如果不是的話真的做不下去了！

早前發覺買咗啲 coupon 就黎到期,星期日晚就出動去新港城据扒,6點去到已經8成滿,太太食安格斯,肉質OK,而囝囝食俄羅斯牛,咦,又唔錯噃,比想像中好,而我就食豬扒,呢度啲豬就過熟了,無咗嫩滑嘅感覺,反而菠蘿就幾好,好甜,我地今餐加了鵝肝,口感juicy, 不過今晚啲汁醬鹹咗少少,當等食物時,經理見我地左計右計,可以用幾張coupon, 經理就提醒,鵝肝做特價,唔可以用coupon, 咁我地就叫多個小食,炸軟殼蟹,都係鹹咗少少.希望店家唔好咁小家,可以減少用coupon 嘅限制。

本來找到這家餐廳🍴是因為下錯站了結果無意見來到這個商場，在聞訊台問到了這家牛排🥩店。什麼叫油脂豐富，入口即化，我今天終於見識到了！！點了招牌的和牛牛排🥩200g，對於小鳥🐦胃女孩子👧來說剛剛好，剩下兩口的量。非常美味～～下次一定會再光顧！！

今晚和老婆於馬鞍山just steak食晚餐,我們點了美國肉眼扒,意粉,粟米湯和果茶,俄羅斯肉眼牛扒,白飯,龍蝦湯和咖啡,另外我們加了大蝦和鵝肝,美國肉眼扒我點了300g,我點了蒜蓉汁,肉質味濃,食落有油花,蒜蓉汁帶出肉眼美味,意粉食落爽口,配菜羽衣甘藍爽口,粟米湯味道清甜,果茶甜度適中,另外加了$48深海8吋大蝦,大蝦新鮮彈牙,口感滿足,俄羅斯肉眼牛扒點了250g,我點了黑椒花,食落肉質味濃,黑椒辣度適中,白飯軟綿,龍蝦湯飲落香濃,凍咖啡味道香濃,另外我加了$39煎鵝肝,食落入口即熔而不油膩,餐廳座位舒適,肉眼味道香濃,食物美味,食了一餐豐富扒餐

黎到馬鞍山唔知食乜好，喺出面聞到個扒房好香，就入咗去食。我哋就叫咗一份300g既美國特級安格斯牛眼肉扒，本身都好驚過熟會好硬，所以就叫咗三成熟。黎到非常滿意塊扒，好有口感，肉質一流，另外我哋仲叫咗一份鵝肝，塊鵝肝係另外用鐵板上，鵝肝入口即溶，非常好食，極力推介，鵝肝再加埋塊肉扒一齊食，食落係另一個層次。我哋仲叫咗套餐，有龍蝦湯，都幾好味㗎。我哋都仲叫咗卡邦尼意粉，但係係扒房都係食返牛扒好啲啦哈哈。

半個月前，去左太和一間專賣鐵板牛扒嘅餐廳，食左個令人失望嘅牛扒。今次呢間鐵板牛扒餐廳，雖然牛扒未到好味，但無論環境、座位、抽風、價錢、牛扒質素等，都比太和果間好。紐西蘭肉眼 300G $133 (跟餐價)我自己平時甚少食紐西蘭牛扒，估唔到肉質、肉味同澳洲肉眼分別不大，如果佢唔係插住枝旗，真係會以為同澳洲牛扒係一樣。澳洲肉眼 300G $143 (跟餐價)同紐西蘭肉眼一樣，食口感，牛味唔重。美國西冷 300G $163 (單點價)ORDER三款肉5成熟，但呢塊西冷上枱果陣已經近8成熟。牛扒色澤比另外兩款淺色好多，望落有D似豬扒。肉質明顯偏實，不過牛味係三款中最重。我個人唔太中意餐廳個餐牌設計，佢為左令客人產生「牛扒配套餐好抵」嘅錯覺，搞到個餐牌好花、好複雜、密密碼碼嘅數字。牛扒配套餐比單點平$10，其實簡單D，寫「加$29-39可以配套餐」，少一排數字，少一點眼花。

好想食牛扒呀到店舖時服務員好親切咁講解之後揀左自然草飼紐西蘭肉眼牛扒，牛扒上面有香草牛油同我最愛嘅蒜片味道不錯，牛扒亦好軟淋岩仔仔食仲有好多粟米粒好香甜，只係湯一般般！意粉我哋叫咗日本北海道松葉蟹肉蟹籽忌廉意粉🍝仔仔超愛食蟹肉，今次滿足晒佢有咁多蟹肉，加埋忌廉醬味道好夾好好味另外我加咗薯條🍟配芝士醬，薯條炸得鬆脆配合埋芝士醬一齊食又幾好味呀如果同埋爸爸仔仔一齊嚟食就好啦，因為可以試多幾款唔同嘅意粉同小食

不知從何時起，阿仔成為了一個牛肉迷。每一次出外食飯，問他吃什麼，總會是牛肉飯，快餐店的肥牛火鍋同食牛扒。所以，好多時，都會 end up 去連鎖食店，滿足下小朋友既胃口。而這日，我同阿仔二人在馬鞍山午餐，我又問一問仔仔想吃什麼。他一開口就說要去食牛扒果間，因為大家都未食過。就這樣，大家很快就決定來《Just Steak Premium》午餐。阿仔始終喜歡牛肉飯多過牛扒 (因為扒餐沒有飯)。牛肉壽喜燒丼定食。定食有湯，有油漬物，有水果及飲品，看起來似乎是一個健康午餐。而牛肉丼飯本身，就因為有味道十足的牛肉同洋蔥而令小朋友吃不停口。沒有過多的汁，但有半熟蛋汁，令口感同味道都加倍地增強。伴飯的炸菇亦非常之有趣，也有很濃的菇香。阿仔話正。我點的是鐵板餐，牛扒就要了 200G 的 M7 牛扒。印象就是即叫即切出來的牛扒肉，肉味不會因為預先切了片而隔空氣散發掉。傳統地，加上了燒汁，牛肉的香味立即增強。用刀輕輕一切，再用口輕輕一咬，肉質甚是嫩滑。雖沒有太多的牛脂肪，但同樣地肉味濃郁。吃入口，每一啖都是牛伕香，非常之好。跟餐配有龍蝦湯。味道濃烈而不腥，不用加胡椒及其他的味道了，就這樣已經好滿足。另外仲

老公生日，去咗馬鞍山想食西餐慶祝下。最後揀咗呢間just steak 据下扒 叫左一份西冷，一份肉眼 點知店員可能按錯左，上左2份都係西冷🥲要等多20分鐘先上返另外果份肉眼扒嘅份量適中，但係2份都得5-6成熟，出左餐都要等多7-8分鐘，切開係板再燒一陣先食到，否則太生。扒餐set 200蚊左右，有埋飲品，小食，仲有得揀意粉/飯。價錢黎講就唔算貴，不過坐位太逼唔夠舒服，再加上鐵板D蒸氣，成個感覺好焗，店員亦唔夠⋯⋯所以除左食物可以之外，其實感覺都唔好😕

可能疫情關係，餐廳早前推出半價外賣自取優惠，初時運作還正常，仍容許顧客致電外賣，稍後到取。但不知道是否近期生意太好，常常不接聽電話。本人星期日致電超過一小時仍接不通，唯有直接到店落單，再在門外等半個小時多，看見門外仍貼著外賣電話號碼的紙張，我想或許是星期日的關係，互相包容一下也無妨。怎知今天星期一致電，也是想長響無人接聽，等到時間夠斷線後再打，發覺電話已被掛起，不能再接通。若店舖真的因生意太好而暫時停止電話落單服務，是否可以接電後通知顧客一聲，起碼不會虛耗顧客致電的時間，也讓顧客有更好的預算。

位於馬鞍山新港城中心，裝修美觀座位舒適，店員服務態度良好，我哋一行二人食午餐，不用等位直接入座，餐牌睇到眼花撩亂，因為好多牛扒選擇🤣，如果你係有選擇困難症真係要慢慢諗😃，喜歡食牛嘅你，應該唔好錯過這間餐廳，我就是牛魔王😂😂 我哋兩個人都叫左鐵板餐，食物份量十足。我哋叫咗兩個套餐，埋單$400 。 牛肩胛+肉醬意粉+三文魚沙律有啲後悔叫咗牛肩胛，肉質比較靭，肉醬意粉肉醬煮得好好食 極上牛柳+溫泉蛋飯推薦極上牛柳，好食過牛肩胛好多😤，肉質軟，有牛肉味 下次會再去食其他牛扒！

賣相吸引，但係味道一般。同朋友嚟食晏，我自己叫咗一個鐵板三色芝士照燒雞扒煎飯，雞扒得過且過，雞肉唔算嫩，芝士同醬汁味道唔係好夾。至於照燒雞扒軟殼蟹丼定食，睇落好豐富，仲有埋西瓜食tim

先講衞生。3隻碟3隻都未洗乾淨。有像番茄汁之類的殘餘物在表面。我要自己把每隻碟清潔。然後到傳菜阿姐。一杯熱檸茶把1/4都潑到枱面。也沒有第一時間給我紙巾吸乾。我提出要求紙巾後約5分鐘才問我「你係咪要紙巾，要我就攞比你」。然後到主菜，鐵板「三重奏」。龍蝦還可以。因為在廚房已經煮熟。但係牛肉和豬肉是全生的。塊鐵板完全不熱。打開個爐，兩粒火種弱過果過雞。連煙都冇。叫侍應加火種，好似要佢自己比錢買咁，勉為其難加了一粒。結果一個鐘之後，牛肉半熟，豬肉仲係生的。我哋埋單走人。去對面食煲仔飯好過。

I ordered a lobster, beef and pork combo. Pork comes raw and they simply put a 2 heating candles under the tray, which is close to useless. Dangerous.

所有牛扒都是鐵板上的🥘大概三四成熟🥩鐵板會繼續加熱牛扒，如果想吃七八成熟，可以盡快切成細件以鐵板煎熟。鐵板保溫時間長一點，這點幾有心思。澳洲西冷牛扒200g $89套餐B（+$49）邪惡芝士薯條🍟日式醬油溫泉蛋🥚煙三文魚沙律🥗澳洲西冷油脂比較少，煎至六七成熟後比較韌，老人家一定吃不了，不過吃油脂感就不是這個價錢吧，算幾抵食啦。芝士薯條很好吃是粗薯條，芝士醬很濃郁。醬油溫泉蛋也很滿意，好像比平時吃的溫泉蛋更滑溜煙三文魚沙律有一大片煙三文魚，如果多一片會更好，沙律菜有幾種，幾新鮮的，沙律的醬汁酸酸甜甜很開胃。澳洲肉眼牛扒300g $139套餐B（+$49）邪惡芝士薯條🍟日式醬油溫泉蛋🥚龍蝦湯🫕澳洲肉眼油脂香一點，但煎熟後還是有少少韌。龍蝦湯很濃郁，不是快餐店那種😂帶一點蝦膏的輕微苦澀味，湯裏面有一隻蝦，喜歡濃湯可以一試。