Just Steak Premium (已結業)

太耐冇大口食肉啦！！！！今日決定去just steak鋸扒🥩🥩係門口見到有好多種唔同產地既肉類選擇，雙眼已經發曬光啦🤩🤩而且性價比超高😍😍最平$99已經可以食到紐西蘭西冷牛扒😱另外分別+$49/$59可以轉唔同套餐，可以根據個人口味自己配搭主食（白飯/意粉/炸南瓜片）前菜（温泉蛋/泡菜豆腐/和牛肉醬）沙律（挪威三文魚沙律）餐湯（是日例湯/餐湯）飲品店家非常貼心❤️❤️餐紙會教導客人如何用餐，牛扒只係煮到2-3成熟，然後客人可以就自己想要既生熟程度，用鐵板加熱牛扒🔥🔥亦準備好配菜，煎好既牛扒則放上配菜上，以免過熟，確保客人食到岩心水既牛扒🥰🥰而且鐵板熱度不足，可以隨時更換👍🏻👍🏻肉眼扒外皮煎到焦香，入口肉汁滿滿💦💦口感軟淋唔會起渣，而牛味都極之濃郁🐮🐮滿口油脂配上炸蒜片提香🧄🧄每一口都齒頰留香🤤🤤十分推薦炸南瓜片😍😍南瓜片食落香甜，熟度剛剛好，內軟外脆，外皮炸粉薄，唔會覺得食緊炸粉！😤😤環境乾淨整潔，待應反應速度快又有禮貌，要吹毛求疵的話，就係有服務費，但要自己去斟水～

第一次來的體驗係中規中矩咁～環境有點小迫，假日嘅價錢貴10幾%～令我最深刻的不是食物，是服務～有一位姐姐好勤力有禮，送食物來時也有心機咁問好放在那個位置～有一些額外嘅要求也好有禮貌咁幫手～只係餐廳嘅食物出品有點耐、點餐後要等上半小時，乳鴿係會更耐～香草烤西班牙粟飼豬扃扒配香味飯 $108送沙律/粟米湯及飲品等得係耐左啲，食物質素就正常無驚喜～應該有嘅都有嘅～比如沙律係凍嘅😂個容器係有預熱左嘅～刀係夠鋒利嘅～配菜都睇得出係有心機整過～可以嘅～只係主角塊扒嘅質素一般～有1/3係乾左啲～乳鴿同樣都係偏瘦偏乾～加59蚊～好想食先叫啦🥹但我幾鐘意個乳鴿汁～Lunch雖然多人，但係完全無個種想你快啲走嘅感覺。可以再試吓佢啲高級點嘅食材嘅我覺得～

又黎哩度食晏啦！我哋今日揀咗假日午餐，點咗牛扒配香味飯，連餐湯或沙律同埋包飲品，$118.0 💰比起平日貴左16蚊。另外，我哋亦試咗另一個套餐，係豬肩扒同樣配香味飯，假日價$108 💸。我哋仲加點左隻乳鴿，$59 💵，試試佢～首先餐廳的服務態度真係好好，👍 服務員有禮貌又友善，處理我哋的需求時顯耐性及細心。不過同上次一樣有個問題，等食物等咗好耐喇。假日中午叫咗半個鐘都未上嚟，真係有點讓人等到不耐煩。⌛️請餐廳正視這個問題阿！食物方面，牛扒煎得剛剛好，外脆內嫩，配上香濃的黑椒汁，香味飯更加美味😋餐湯/沙律二揀一，不過不失。另一邊廂，豬肩扒嘅味道亦十分不錯。豬肉軟嫩多汁，配上一樣的香味飯，絕對係一個滿足嘅選擇。而加點嘅乳鴿比較瘦同乾，肉質鮮嫩，有啲失望，酒樓果啲好食好多！總括而言，餐廳嘅食物質素係OK嘅，尤其係牛扒! 加上優質嘅服務，餐廳整體上都係一個值得推薦嘅選擇。只不過餐廳必須改善等候時間！

去到馬鞍山已是下午茶時間，正路過服務員細心介紹他們高CP值的茶餐，可選配每日限量10杯的熊仔凍咖啡，我立刻問現在還有嗎？他回答「有」；就試試吧！揀咗焗豬扒飯配熊仔咖啡豬扒飯都唔錯，特別是嗰飯，食落不似用平價米，有飯香。咖啡真心、真心好飲，我一直只飲熱啡，今次這杯凍啡👍🏻👍🏻

環境乾淨整潔，但佢個去油煙嘅問題還需要改善，食完之後身上都係有味道嘅。 🫢🫢🫢至於服務方面，我要讚揚佢哋嘅態度，非常好👍🏼服務員都好友善。不過，餐廳出菜速度稍慢，需要等待。👌🏼我哋今日午餐有好多選擇。花多眼亂😯我地點左豬扒配雜菜、豚肉炒烏冬同埋鐵板牛扒。🥩首先，豬扒配雜菜呢個組合非常不錯。豬扒煮得剛剛好，肉質軟嫩多汁，雜菜亦都新鮮豐富。🥕🥦🍅而豚肉炒烏冬嘅味道亦都相當不錯，烏冬彈牙有嚼勁，豚肉鮮嫩多汁，令人回味無窮。🤭至於鐵板牛扒，呢個菜式係餐廳嘅招牌之一。牛扒係鐵板上大約3成熟，肉質鮮嫩多汁，加上黑椒汁，令味道更加突出。🥩總括而言，食物質素算係不錯嘅。不過就係希望佢地可以改進去油煙嘅情況同出菜速度，咁就更加完美啦！😃希望我嘅食評可以幫到你啦！😘

呢間真係係馬鞍山唯一一間真心覺得好食嘅扒房，扒嘅質素唔會差，價錢亦都合宜，而家份量係夠飽👍🏻👍🏻👍🏻同埋真係好過食商場另一間西餐廳嘅扒。呢間堅係性價比高，已經番食過好多次😋😋

今日咁啱嚟到馬鞍山呢一邊做嘢，打算食個好快嘅lunch, 就嗱嗱臨出返市區做嘢！哈哈哈，就見到呢一間平價嘅just steak! 做咗佢一個普通嘅套餐！份量嚟講都比我想像中多，牛肉嘅味道亦都對得住呢一個價錢CP值非常高，唔會有太硬！加埋本身係牛肉上面嘅蒜片，口感非常好食，配埋飯食簡直係一流，午餐嚟講份量都非常多，男仔都唔使怕食唔飽！另外咖啡都非常好，唔會有太甜，飲品有驚喜，適合鍾意食快餐嘅朋友！非常10分抵食！

放假約朋友去馬鞍山睇戲🎬，之後去吃石燒牛扒這間牛扒種類繁多，每次去都可以吃到不同國家牛扒和部位。期間限定必選套餐～～～紐西蘭自然草飼肉眼牛扒🥩 300g嘩！店員送上枱超大塊份量足，草飼肉眼牛扒很嫩肉，肉質夠天然有味。加拿大產特級黑毛艾伯塔牛西冷牛扒🥩250g這個黑毛艾伯塔牛西冷牛扒，肉質厚實吃下有嚼勁。特極上牛柳鐵板套餐🥩200g牛柳質地是腍腍的，輕輕放在石板上煎一煎已經很好吃。法式龍蝦湯 🦞+ 意粉🍝 + 熱咖啡☕️龍蝦湯香濃美味，意大利粉夠煙韌而熱咖啡甘香味濃。法式龍蝦湯🦞 + 意粉 🍝+ 凍柚子蜜🍹凍柚子蜜酸酸甜甜幾清新。日式炸南瓜片 + 是日餐湯 + 凍滴咖啡🥤南瓜片外脆內香甜，凍滴咖啡口感幼滑微甜。

今年520晚餐同男朋友去咗馬鞍山「Just Steak Premium」鋸扒。唔想洗太多錢但係又想有啲儀式感，呢間餐廳可以係你其中一個選擇。裏面有唔同價位嘅扒，亦都可以自由配搭套餐或者係單點。我哋嗌咗紐西蘭肉眼同埋西冷，我哋分別都加多$39配左套餐（包含飯或者意粉，飲品同湯）；同埋叫多咗個炒菇。兩款牛扒比較之下，我哋都覺得肉眼比較好味，肉質較嫩而且肉味夠香。另外，我非常鍾意佢哋嘅水果茶🍊🍋🍎，茶味同水果味都好濃好解渴。但係，餐湯唔知係咪因為凍左，所以覺得好淡冇咩味。

第一次食just Steak 叫了新出的亂切牛鐵板餐會有4個不同部位的牛肉300g $129(單點）牛肉份量很多 但上桌時牛肉已經好熟我喜歡吃5成的 上桌時已經是8成熟了所以立刻拿起所有牛肉 沒有持續放在鐵板上牛肉質素普通 如果對牛肉要求不高只是愛吃肉 想要吃飽的話 亂切牛是可以另一份是澳洲上級草飼西冷牛扒套餐(300克)選了套餐+$49 白飯、泡菜、飲品300g西冷牛超厚！比起亂切牛好吃對牛肉有要求還是吃自己喜歡的牛肉部位比較好牛肉價錢不貴 比起一般牛扒餐廳便宜相對。。我覺得是抵食的另外店員很有禮貌 服務非常好 值得讚

第一次食呢間 舖頭入邊仲有一次性嘅圍裙可以俾你自行選擇用吾用😆我揀咗 蒜蓉汁 牛扒餐配炸南瓜小食 再加配咗龍蝦🦞湯朱古力特飲 🫶🏻有多款唔同嘅套餐選擇同埋唔同嘅小食搭配 百零蚊一個餐算係抵食嘅西餐😋

同老公行山到馬鞍山MOS 食午餐，見到都有人排隊就試吓你先，我就order 咗個玉子豆腐雞扒蔥花定食，嘩嘩嘩蔥花加入滑蛋好好食老公就食牛扒早餐+熱咖啡雞扒有兩款汁👍柚子汁幾醒胃，又炸得好脆老次再行出去馬鞍山一定會再試吓鐵板先😂😂😂😂

叫咗個火炙極上美國牛肩胛丼定食外賣，真係無諗過啲牛肉可以難食到呢個程度！每塊牛嘅肥肉佔2/3都算啦，仲要塊塊都有筋，咬唔開嘅！最後每塊都淨係食到一角，食完啲渣同未食一樣咁多。我都有食過牛肩胛，一定唔係咁樣囉！另外，個名話係火炙，根本做唔到火炙，塊塊都咁厚點火炙得熟? 仲話係極上?? 有無搞錯呀？個麵豉湯咸到飲唔到，啲飯又少，一碗都無! 外賣就俾咁嘅質素嘅食物啲客？憑咩收人143蚊？Just STEAK? 吉野家都好過佢!

澳洲 上級草飼 肉眼牛扒 200G節日套餐 ($188) ●●●●○🎅🏻跟法式龍蝦湯、帶子沙律湯幾濃味😳🦞ribeye肉質唔肥偏嫩牛味雖然唔係特別重，但係都食得過，塊扒大嚿juicy，加上啲燒汁都蓋過咗呢個不足🥩燒嗰陣都幾香🤤送 節日特飲 正常水果梳打味 冇咩有藥水感覺 可以清下味蕾因為係節日套餐所以先mark up咗，其實睇返平時喺呢度食扒嘅價錢，我覺得所有食物都對得住佢嘅價錢，份量絕對夠飽 而且服務頗貼心✨難得馬鞍山有扒食✍🏻 聖誕餐送咗每人一個聖誕手帶🎄😝📍Just Steak Premium💰: ●●●◐○（平日嚟食就高分啲～）環境、服務: ●●●●○

當我每次想食個好d既lunch都會黎睇睇佢個餐牌先～今次有石鍋烏冬，加上門口侍應姐姐好好禮貌，我未睇清楚就入咗黎🫢掙扎左一輪，因為爆瘡唔食牛，要左豬軟骨好好味清晒...佢既賣相同味道都好好唔係hea 野今次佢仲送咗杯咖啡...不得不提其實佢杯咖啡都ok, 但呢間野真係唔多人，我都唔知點解🤷🏻‍♀️