Green Orange

今日放工同老公黎食晚飯~我地好早就黎到，所以唔係好多人。😎叫左四款食物，全部都好好味，唔怪得知咁多好評！❤️👍🏻餐廳播嘅歌可以再挑選一下，咁樣餐廳會更有情調😆🎶🎶炸軟殼蟹: 炸得夠脆，唔會太乾，點mayo食好惹味😋😋白酒忌廉煮青口:個汁好creamy😋😋黑毛豬胺: 調味啱啱好~ 我老公覺得有少少硬。可能我食個部分唔同，覺得都夠腍。😋😋😋煙肉蘆筍蒜炒意粉: 香口~意粉入味~😋😋

位於上環嘅《Green Orange》，係一家歐陸式風格餐廳，以大自然為主題，環境舒適優雅。食物方面，餐廳透過搜羅各國優質食材，烹調出多國美食🍴慢煮鮮紐西蘭特選肉眼牛扒 用上慢煮方法烹調來保留肉汁，肉質亦鮮嫩，蘸上阿根廷青醬更惹味🍴蒜香煙肉蘆筍炒意大利麵 陣陣煙肉鹹香味，意大利麵軟硬適中，加上煙肉、蘆筍和蒜片做配料，份量豐富🍴黑毛豬火腿凱撒沙律用上西班牙22個月黑毛豬火腿和沙律菜，再淋上凱撒醬，食出火腿嘅鹹香味之餘，亦有凱撒醬嘅鹹中帶甜，相當開胃🍴法式伯爵茶焦糖燉蛋吃過面頭嘅焦糖後，就係濃濃嘅伯爵茶香，口感香滑，這個廚師推介甜品不容錯過🍴紐約芝土蛋糕 另一餐廳自家製甜品，芝士味濃郁，口感綿密，甜而不膩

今日終於得閒啲，可以拍吓拖，同老公去咗上環一間西餐廳食嘢。入邊環境好有格調～啲燈光暗暗地，但唔會睇唔到嘢😂😂😂我哋頭盤食咗意式軟殼蟹什菜沙律😍😍對住軟殼蟹真係唔能夠減肥，真係好好食，脆卜卜嘅外殼，配上沙律汁，連埋菜一齊食，完全唔覺得好油膩😍😍😍超級開胃，必叫！然後我哋叫左烤虎蝦海鮮濃湯！我本來唔太鍾意虎蝦海鮮呢類嘢食，結果呢個湯令我對虎蝦海鮮湯改變咗睇法！超級好飲！！虎蝦嘅味道帶點甜味！😂😍😍主菜我哋點咗帶子蘆笱米蘭意大利飯！唔好講笑，唔好諗過蘆筍會整得咁好食，配上帶子！呢個意大利飯真係好鮮甜味！而且呢個意大利飯唔會過多水，雖然意大利飯比較腍，但係每粒飯嘅口感仍然咬得出😍😍🤤🤤仲有一個慢煮鮮紐西蕑特選肉眼牛扒…！（食到呢度，其實我哋都有啲飽）😆😆😆肉眼扒五成熟！100分😍😍😍牛扒側邊亦都配上咗一啲蔬菜，令到你唔會淨係食牛咁罪惡感🤣🤣🤣成件事好健康！而且牛味好重！一刀就切開，唔會太過煙靭！nice😍💗最後甜品啤梨蘋果金寶配雪糕同埋紐約芝土蛋糕！我本身麻麻哋蘋果金寶！不過配埋雪糕嘅話，我很可以😆😆😆💗另外紐約芝士蛋糕10分出色，簡直想再叫多一件，不過太飽啦，留返下一次先再食💗💗💗

想食餐好味西餐，真係要花啲心機搵間好啲嘅餐廳，有時比得貴又無質素，但有時有質素又可能地理位置唔夠方便。呢間Green orange已經唔係第一次泥，首先佢近地鐵站，都算交通方便。而且最緊要係食物質素都保持到。所以我又同老婆過泥撐下枱腳。今晚叫左接近full set嘅菜色，包括：軟殼蟹沙律烤虎蝦海鮮湯帶子蘆筍米蘭意大利飯紐西蘭肉眼扒再加埋甜品：紐約芝士蛋糕啤梨蘋果金寶沙律個軟殼蟹做得好好味，夾埋沙律一齊食，完全唔覺熱氣。海鮮湯蝦味濃郁，隻烤虎蝦都鮮味十足。個意大利飯啲帶子大大隻，煎香左再放入口真係無得輸，帶子控真係要試。食到肉眼扒其實都有啲飽飽地，但係見佢煎得咁靚，都係硬著頭皮食埋佢，都果然無令我失望。最後，食埋甜品，成件事完滿晒，大滿足😊

黃昏時間在上環律師樓處理完事情，一時興起找個西餐廳chill一下，發現了這家樓上隱世誠意餐廳。環境靜雅，餐具刻有自家店名，更具格調。點返杯house wine ，sparkling wine 美酒配佳餚。前菜香煎北海道帶子沙律，帶子蔬菜之外仲有西柚香橙無花果，顏色配料豐富，靚得像一束鮮花，味到清新。蒜香煙肉蘆筍炒意大利麵，蘆筍非常鮮嫩，意大利麵爽口，豐富蒜香味！虎蝦海鮮濃湯，內有三款海鮮，包括海蝦，帶子同藍青口。虎蝦，帶子都係大大隻，煎過香口而且爽口彈牙。藍青口都好新鮮，三款海鮮配合呢個濃湯非常好！紐西蘭肉眼牛扒，牛肉鮮嫩，配阿根廷青醬，多了一分南美風味。蔬菜，新薯也烤得恰到好處，更顯鮮甜。呢度嘅甜品panna cotta係我食過最好嘅奶凍，奶香味重幼滑之餘，同topping生果非常夾，甜甜酸酸，酸酸甜甜，提升咗整個奶凍味道。雖然Green Orange只係一間樓上舖，但食物顏色味道賣相俱佳，絕對見到餐廳嘅用心製作，值得支持。

今日上環做完嘢，想食餐好少少，於是選擇了西餐加鋸扒。同事推介Green Orange，在上環開了十多年，口碑一向很好。餐廳地點非常方便，上環A2出口走過去不到2分鐘。先來一杯House wines ，略帶微酸容易入口。香煎北海道帶子沙律 用上鮮切柚子和橙肉，配上四粒巨型香煎過嘅帶子，擺盤非常精緻，看得出非常用心，酸甜開胃，帶子外脆內嫩，而且份量十足，足夠四個人分享！烤虎蝦海鮮濃湯濃湯用料十足，巨型帶子，青口，加上虎蝦外表烤致蕉香，巨型虎蝦肉質爽實彈牙，蝦湯非常濃稠，配上少許忌廉，份外幼滑。美國頂級西冷牛扒。點了七成熟，牛扒煎得剛好，外蕉內帶鮮紅，肉質鮮嫩多汁，牛肉香味十足，再配上燒過嘅蔬菜同，非常解膩。New York芝士蛋糕！芝士蛋糕濃郁香滑。人均消費500多元，能夠吃到用心的小店，實在非常難得！📍 Green Orange地址: 上環永樂街50號昌盛大廈2樓電話: 25419090

同朋友晚上飯局找了一間上環樓上環境好有情調的餐廳，睇得出餐桌要求都好高，每次上菜都會換碟，收起不需要用嘅刀叉，非常認真。本來想叫個DELUXE DINNER SET，但朋友唔食牛，所以最後散叫。餐前有麵包，微暖的麵包配上橄欖油及醋真係最佳的配搭，比起平時用牛油更加健康，又好味。黑毛猪火腿凱撤沙律，羅馬生菜夠爽脆，黑毛猪火腿與鮮甜的沙律菜，永遠都係絕配。主菜是法式西班牙黑毛豬鞍，黑毛豬多汁，配上薯蓉蔬菜，夠飽肚，又不會只食肉太膩。烤虎蝦海鮮濃湯，虎蝦大隻，湯底濃郁，仲有海鮮青口帶子，非常足料。北海道帶子蘆筍米蘭意大利飯，帶子大隻又彈牙，蘆筍幼嫩，一粒粒又Creamy嘅意大利飯未食已經聞到香味。甜品法式伯爵茶焦糖燉蛋，上層脆卜卜的焦糖面，下層香滑的燉蛋，每一口都有好滿足的感覺。意式奶凍，牛奶味濃奶凍好滑，配上少少酸味的新鮮水果，更突出奶凍的原味。

係上環既Green Orange，一出A2出口右邊就係啦！地方雖然唔算好大，但係氣氛剛好，環境幽靜，最啱大家想同三五知己傾偈食飯飲杯野啦！🍻今次食左佢地既Deluxe Dinner Set，兩位份量，價錢連加一，人均都係$549，仲包一杯紅/白/汽泡酒既餐酒🍷𝗪𝗛𝗔𝗧 𝗪𝗘 𝗢𝗥𝗗𝗘𝗥Deluxe Dinner Set $998Starter✨ 牛油果醬煙三文魚多士脆脆既多士配軟滑又香既牛油果醬已經好好食啦💕再加埋煙三文魚，一定會觸動好多人既味覺。✨ 意式火腿拼盤（捲毛豬，沙萊美，巴馬火腿）配 哈蜜瓜無花果超多哈蜜瓜😂哈蜜瓜愛好者一定會好開心😀佢地每片都好甜，無花果都甜度好高，配上佢地精心挑選既火腿真係無得輸❗️Soup✨ 海鮮濃湯龍蝦湯上面有大量既蟹肉絲，味道香濃，呢個海鮮湯十分十料呀~1st Main✨ 10安士美國頂級西冷牛扒 (MR) 大大塊好厚身，口感唔錯，足料又又食仲有唔同配料，最鍾意就係佢地既焗薯2nd Main✨ 北海道帶子蘆筍米蘭飯帶子足足有四粒咁多！兩個人食都可以有一人兩粒呀！足料到呢！真係好好呀 🥰Dessert✨意式奶凍 奶凍軟滑又香奶味，上面仲有芒果粒，奇異果粒

中上環一帶一向都有不少高質西餐廳，這間鄰近上環站附近的樓上西餐，環境舒適，而且充滿格調，餐點質素同樣高質，好適合約會、朋友聚會👍🏻.🥣是日餐湯 $45餐前餐廳還奉上餐包，口感鬆軟。南瓜忌廉湯口感creamy，味道香濃。.🥗意式煙三文魚什菜沙律 $138沙律菜好新鮮，配上咸香的煙三文魚，感覺清新。.🍝軟殼蟹海鮮濃汁意大利麵 $255軟殼蟹好大隻，外皮酥脆，肉質軟嫩，配上香濃海鮮醬汁的彈牙意粉，還有菇菌、雜菜，味道層次豐富。.🥩慢煮鮮紐西蘭特選肉眼牛扒 $275選用高質紐西蘭肉眼扒 ，牛味香濃，肉質嫩滑有咬口，而且肉汁豐富。伴碟還有新鮮時蔬，個人特別偏愛燒薯。.🍮意式奶凍 $68奶凍奶味濃郁，口感順滑，上面還有新鮮雜果，味道有驚喜。.🍰紐約芝士蛋糕 $58芝士蛋糕口感軟滑，味道香濃，伴碟還有新鮮士多啤梨。.🍷DN-Chardonnay白酒 $98帶淡淡清新香氣，口感清爽。

「Green Orange」是位於上環永樂街一家樓上西餐廳，地理位置方便地鐵一出行1分鐘就到，餐廳環境優雅浪漫，而且坐位非常寬敞，兩個人或者一大班人食飯都非常適合，菜式主打創意西餐，廚師善於配搭不同的食材，做出美味的佳餚😋🥣▪️Daily Soup $ 45是日餐每日都會唔同，今日就係南瓜忌廉湯 ，味道非常香甜，打得幼滑Creamy ，面層加上忌廉更加幼滑，配上餐廳附送嘅熱辣辣麵包，非常美味🥗▪️Smoked Salmon Mixed salad $ 138意式煙三文魚什菜沙律，沙律非常新鮮，咬下去好爽脆 ，柚子沙律汁帶酸酸甜甜好開胃，煙三文魚份量十足，每件都大大件，充滿煙燻香🍝▪️Fried Soft Shell Crab Spaghetti With Seafood Reduction Sauce $ 255軟殼蟹海鮮濃汁意大利麵 ，醬汁呈接近金黃顏色狀態，味道充滿鮮味又Creamy ，掛滿每一條意粉，意粉入口非常煙靭有彈性，而且充滿蛋香，正式意粉已經相當美味 ，當然亦不能忽視炸得香脆啖啖肉既軟殼蟹，好滋味🥩▪️New Zealand PS - Ribeye Steak $ 278Chim

今日約了朋友在上環吃午餐，預早訂了這間意大利西餐廳，午餐提供八八折優惠，十分吸引。由上環地鐵站步行只需約一分鐘便到達，非常方便。室內環境佈置充滿歐陸風味，一系列窗戶令室內光線十足，舒適優雅。午市提供不同款式的套餐，套餐包括是日餐湯🫕、餐包🥖、廚師沙律🥗、主菜🥘🍝🥩和咖啡或茶☕️。今天提供蘑菇湯🫕，味道香濃；配以香蒜牛油法包🥖一流。廚師沙律🥗： 新鮮蔬菜配以鮮甜車厘茄🍅，健康又清新。✨ 慢煮鮮紐西蘭肉眼牛扒配阿根廷青醬 $278五成熟肉眼牛扒🥩烹調火喉剛好，肉質呈粉紅色😍，肉味香濃，口感幼嫩，蘸上青醬加添香味。伴菜有翠玉瓜🫒、薯仔🥔和車厘茄🍅，非常豐富。✨ 法式西班牙黑毛豬鞍 $265厚切黑毛豬鞍🥩肉質多汁入味，口感軟腍；伴菜有翠玉瓜🫒和車厘茄🍅，還有香甜的蕃薯蓉🍠，較為特別。飯後要了熱咖啡☕️和熱檸檬茶☕️，已非常滿足。值得一提的是客人還可加配甜點🍮、海鮮🦪和小食🍤，下次一定要再次到來😋。

朋友公司刚搬到上環，今日約了食lunch他介紹這間Green Orange 餐廳，因為好食又方便只在上環站A2出來行1分鐘就到，還有做88折所以他都經常光顧。我們選擇2個set lunch，新鮮沙律菜好清新，今日是磨菇湯熱辣辣又濃郁配件蒜蓉包已經好滋味。主菜法式西班牙黑毛豬鞍，厚切爽口，非常欣賞配菜是蕃薯蓉，一般用薯蓉改用蕃薯，甜甜滑滑加埋醬汁味道唔錯。慢煮紐西蘭肉眼牛扒，選擇五成熟，份量足夠和烹調火喉剛剛好，牛肉味香濃配埋阿根廷青醬和煎薯仔和翠玉瓜配菜好美味又健康。朋友說這裡set lunch有其他的 risotto 和spaghetti 都煮得好味，待下次再來可以再試試。

中上環一向不乏西餐廳，今次黎到上環地鐵站附近一座商廈，裡面竟然有餐廳❓Green Orange環境十分有情調，餐廳搜羅各國食材，結合現代意大利菜式新穎。✿ 意式軟殼蟹什菜沙律 $168軟殼蟹配沙律又幾過癮🤣沙律醬汁系柚子汁，比人感覺清新🧡軟殼蟹炸得香脆可口🦀✿ 烤虎蝦海鮮濃湯 $108海鮮迷表示海鮮湯簡直系恩物🤩蝦味濃郁，應該落咗吾少蝦肉去烹調🦐食到虎蝦、蜆肉等海鮮，尚算新鮮。✿ 帶子蘆筍米蘭意大利飯 $228帶子煎得好香，爽口彈牙。米蘭意大利飯煙煙韌韌，每一口亦感受到美味醬汁💛✿ 慢煮鮮紐西蘭特選肉眼牛扒 $275紐西蘭肉眼牛扒向來出名🥩仲要系特選，更要試試。肉眼牛扒生熟程度算恰好，中間部分肉質軟稔，牛肉味香濃。✿ 法式伯爵茶焦糖燉蛋 $85西式甜品我最愛頭3位有焦糖燉蛋份，伯爵茶味道香濃🤎蛋味重🥚不過質感可以再稠身啲。✿ 意式奶凍 $68意式奶凍大家都愛🤍奶凍旁邊有水果粒，酸甜清新。奶凍口感結實，牛奶味好明顯🥛

適逢星期日，今次小編同老婆嚟到呢一間位於上環嘅西餐廳食晚餐，小編order咗軟殼蟹沙律，虎蝦海鮮湯，帶子蘆筍米蘭意大利飯，紐西蘭特選肉眼牛扒，伯爵茶焦糖燉蛋，同埋意式奶凍。呢間餐廳嘢食味道烹調得相當出色，尤其小編10分推薦米蘭意大利飯同埋肉眼牛扒，意大利飯嘅醬汁同飯相當配合，食落唔會油膩，肉眼牛扒，肉質鮮嫩多汁，再加埋焦糖燉蛋同埋意式奶凍作為甜品成件事可以用完美去形容，大家嚟到上環嘅時候不妨嚟到呢間西餐廳試一試。

今晚約了朋友去上環食飯慶祝升職，講明慶祝就要搵一間高級D的意大利餐廳先至得。上環永樂街Green Orange，位置距離地鐵站一條街就到，非常方便。服務員態度非常友善，又有禮貌，果然係一間高級的餐廳。既然係慶祝，首先要叫兩杯Pinot Noir紅酒碰下杯先至夠開心，對於平時少飲酒的我，呢個紅酒好易入口。黑毛猪火腿凱撤沙律就係我嘅至愛，黑毛豬夠乾身入味，配上新鮮沙律菜特別好味。烤虎蝦海鮮濃湯，虎蝦預先切開，配有其他海鮮，味道香濃，加啲黑胡椒，口感更好。帶子蘆筍米蘭意大利飯，意大利飯煙靭適中，帶子鮮甜，加上蘆筍嘅點綴，賣相一流。法式西班牙黑毛豬鞍，肉質嫩滑，火候剛好，夠入味。法式伯爵茶焦糖燉蛋，及意式奶凍，兩個甜品無論賣相同味道，都有一定水準，為整個晚餐畫上完美的句號。