Green Orange

今晚約了朋友去上環食飯慶祝升職，講明慶祝就要搵一間高級D的意大利餐廳先至得。上環永樂街Green Orange，位置距離地鐵站一條街就到，非常方便。服務員態度非常友善，又有禮貌，果然係一間高級的餐廳。既然係慶祝，首先要叫兩杯Pinot Noir紅酒碰下杯先至夠開心，對於平時少飲酒的我，呢個紅酒好易入口。黑毛猪火腿凱撤沙律就係我嘅至愛，黑毛豬夠乾身入味，配上新鮮沙律菜特別好味。烤虎蝦海鮮濃湯，虎蝦預先切開，配有其他海鮮，味道香濃，加啲黑胡椒，口感更好。帶子蘆筍米蘭意大利飯，意大利飯煙靭適中，帶子鮮甜，加上蘆筍嘅點綴，賣相一流。法式西班牙黑毛豬鞍，肉質嫩滑，火候剛好，夠入味。法式伯爵茶焦糖燉蛋，及意式奶凍，兩個甜品無論賣相同味道，都有一定水準，為整個晚餐畫上完美的句號。